TITU 1:1 - Wunta Mempori

¹ Inso ndi Paulu, tetenaa-Do Ue Ala ka tinena-Do i Yesu Kerisituu ka ipekakaakono pompe'ala-alado mia bininiki-Do Ue Ala ka ponto'ori menteea kana anu mengkaa a laro mpesombato,

TITU 1:1 Iomraidhean Croise

1 Tawarika 6:49

Sine i Haruni ka inuleno anggaado mpotunu pesomba i wawono meda pontunua pesomba tinunu ka i wawono meda pontunua pesomba dupa. Ondae me'anggao luwuno anggaa a mpo'ianga tedoa mempori, saru mpoweweu pesintuwua a nto Isaraeli, kona kana peparentano i Musa, tetenaa-Do Ue Ala atuu.

I LUKASI 18:7

Nde nahi Ira mokomenteeo Ue Ala luwuno mia bininiki-Do anu meene ka wongi mpebooli ndi Ondae? Ka nde Ira motuluoke tempo ka Do'amba tumulungi ira?

WINEWEUDO TINENA 13:48

Rumongeo atuu mpo'unde iramo luwuno mia anu nahi domento'ori ira Ue Ala ka dome'unde-undeo pau-Do i Ue; ka luwuno mia anu Dopakosio Ue Ala a ntuwua anu nahina tampulaano, gagi mpompe'ala-ala.

ROMA 1:1

Inso ndi Paulu, tetenaa-Do i Yesu Kerisituu, anu pinoboi gagi tinena ka pinokomempori ka ipaleleo Lele Mawongkoa inso ndi Ondae Ue Ala.

2 KORINTI 1:1

Inso ndi Paulu, anu hangano po'ehe-Do Ue Ala gagi tinena-Do i Kerisituu Yesu, ka inso ndi Timotiu pepaekompoto, hawe a bawaa-Do Ue Ala i Korinti saru luwuno mia mempori i asa wawo wita Akaya.

EPESU 2:8

Nde hangano pe'aroa ka imengkinaduduiako pompe'ala-ala; atuu komba hasilino usahamiu, sine pompowee-Do Ue Ala,

PILIPI 1:1

Inso ndi Paulu ka i Timotiu, Tetenaa-Do i Kerisituu Yesu, a luwuno mia mempori ndi Ondae i Kerisituu Yesu i Pilipi, saru luwuno petewawado bawaa ka diakee.

KOLOSE 2:2

ka itetarero aroado ka dontepo'asa a pompehohawa, ranta ka domehaweo luwuno kaeaa ka pompe'ala-ala mento'orio ntu'u ka mento'orio rahasia-Do Ue Ala, onaemo Ondae i Kerisituu,

1 TIMOTIU 2:4

anu inehe-Do ka luwuno mia mengkinadudui ka mpohawe ponto'ori mongkona menteea.

1 TIMOTIU 3:16

Ka menteeano langkaiomo rahasiano pesombato: ”Ondae, anu mepokomengkaa Iramo a rupano mia, pinokomentee a Mpenaa; anu mepopokita a luwuno mala'eka, pinalele i olodo luwuno tongku anu nahi domento'ori Ira Ue Ala; anu pine'ala-ala i wawontolino, winuatako a marambaa.”

1 TIMOTIU 6:3

Tewala asa mia mompaguruako pompaguru susua ka nahi tondao pompaguru anu mentee – onaemo pau-Do Ueto i Yesu Kerisituu – ka nahi tondao pompaguru anu menunu saru pesombato,

2 TIMOTIU 2:10

Onaemo pu'uno kupedatoo tumembio luwuno atuu tiado mia bininiki-Do Ue Ala, ka dompohawe koa mbo'u tekaduduia ndi Ondae i Kerisituu Yesu saru marambaa anu nahina tampulaano.

2 TIMOTIU 2:23

Polaiakono luwuno anu inungke-ungkeako, anu benge-benge ka nahi tekona. Uto'orio nine luwuno atuu mompokohina pengengea,

2 TIMOTIU 2:25

ka saru mepau molusa-lusa mokotaate ira mia anu inehedo me'ewa, hangano bara'ura Dopoweeako ira i Ue tempo ka dontepidi ka wawa ira ranta ka domento'orio menteea,

YAKOBU 1:1

Tabea inso ndi Yakobu, tetenaa-Do Ue Ala ka Ondae i Yesu Kerisituu, hawe a hopulu ka orua suku a mpelakopia.

2 PETURU 1:3

Hangano pabawa-Do Ue Ala moweeakitamo luwuakoano anu mentudu tiano tuwu anu moleo hangano ponto'orito mongkona Ondae, anu moboi kitamo hangano pabawa-Do anu maramba ka kinohali-haliako.

2 PETURU 3:11

Gaagi, tewala luwuakoano andio ta kanandio teweweuno iterawo-rawo, asalakono ka imentuwu tedoa mempori ka mpesomba ntu'u

1 YOHANE 2:23

Hangano ba isema humapu Ira i Ana, onae mbo'u nahi pe'umbu Ira i Ama. Ba isema umakui Ira Ana, ipe'umbu Ira mbo'u i Ama.

MENGKAAA 1:1

Ndiomo pinokomengkaa-Do i Yesu Kerisituu, anu Doweeako Ira Ue Ala ndi Ondae, ka Dopopokitaako ira tetenaa-Do hapa anu asalakono ta ronga gagi. Ka a mala'eka-Do anu tinena-Do, Dopokomengkaaomo ndi Yohane, tetenaa-Do.