Winali 1:8 - Wunta Mempori

⁸ Kitaomo, Kupopokitaakomiu wita atuu i aromiu. Impewinsokio ka impetorokiomo wita anu dinandi-Do i Ue saru sumpa ndi ondae i Burahima, i Saki ka i Yako, uempu'umiu ta wineeako ndi ondae ka inuledo.”

Winali 1:8 Iomraidhean Croise

Tegagia 12:7

Tempo atuu Ondae i Ue mepopokita ndi Burama ka Dopepau, ”Wita andio Aku weeako ira inulemu.” Ka i'amba i tu'ai iwanguo meda pontunua pesomba ndi Ondae i Ue anu mepopokita Iramo ndi onae.

Tegagia 15:16

Sine inule anu ko'opaa ira mpekule i ndi'ai, hangano mosa'ono poweweudo to Amori atuu napi inihii ranta kanandio-andio.”

Tegagia 15:18

I Oleo atuu Ondae i Ue mowutu pedandia saru i Burama ka mepau, ”A inulemumo Kuweeako ira wita andio, mompu'u inso a ngkoro Masiri hawe a ngkoro Eparata, korono anu langkai atuu,

Nehemia 9:15

Iweeako iramo roti inso i langi kai tetadi mokoninggo ka Ipoluarakoako ira uwoi inso a nturukuno watu kai tetadi mokoranga. Itena ira mbo'u mpewinso ka mpetorokio wita anu saru sumpa Komiu weeako ira.

Peluarakoa 23:31

Aku patotoo tida wita miu inso a ntahi Teberau hawe a ntahi Pelisiti ka inso i pada one hawe i koro Eparata, nde Aku meweengako ira palili i wita atuu a ngkaemiu, ka imensaari ira inso ndi omiu.

Peluarakoa 33:1

Mepau Iramo i Ue ndi Musa, ”Impelungkamo inso i ndi'ai, omue saru tongku anu winawamu mpeluarako inso i wita Masiri, a wita anu Kudandiomo mesumpa ndi Burahima, ndi Saki ka ndi Yako, kanandio: A inulemu Aku meweengakono wita andio.

Yeremia 32:22

Omiu weeako ira wita andio, kana anu Idandiakonomo sumpa a uempu'udo ka doweeako ira, asa wita anu hadio ntu'u susu ka siu hoani.

Yehesikieli 47:14

Wita atuu asalakono impetiao mengkena onaemo wita anu saru sumpa Kudandio meweengakono a uempu'umiu ka kanatuumo wita andio gagi tia pusakamiu.

Podoaa 14:23

manasa nahi ta kumitao wita anu Kudandiakono sumpa ndi uempu'udo! Luwuno anu tumata Aku andio nahi ta kumitao.

Podoaa 32:11

Menteeano luwuno mia anu mpelempa inso i Masiri, anu tinuwuno rua pulu nta'u ka torea, nahi ta kumitao wita anu Kudandiakono sumpa ndi Burahima, ndi Saki ka ndi Yako, hangano nahi domentonda Aku tompaano aroado,

Winali 1:11

Po'ineeomo Ondae i Ue, Ue Alado uempu'umiu, tumiangio hadiomiu meluka asa nsowu mbo'u ka rumonso komiu kana anu dinandi-Do ndi omiu.

Winali 1:35

”Nahina maupo te'asa mia inso a luwuno mia andio, asa ntuwua anu lambaha andio ta kumitao wita moiko, anu Kudandiakono sumpa ira mewineeako uempu'umiu.

Winali 10:11

Umarino atuu mepau Iramo i Ue ndi ongkue, ”Rongamo lako ka pelempa i arodo tongku atuu, ka dompewinsokio ka mpetorokio wita anu Kudandiakono sumpa ndi ondae uempu'udo ka domewineeako.”

Winali 11:24

Sompo po'ianga anu linandano pele ngkarumiu, omiumo anu mpe'ueo. Mompu'u inso i pada one hawe i torukuno Libano, ka inso a ngkoro Eparata, hawe a ntahi i sumooano oleo, ta gagi witamiu.

Winali 11:9

ka imelai tinuwumiu i wita anu dinandi-Do i Ue saru sumpa ndi ondae uempu'umiu ka Doweeako ira ka a inuledo, asa wita anu hadio ntu'u susu ka siu hoanino.

Winali 2:29

kana anu wineweudo inuleno i Esau ndi ongkue anu mpo'ia i Seiri ka to Moabi anu mpo'ia i Ari, ranta ka kusakio Koro Yarade, lumako a wita anu Dowee kami i Ue, Ue Ala mami.”

Winali 26:15

Ipensiroiomo inso a mpo'ianga-Miu anu mempori, i laro nsuruga, ka Ironso iramo bawaa-Miu Isaraeli, ka wita anu Iweekamimo, kana anu Idandiomo saru sumpa ndi ondae uempu'u mami, asa wita anu hadio ntu'u susu ka siu hoanino.”

Winali 26:3

Asalakono kau tepohaweakono sando mpesomba anu kongko i tempo atuu, kau potaekono, ”Oleo andio kupauo ndi Ondae i Ue, Ue Alamu, nine mewinso akumo i wita anu dinandi-Do i Ue saru sumpa ndi ondae uempu'uto Ira meweengakono ndi ontae.”

