Winali 11:2 - Wunta Mempori

² Pewowoloomo kanandio-andio, kupepau komba ndi ondae anamiu anu nahi domento'orio ka nahi domengkitao pohuku-Do i Ue, Ue Alamiu, pewowoloomo langkaino pabawa-Do, kae-Do anu moroso ka tokia-Do anu tetande,

Winali 11:2 Iomraidhean Croise

Po'unde-unde 136:12

saru kae-Do anu moroso ka tokia tetande! Menteeano ranta nahina tampulaano pompehohawa-Do.

Peluarakoa 6:6

Aku mokogagi komiu bawaa-Ku ka Ongkue Ue Alamiu, ka imento'orio nine Ongkuemo Ue, Ue Ala anu motola komiu inso a mpedadaido mpo'angga a to Masiri.

Powadi 22:19

Ka unaao pompe'ala-alamu ndi Ondae i Ue, kupaguruakomu kanandio-andio, oo ndi omue.

Yesaya 53:5

Sine onae tinobo hangano pe'ewato, onae pinirego hangano poweweuto anu mosa'o. Ponsepi anu mowawa tekaduduiato pinotii ndi onae, ka hangano lia-liambano ontae pinokotompa.

WINEWEUDO TINENA 26:22

Sine hangano pontulungi-Do Ue Ala ka kupokotuwu hawe kanandio-andio ka mesakosii a mia kodei ka a mia langkai. Ka hapa anu kupaleleo atuu nahina susua inso anu se'eluno domempauomo nabi ka ipauomo mbo'u i Musa,

Winali 29:10

Oleo andio mpentade komiu i aro-Do i Ue, Ue Alamiu: luwuno petewawa sukumiu, ka mia memota'umiu, luwuno anu mpo'angga ka luwuno tama to Isaraeli,

Winali 3:24

”Oo, Ue Ala, Mompu'uomo Ipopokitaakono tetenaa-Miu andio langkaino pabawa-Miu ka kae-Miu anu moroso. Hangano, ue ala isemake i langi ka i tolino, anu polio moweweu wineweu mongkokongiri kana Omiu?

Winali 4:34

Horiokoake aasa ue ala mo'arahako aiwa ta mo'ala tiano aasa tongku inso i tonga-tongano tongku anu susua a mperupa-rupa po'arahako, petondoni, wineweu kinohali-haliako, ka peteaa, ka kae anu moroso ka tokia tetande, saru luwuno mongkokongiria langkai, kana anu wineweu-Do i Ue, Ue Alamiu ndi omiu i wita Masiri, i arono matamiu?

Winali 5:24

Mpotae komiu, ”Menteeano Ondae i Ue, Ue Alato, Dopopokitaaomo ndi ontae maramba ka langkaino pabawa-Do, ka suara-Do tomerongeomo inso i tonga-tongano api. A oleo andio kimengkitaomo, nine Ondae Ue Ala mepau saru mia ka mia atuu kongko tuwu.

Winali 7:19

Imengkitaakonomo matamiu luwuno po'ara-arahako langkai, luwuno petondoni ka anu mengkinohali-haliako, kae anu moroso ka tokia tetande anu pinake-Do i Ue, Ue Alamiu, wawa komiu mpeluarako. Kanatuumo mbo'u Ira weweuo i Ue, Ue Alamiu a luwuno tongku anu dinoitoakomiu.

Winali 8:19

Sine tewala imengkolupe Ira ntu'u i Ue, Ue Alamiu, ka mpotonda anu pinesombai susua, mpesomba ndi onae ka mpenggolontu mpelangkaio, kupopoto'oriakomiu oleo andio, nine omiu manasa memate.

Winali 9:26

Mekakai aku ndi Ondae i Ue, kupotae, ”Oo Ue Ala, siimo Iropu ira bawaa-Miu, anu Itolosiako ira langkaino pabawa-Miu ka Iwawaako ira kae-Miu anu moroso mpeluarako inso i wita Masiri.

Yosua 24:31

To Isaraeli mpesomba ndi Ondae i Ue i tempono i Yosua da tuuwu ka itempono luwuno mia memota'u anu tinuwudo melaiopo sekono tinuwuno i Yosua, ka ipembasaio anu wineweu-Do i Ue ia nto Isaraeli.