TITU 1:3 - Wunta Mempori

³ ka a tempo anu po'ehe-Do Dopokomengkaaomo pau-Do a pompalelea Lele Mawongkoa anu kupine'ala-alaako menunu saru petena-Do Ue Ala, Puu pongkaduduito.

TITU 1:3 Iomraidhean Croise

Yesaya 12:2

Mentee ntu'u, Ondae Ue Ala atuu tekaduduiaku; kupe'ala-ala Ira ka nahi kudoito, hangano Ondae Ue Ala atuu rosoku ka penaniku, Ondae gagi Iramo tekaduduiaku.”

Yesaya 45:15

Mentee ntu'u, Omiu Ue Ala anu wunio koroi-Miu, Ue Alado to Isaraeli, Puu pongkadudui.

Yesaya 45:21

Pauomo ka pohaweomo pe'empehimu, oo, po'ineeomo donteriso mperonga-ronga: Isemake anu paleleo mongkona andio inso a tempo se'eluno ntu'u, ka pauakono mompu'u i ndi'ipua? Kombake Ongkue, Ue? Nahina anu susua, nahina pinesombai susua sangkadio Ongkue! Ue Ala anu moleo ka Puu pongkadudui, nahina anu susua sangkadio Ongkue!

Danieli 11:27

Orua mokole atuu mosa'o tinoodo, ka tempono dope'asa mentoro a asa meda, ira mambe gaupi. Sine, mongkona atuu nahi ta mehasili, hangano tampulaano wawontolino atuu napi haweako tempo anu pinakosi.

Danieli 8:23

A mpoko'ariano poparentaado, tewala gau mosa'o tedoaomo lansara, ta me'umbaako asa mokole rupano masii ka pande mompopo'oo.

Danieli 9:24

Pinakosiomo pitu pulu meluka opitu tempo a tongkumu ka a ngkotamu anu mempori, mokotampulao gau mosa'o, mokompenaa-naao hala, pahihio sala, ka ihawe moleoa anu nahina tampulaano, umihiio pongkita ka pinau anu ta gagi, umurapio anu tedoa mempori.

Habaku 2:3

Hangano pongkita atuu da monsikori tempono, sine ta ronga te'aro a mpoko'ariano, ka komba pompopo'oo. Maupo nahi ronga hawe, sikoriomo, hangano mongkona atuu manasa ta hawe ka nahi ta tepotulu.

I MARAKUSU 1:15

Dopotae, ”Tempono inihiiomo; Poparentaa-Do Ue Ala rangkuomo. Intepidimo ka impe'ala-alaomo Lele Mawongkoa!”

I MARAKUSU 13:10

Sine Lele Mawongkoa asalakono pinalele ari a luwuno tongku.

I MARAKUSU 16:15

Ka Do'amba motaeako ira, ”Imelakomo i asa wawontolino, paleleomo Lele Mawongkoa a luwuno anu tuwu.

I LUKASI 1:47

ka aroaku mawongko hangano Ondae Ue Ala, Puu pongkaduduiku,

WINEWEUDO TINENA 10:36

Onaemo atuu pau Dopetenaako mohaweo a nto Isaraeli, onaemo pau anu mompalele rodoa hangano Ondae i Yesu Kerisituu, anu Ondaemo Uedo luwuno mia.

WINEWEUDO TINENA 17:26

Inso a aasa mia koa Dopokogagiomo luwuno tongku ka luwuno mia ka dompo'iangario asa wawontolino ka Dopakosiako iramo luwuno tempo ka luwuno tidano po'iangado,

ROMA 15:19

hangano pabawano luwuno petondoni ka anu mengkinohali-haliako ka hangano pabawa-Do Penaa. Kanandiomo a laro pelempaa sumompoo wita inso i Yerusale hawe i Ilirikumi kupaleleomo luwu Lele Mawongkoa-Do i Kerisituu.

ROMA 16:25

Ndi Ondae, anu pabawa mokoroso komiu, – montonda Lele Mawongkoa anu pinaleleku ka pompalelea mongkona Ondae i Yesu Kerisituu, menunu saru mengkaano winuni, anu kinominoako mapa'etu-etu nta'u tehineno,

ROMA 16:26

sine anu kanandio-andio pinokomengkaaomo ka montonda parenta-Do Ue Ala anu nahina tampulaano, pinaleleomo a luwuno tongku hangano wuntado luwuno nabi anu wawa ira ka dompetonda mpompe'ala-ala –

ROMA 5:6

Hangano tempono da memolema kita, mate Iramo i Kerisituu tiato mia anu buunto a tempo anu Dopakosiomo Ue Ala.