Winali 28:11

Ondae mbo'u i Ue Ira mokohadioo ntu'u moikoa a laro mpe'anakaamiu, hasilino pinotuwumiu ka hasilino witamiu, i wita anu dinandi-Do i Ue saru sumpa ndi ondae uempu'umiu Ira weeakomiu.

Winali 29:12

Impentade kai mpewinso i larono pedandia-Do i Ue, Ue Alamiu, sumpa dandi-Do, anu winutu-Do i Ue, Ue Alamiu, saru omiu oleo andio.

Winali 30:20

pehohawa Ira i Ue, Ue Alamu, rongeo pau-Do ka tumonda Ira. Hangano Ondaemo tinuwumu ka anu weweuakomiu mpo'ia tehine i wita anu dinandi-Do i Ue saru sumpa ndi Burahima, i Saki ka i Yako uempu'umu anu wineeako ndi ondae.

Winali 31:7

Ka i'amba i Musa moboio i Yosua ka ipepauakono i arodo luwuno to Isaraeli, ”Pokorosoo ka perodoo aroamu, hangano omue komewinso meronga saru tongku andio a wita anu dinandi-Do i Ue saru sumpa ndi uempu'udo ka pineweengako ndi ondae. Omue anu ta wawa ira ranta ka dompe'ueo.

Winali 34:4

Mepau Iramo i Ue ndi onae, ”Onaemo andio wita anu Kudandiakono sumpa ndi Burahima, ndi Saki, ka ndi Yako, kanandio: ’A inulemiumo Aku weengakono wita atuu.’ Kupo'ineeko kumitaakono matamu, sine nahi komesakiako raane.”

Winali 4:1

”Kanandio-andio, hei to Isaraeli, imerongeomo pompakosi ka atora anu kupaguruakomiu kai wineweu, kai mentuwu ka kai mpewinso saru mpetorokio wita anu Doweeakomiu i Ue, Ue Alado uempu'umiu.

Winali 6:10

Ondae i Ue, Ue Alamiu, Ira wawa komiu mpewinso a wita anu dinandi-Do saru sumpa ndi Burahima, ndi Saki ka ndi Yako, uempu'umiu, ta pineweengako ndi omiu: wita saru luwuno kotano anu langkai ka moiko, anu nahi mewanguo.

Winali 7:12

Tewala imerongeo luwuno atora atuu, impe'ini ndi onae, ka imeweweuo, gagi ndi omiu, Ondae i Ue, Ue Alamiu, Ira me'ini a mpedandia ka pompehohawa anu pinau-Do saru sumpa ndi ondae uempu'umiu.

Winali 7:13

Ira mehohawa komiu, rumonso komiu, ka mokohadio komiu. Ira rumonsoo inulemiu ka hasilino witamiu, gandu ka anggoro saru lanamiu, ana nsapimiu, ka asa bawaa ana bembe bimbamiu, i wita anu dinandi-Do saru sumpa ndi ondae uempu'umiu Ira weeakomiu.

Winali 7:8

Sine hangano Dopehohawa komiu i Ue ka Do'inio sumpa anu Dopauomo ndi ondae uempu'umiu, Dowawa komiumo i Ue mpeluarako saru kae-Do anu moroso ka tumolosi komiu inso a mpo'ianga tepe'ataa, inso a ngkaeno i Pirao, mokole i wita Masiri.

Winali 8:1

”Luwuno parenta anu kupohaweakomiu a oleo andio, asalakono impetenunu meweweuo, kai mentuwu ka ntetiangi hadio ka impewinso saru mpetorokio wita anu dinandi-Do i Ue saru sumpa ndi ondae uempu'umiu.

Winali 9:5

Komba hangano menteemiu ke moleono aroamiu impentorokio witado. Sine hangano koa mosa'ono gaudo tongku atuu ka Dosaari ira i Ue, Ue Alamiu inso i aromiu, ka Do'ihiio i Ue dandi-Do anu pinau-Do saru sumpa ndi ondae i Burahima, i Saki ka i Yako, uempu'umiu.

IBARANI 6:13

Hangano tempono Ondae Ue Ala weeakono i Burahima dandi-Do, mesumpa Ira a ngkoroi-Do Ondae-Do, hangano nahina mia anu lalu mantande sekono Ondae,

IBARANI 6:14

pau-Do, ”Menteeano Aku rumonsoko hadio ntu'u ka weweuko tedoa hadio.”

Yosua 1:6

Peteao, ka pokorosoo aroamu, nde omue anu ta gagi petewawado tongku andio mpe'ueo wita anu Kudandiako ira ka mesumpa ia ue mpu'udo ka domewineeako.

Puu Mpobitara 2:1

Ka i'amba Mala'eka-Do i Ue lumako inso i Giliga tetutu i Bokohi ka mepau, ”Kukongkomi komiumo mpeluarako inso i Masiri ka Kuwawa komiu ia wita anu Kudandiakomiu saru sumpa ndi ue mpu'umiu. Mepau Akumo: Komba Aku balio pedandi-Ku ndi omiu ranta nahina tampulaano,