Winali 12:3 - Wunta Mempori

³ Meda pontunua pesombado asalakono impobangkuo, luwuno tugu lahumoado imempurokio, luwuno karu lahumoado imentunuo luwu, luwuno tinaha anu pinesombaido i mperawo-rawo ira, ka needo imempahihio inso a mpo'ianga atuu.

Winali 12:3 Iomraidhean Croise

1 Mokole 14:15

Ka Do'amba i Ue humuku ira to Isaraeli kana gelaga anu bunembua a uwoi ka butasi ira inso a wita moiko andio anu Doweeako ira uempu'udo. Ondae Ira weweuo ka dontetia-tia i asatowano koro Eparata, hangano mpoweweu iramo luwuno karuno lahumoado, ranta mokotesingkao tekuda-Do i Ue.

1 Mokole 15:13

Tendeano ipokompenaa-naao i Ma'aka, ueno beine inso a mpotorono ine mokole hangano ueno atuu moweweu tinaha Asera anu minokoburuako. Ipobangkuo i Asa tinaha anu minokoburuako atuu ka itunuo i lembono Kideroni.

2 Mokole 11:18

Ka i'amba luwuno palili mpewinso a raha Ba'ala ka mpobangkuo. Domerawo-merawo ira meda pontunua pesomba ka luwuno tinaha pesombaado ka mpepateo i Matani, sando Mpesomba Ba'ala atuu i arono luwuno meda pontunua pesomba atuu. Ka i'amba sando mpesomba Yoyada numaa ira puu mpodagai a raha-Do i Ue.

2 Mokole 18:4

Ipokotampulao luwuno pongku wita pesombaa, luwuno tugu ipuro-puroo ka luwuno karuno pelahumoaa ituehio, saru ule mala wineweuno i Musa iperawo-rawoo, hangano hawe i tempo atuu to Isaraeli da mpotunu pesomba tiano ule anu pinau Nehusitani atuu.

2 Mokole 23:14

Luwuno tugu pelahumoa ipuro-puroo ka luwuno karuno pelahumoa ituehio, ka i'amba po'ianga atuu buke ihowuiakono wukuno mia.

2 Tawarika 14:2

I Asa moweweu hapa anu moiko ka mentee a pongkita-Do i Ue, Ue Alano.

2 Tawarika 14:3

Itadio luwuno meda pontunua pesomba susua ka luwuno po'ianga pesombaa, ipuroo luwuno tugu lahumoa, ka merawo-rawoo luwuno karuno lahumoa.

2 Tawarika 19:3

Sine da hinawe luwuakoano anu moiko ndi omiu, hangano omiu umoninio luwuno karuno lahumoa inso i wita andio ka mo'asao aroamiu umungke Ira Ue Ala.”

2 Tawarika 31:1

Mansano luwuno andio tampulaomo, luwuno to Isaraeli anu mehawe, melako a luwuno kota i Yehuda. Domempuro-puroo luwuno tugu lahumoa, domerongkao luwuno karuno pelahumoaa, ka pobangkuo luwuno po'ianga pesombaa ka meda pontunua pesomba i luwuno Yehuda ka Benami, saru i Eparai ka Manase, ranta tampula luwu. Ka i'amba luwuno to Isaraeli mpekule i luwuno kotano, singge mia a ntia pusakano.

2 Tawarika 34:3

A nta'u ko'oalu poparentaano, tempono da tedoa mongura, onae mompu'u umungke Ira Ue Alano i Daudi, ama mpu'uno, ka ia ta'u kohopulu ka orua onae mompu'u mokomorinao Yehuda ka Yerusale inso a luwuno po'ianga pesombaa, karuno lahumoa, tinaha pina'o ka luwuno tinaha tinawa.

Po'unde-unde 16:4

Tetiangi langkai pompemasusado mia anu tumonda ira pinesombai susua; nahi aku metonda mompesombaako rea inso a mpesomba tinawado, ka nahi aku wela pauo a wiwiku needo pinesombaido.

Peluarakoa 23:13

Asalakono impekokoongakono luwuakoano anu pinau-Ku ndi omiu. Si mpopoboi neeno lahumoa, siimo iteronge nee atuu inso a wiwimu.”

Peluarakoa 23:24

Si mpenggolontu mpelangkaio pinesombai susua ke mpesomba ndi onae, ka si mentondao wineweudo luwuno tongku atuu, sine imempokotampulao lahumoado, ka imerawo-rawoo luwuno tugu pelahumoaado.

Peluarakoa 34:13

Tendeano luwuno meda pontunuado pesomba impobangku ira, luwuno tugu lahumoado imerawo-rawoo, ka karuno lahumoado imentuehi ira,

Yesaya 27:9

Onaemo pu'uno, kanandiomo ta pinahihi salano i Yako ka ndiomo wuano tewala ipoko'olaio halano: Ira weweuo luwuno watu pontunua pesomba kana watu kapuru anu rinawo-rawo, ranta nahina mbo'u karu pelahumoaa ka meda pontunua dupa anu mo'ia mentade.

Yeremia 17:2

gagi pepopoto'ori ndi ondae! Luwuno meda pontunua pesomba ka luwuno karuno pelahumoaado lano kongko i horino keu anu marombo leweno i wawono luwuno pongku anu mantande,

Hosea 2:17

Aku mowutu pedandia ndi omue i tempo atuu saru luwuno kondehora i tongampada, saru luwuno manu-manu i laro meene, ka luwuno kondehora melele a wawo wita; Aku umoninio wo'eno pana, ponai ka parewa mpetea inso i witamu, Aku weweuko rodo mepombole.

Mika 5:14

Aku mombalo pontoo a laro ntekuda ka saru mokulano tekudaku, a luwuno tongku anu nahi behe momperorongeako.

Sakaria 13:2

I tempo atuu, kanandiomo pau-Do Ueno luwuakoano, Aku mokotampulao luwuno neeno lahumoa inso i wita andio, ranta nahi ira mempinau mbo'u. Luwuno mbo'u nabino ka luwuno tinoo mokoburu Aku mokotampulao inso i wita atuu.

Podoaa 33:52

asalakono imensaari ira luwuno palili i wita atuu inso i aromiu ka imempuroo luwuno watu ngginorido; asalakono imempuroo mbo'u luwuno tinaha tinawado ka imeropuo luwuno pongku wita pesombaado.

Winali 12:4

Si mpoweweu kanatuu ndi Ondae i Ue, Ue Alamiu.

Winali 7:25

Luwuno tinaha anu pinesombaido asalakono imentunuo luwu. Si monsisiriakono salaka ke wulaa anu hina ndi ondae ka si me'alao tiano koroimiu, kasi mente'ohoako onae, hangano mongkona atuu onaemo mokoburu-Do i Ue, Ue Alamiu.

Winali 7:5

Sine kanandiomo asalakono imeweweuo ndi ondae: luwuno pontunuado pesomba impobangkuo, luwuno tugu lahumoado imerawoo, luwuno karuno lahumoado imekansa-kansao, ka luwuno tinaha pesombaado imentunuo kai pingko.

MENGKAAA 13:1

Ka ku'amba kumitao aasa kondehora meluarako inso a laro ntahi, metandu hopulu ka me'ulu opitu; i wawono luwuno tanduno hinao hopulu ramba-ramba ulu ka a uluno teburi ba opia nee pompepaukiako.

Puu Mpobitara 2:2

sine omiu, sii mpoweweu pedandia saru palili wita andio. Pontunua pesombado asalakono ka impobangkuo. Sine nahi imperorongeakono pau-Ku. Tembio ka imempoweweu kanandio?