1 KORINTI 9:17

Tewala mansa kuweweuo montonda po'eheku ongkueku, lano tekona kupontarima tambo. Sine hangano kuweweuo komba montonda po'eheku ongkueku, pompalelea atuu onaemo anggaa anu kupinopotembiako.

GALATIA 4:4

Sine mansano sompoomo tempono, onaemo ka Dotenao Ue Ala ana-Do, anu pine'anaakono asa beine ka metuundu a songka Taura.

EPESU 1:10

gagi pepatinda haweno tempo ka ipino'asa ndi Ondae i Kerisituu gagi Tadulakono luwuakoano, moiko anu i suruga maupo anu i tolino.

EPESU 2:17

Hawe Ira ka paleleo rodoa ndi omiu anu ”me'olai” ka rodoa ndi ondae anu ”me'umpeda”,

PILIPI 1:13

ranta mengkaaomo a luwuno ihino langkanae ka luwuno mia susua, nine tinorungku aku hangano Ondae i Kerisituu.

KOLOSE 1:23

Onaemo pu'uno asalakono ka imemoroso aroa a pompe'ala-ala, memoroso mpiha ka nahi ntelelu, ka si mebehe ntepahe inso a pomperorohia Lele Mawongkoa, anu imerongeomo ka anu pinaleleomo i asa wawontolino i totono langi, ka anu ongkue andio, i Paulu, gagi akumo puu pompekakaakono.

KOLOSE 1:6

anu haweomo ndi omiu. Lele Mawongkoa atuu mewua ka koteti-tetiangino i asa wawontolino, kanatuu koa mbo'u i olomiu mompu'u tempono imerongeo ka mento'orio ntu'u pe'aroa-Do Ue Ala.

1 TESALONIKA 2:4

Tendeano, hangano Dopetekona kamimo Ue Ala ka kimempine'ala-alaako Lele Mawongkoa, onaemo pu'uno ka kimpepau, komba mokomawongko ira mia, tendeano mokomawongko Ira Ue Ala anu umara-arahakono aroato.

1 TIMOTIU 1:1

Inso ndi Paulu, tetenaa-Do i Kerisituu Yesu montonda petena-Do Ue Ala, Puu pongkaduduito, ka Ondae i Kerisituu Yesu, pu'uno pomperorohito,

1 TIMOTIU 1:11

anu me'empehiako Lele Mawongkoa inso ndi Ondae Ue Ala anu maramba ka tekona inunde-unde, kana anu pine'ala-alaako ndi ongkue.

1 TIMOTIU 2:3

Onaemo anu moiko ka anu Dopemoikoo Ue Ala, Puu pongkaduduito,

1 TIMOTIU 4:10

Onaemo pu'uno ka tompe'isei ka mpeteahako, hangano mpomperorohi kita ndi Ondae Ue Ala anu tuwu, Puu pongkaduduido luwuno mia, tamoako lahi ondae anu mpompe'ala-ala.

2 TIMOTIU 4:17

sine mentade Iramo i Ue i horiku ka mokoroso aku, ka ipinalele koa ntu'u Lele Mawongkoa telalo ndi ongkue ka domerongeo luwuno mia anu komba to Yahudi. Hangano kanandio ka kutola inso a ngangano singa.

TITU 2:10

si domemolengku, sine asalakono ka iwela koa inso i aroado ka mpetenunu, hangano kanandio a luwuakoano ka dompokomarambao pompaguru-Do Ue Ala, Puu pongkaduduito.

TITU 2:13

saru mensikorio te'ihiino pomperorohito anu buke me'uraa ka mengkaano maramba-Do Ue anu Tedoa Langkai ka Puu pongkaduduito Ondae i Yesu Kerisituu,

MENGKAAA 14:16

Ka Ondae, anu mentoro a wawo nseru atuu, mesewoakono ponsewo-Do i wawontolino, ka sinowiomo tolino.