Winali 1:10 - Wunta Mempori

¹⁰ Ondae i Ue, Ue Alamiu weweu komiumo mehadio. Menteeano, kanandio-andio kana komiumo anano wula i langi hadiono.

Winali 1:10 Iomraidhean Croise

Tegagia 15:5

Ka Do'amba i Ue wawao i Burama meluarako ka Dopepau, ”Pentombumo i langi ka doaomo anano wula, tewala upokodoao.” Mepau Ira mbo'u ndi onae, ”Kanatuumo te'ipua hadiono inulemu.”

Tegagia 22:17

manasa Aku rumonsoko tehadio ntu'u ka weweuo inulemu hadio ntu'u kana anano wula i langi ka kana one i wiwi ntahi. Inulemu atuu ira mpentorokio luwuno kotado iwalido.

Tegagia 28:14

Inulemu ira megagi kana awu wita hadiono, ka omue kotesiarawo te'alaako i sabaano oleo, i sumooano oleo, i utara ka i selata ka hangano omue saru inulemu luwuno suku i wawontolino ira mpohawe ronso.

1 Tawarika 27:23

I Daudi nahi doao porokono mia anu tinuwuno napi sompo rua pulu nta'u, hangano medandi Iramo i Ue mokogagi ira to Isaraeli kana hadiono anano wula i langi.

Nehemia 9:23

Ipokogagio anado kana hadiono anano wula i langi. Iwawa ira a wita anu Itenaako ira uempu'udo kadompewinsokio ka mpetorokio.

Po'unde-unde 107:38

Doronso ira onaemo ka dontetiangi hadio ntu'u, ka luwuno pinotuwudo Doweweuo nahi makura.

Peluarakoa 12:37

Umarino atuu, mpelungka iramo to Isaraeli melako inso i Ra'amase te'aro i Sukoti, tama anu mpelempa ngkaru bara'ura nomo'etu nsowu mia nahi tedoa nana'ote ka kombiado.

Peluarakoa 32:13

Ipewowolo ira i Burahima, i Saki ka i Isaraeli, ondae tetenaa-Miu atuu. Ndi ondae mesumpa Komiumo ia nee-Miu ka Ipepau, Aku weweuo inulemu kana hadiono anano wula i langi, ka luwuno wita anu Kudandia komu andio Aku weeako ira inulemu, ka dompe'ueo ranta nahina tampulaano.”

Yesaya 51:2

Kitaomo i Burahima, uempu'umiu, ka i Sara anu me'anaakomiu. Tempono i Burahima asa-asano, Kupoboio, ka Ku'amba rumonsoo ka weweuo gagi hadio.

Yehesikieli 16:7

Kuweweuko langkai kana pinopaho a lere. Omue tuwu ka gagi langkai, tendeano hawe gagi sompo tinuwu. Wua radamu hinaomo tadeno ka wuumu tuwuomo, sine omue kolambe-lambe.

Podoaa 1:46

porokono nomo etu ka tolu nsowu ka lima etu lima pulu mia.

Podoaa 10:36

Sompo ipenaa-naa burua pedandia atuu, ipotae, ”Ipekulemo, oo Ue a bawaa Isaraeli anu mapasowu-sowu andio.”

Winali 1:11

Po'ineeomo Ondae i Ue, Ue Alado uempu'umiu, tumiangio hadiomiu meluka asa nsowu mbo'u ka rumonso komiu kana anu dinandi-Do ndi omiu.

Winali 10:22

Butu pitu pulu mia uempu'umiu melako i wita Masiri, sine kanandio-andio Ondae i Ue, Ue Alamiu weweu komiumo hadio kana anano wula i langi.

Winali 26:5

Ka i'amba asalakono omue pauo i aro-Do i Ue, Ue Alamu, kanandio, ”Amaku i ndi'ipua to Arami, asa mia puu mpelakopi. Onae lumako saru tedeikoa mia i wita Masiri ka mo'ia i ra'ai gagi mia hawe. Sine i ra'ai gagi ira asa tongku langkai, moroso ka mehadio ira.

Winali 28:62

Inso ndi omiu butu tedei mia anu ta kongko tuwu, ka hinaano omiu ba i ndi'ipua kana anano wula i langi hadiono, hangano nahi mperorongeakono pau-Do i Ue, Ue Alamiu.

Winali 7:7

Komba hangano doamiu lalu hadio inso a tongku isuamo koa, aroa-Do i Ue tepadii ndi omiu ka dobiniki komiu. Kombake omiu andio anu lalu kodei inso a luwuno tongku?