Winali 16:3 - Wunta Mempori

³ Si mpokaa hapa anu meragi saru onae. I larono opitu oleo omiu asalakono kai mpokaa roti nahi peragi, roti marasaia atuu, hangano mpodadusi komiu impeluarako inso i wita Masiri. Bakanatuu, asa ntinuwumiu komiu nterorambe ia oleo peluarakoamiu inso i wita Masiri.

Winali 16:3 Iomraidhean Croise

1 Mokole 22:27

Ka i'amba mempauo kanandio: kanandiopo petenado mokole: Winsoo mia andio a laro torungku, ka pakaanoko roti, ka mo'inu uwoi ntededei koa ranta kupekule tekadudui.”

Po'unde-unde 102:9

Hawe sumoo oleo domentata aku iwaliku, mia anu memae-maeakune metotonaa saru pauo neeku.

Po'unde-unde 111:4

Luwuno wineweu anu kinohali-haliako Doweweuo gagi pepopoto'ori, Ondae i Ue atuu me'aroa ka mompehohawa.

Po'unde-unde 127:2

Nahina tuduno impewangu mo'oru ka i'amba mpenaa-naa laloomo ntonga wongi, mpe'i'isei mpo'ungke kaanga, hangano ndi ondae anu pinehohawa-Do Ondae i Ue moweeako ira i tempono mpoturi.

Peluarakoa 12:11

Kanandio ba imengkaano: Impeboo ntonga, mpesandala ka tuko ia ngkae; Imempari-pario mengkaano. Onaemo Pasa pompelangkaimiu ndi Ondae i Ue.

Peluarakoa 12:17

Gagi asalakono impelangkaio Oleo Langkai Roti Nahi Peragi, nde ia oleo atuu Kuwawao pebaresimiu mpeluarako inso i wita Masiri. Asalakono ka impelangkaio oleo atuu ranta hawe a inulemiu. Onaemo pompakosi ranta nahina tampulaano.

Peluarakoa 12:39

Tarigu sinalo anu mewinawado inso i wita i Masiri, domentunuo gagi roti bonggoli anu nahi peragi. Tarigu sinalo atuu nahi pinonaako ragi hangano mensinaari ira inso i wita Masiri ka mpodadusi ira, nami domente'alu popatinda kaangado.

Peluarakoa 12:8

Bauno asalakono rinarami ka i'amba kinaa a wongi koa atuu saru roti anu nahi peragi ka inahu mopa'i.

Peluarakoa 34:18

Oleo Langkai Roti Nahi Peragi asalakono imerame-rameo. Kana anu umariomo Kutenaakomu, opitu oleo tehineno asalakono impongkaa roti nahi peragi, a tempo anu pinakosi a wula Abi, hangano a wulamo atuu impeluarako inso i wita Masiri.

Yesaya 52:12

Mentee ntu'u, nahi komiu memadara mpeluarako ka melako mpolai hangano Ondae i Ue Ira melempa i aromiu, ka Ondae Ue Alado to Isaraeli Ira gagi pokotompaano baresimiu.

Imama 23:6

A oleo kohopulu ka olima wula atuu hinao oleo langkai Roti Nahi Peragi ndi Ondae i Ue. I larono opitu oleo asalakono impongkaa roti nahi peragi.

Sakaria 12:10

”Aku motiio penaa pompehohawa ka po'emano somborino i Daudi ka palilino Yerusale. Ira mengkita Aku anu tinobodo. Ira mensabangio kana mia monsabangi ana anu asa-asa, ka ira mpengeseio a laro masukarano tumuwu kana mia mompengesei ana aka.

Podoaa 28:17

Ia oleo anu kohopulu ka olima wula atuu, hinao oleo langkai; opitu oleo tehineno, asalakono impokaa roti anu nahi peragi.

Podoaa 9:11

Ia wula ko'orua, oleo kohopulu ka opaa, i tempono ngkiniwia, asalakono luwuno mia atuu mpokomaroao. Asalakono domengkaano saru roti nahi peragi ka inahu mopa'i.

I LUKASI 22:19

Ka Do'amba umalao roti, montarima kasi, sumiba-sibao ka Doweeako ira, Dopotae, ”Ndiomo koroi-Ku anu imewineeako; imeweweuomo andio gagi rorambe-Ku.”

1 KORINTI 5:8

Onaemo pu'uno aiwamo ka tompogawe, komba saru ragi anu tehineomo, komba mbo'u saru ragi mokoburua ka mosa'oa, sine saru roti anu nahi peragi, onaemo molinoa ka menteea.

Winali 16:2

Asalakono imposumbele asa bawaa bembe bimba ka sapi gagi pesomba Pasa tia-Do i Ue, Ue Alamiu, a mpo'ianga anu Ira binikio i Ue kai po'ia nee-Do i ra'ai.

Winali 4:9

Sine impetangkoromo ka impompe'inandai mpiha, kasi mengkolupeo luwuakoano anu kinitano matamiu atuu, ka kasi tetadi luwuno atuu inso a mpinewowolomiu asa ntinuwumiu. Pauako iramo luwuno atuu a anamiu ka ana uemiu.

1 TESALONIKA 1:6

Ka megagi komiumo mentonda kami ka tumonda Ira i Ue; a laro pompokonsiia anu mobea imentarimaomo pau atuu a mawongkono aroa anu inangga-Do Penaa Mempori,

Yosua 4:7

Asalakono pauako ira motae: Uwoi koro Yarade te'otu i arono burua pedandia-Do i Ue; itempono burua atuu sinakiako. Onaemo pu'uno watu andiodo ta gagi petondoni ia nto Isaraeli ranta nahina tampulaano.”