Winali 1:11 - Wunta Mempori

¹¹ Po'ineeomo Ondae i Ue, Ue Alado uempu'umiu, tumiangio hadiomiu meluka asa nsowu mbo'u ka rumonso komiu kana anu dinandi-Do ndi omiu.

Winali 1:11 Iomraidhean Croise

Tegagia 15:5

Ka Do'amba i Ue wawao i Burama meluarako ka Dopepau, ”Pentombumo i langi ka doaomo anano wula, tewala upokodoao.” Mepau Ira mbo'u ndi onae, ”Kanatuumo te'ipua hadiono inulemu.”

Tegagia 22:17

manasa Aku rumonsoko tehadio ntu'u ka weweuo inulemu hadio ntu'u kana anano wula i langi ka kana one i wiwi ntahi. Inulemu atuu ira mpentorokio luwuno kotado iwalido.

Tegagia 26:4

Aku weweuo inulemu hadio kana anano wula i langi. Aku weeako ira inulemu luwuno wita andio, ka hangano inulemu luwuno tongku i tolino ira mpohawe ronso.

Tegagia 49:25

Ondae Ue Alano amamu anu Ira tumulungiko, Ondae Ue Ala Anu Tedoa Pabawa, anu Ira rumonsoakomu ronso inso i langi i wawono, saru ronso inso a ntahi malua anu metotoako itotono, saru ronso uo ka pe'anakaa.

2 Samueli 24:3

Motae i Yoabi ndi ondae mokole, ”Po'ineeomo Ondae i Ue, Ue Alamiu, mokohadio ira palili meluka asa etu ka ikitaakono matamiu mokole. Nde tembio mokole ka inehemiu kanandio?”

1 Tawarika 21:3

Sumangki i Yoabi, ”Po'ineeomo Dotiangio i Ue palili-Do meluka asa etu inso anu hina kanandio-andio. Oo ueku mokole, kombake ondae, luwuno atamiu ueku? Tembio ueku ka ipedada umemao mongkona andio? Tembio mongkona atuu asalakono gagi sala anu domentembio to Isaraeli?”

Po'unde-unde 115:14

Po'ineeomo ka Dotiangio i Ue porokomu, porokomu ka inulemu.

Peluarakoa 32:13

Ipewowolo ira i Burahima, i Saki ka i Isaraeli, ondae tetenaa-Miu atuu. Ndi ondae mesumpa Komiumo ia nee-Miu ka Ipepau, Aku weweuo inulemu kana hadiono anano wula i langi, ka luwuno wita anu Kudandia komu andio Aku weeako ira inulemu, ka dompe'ueo ranta nahina tampulaano.”

Yehesikieli 16:7

Kuweweuko langkai kana pinopaho a lere. Omue tuwu ka gagi langkai, tendeano hawe gagi sompo tinuwu. Wua radamu hinaomo tadeno ka wuumu tuwuomo, sine omue kolambe-lambe.

Podoaa 22:12

Mepau Iramo Ue Ala ndi Bilea, ”Siimo lako perongaako ira, si totonaao tongku atuu, hangano merinonso iramo.”

Podoaa 6:27

Kanandiomo asalakono domenaao nee-Ku a nto Isaraeli, ka Aku rumonso ira.”

Winali 1:10

Ondae i Ue, Ue Alamiu weweu komiumo mehadio. Menteeano, kanandio-andio kana komiumo anano wula i langi hadiono.

Winali 1:12

Sine kana'umpe aku polio asa-asaku tumembio anggaa a masusaamiu, tinembimiu ka kara-karamiu?

Winali 1:8

Kitaomo, Kupopokitaakomiu wita atuu i aromiu. Impewinsokio ka impetorokiomo wita anu dinandi-Do i Ue saru sumpa ndi ondae i Burahima, i Saki ka i Yako, uempu'umiu ta wineeako ndi ondae ka inuledo.”

Winali 10:22

Butu pitu pulu mia uempu'umiu melako i wita Masiri, sine kanandio-andio Ondae i Ue, Ue Alamiu weweu komiumo hadio kana anano wula i langi.

Winali 28:62

Inso ndi omiu butu tedei mia anu ta kongko tuwu, ka hinaano omiu ba i ndi'ipua kana anano wula i langi hadiono, hangano nahi mperorongeakono pau-Do i Ue, Ue Alamiu.