Sakaria 1:3 - Wunta Mempori

³ Onaemo pu'uno, pauako iramo: Kanandiomo pau-Do Ueno luwuakoano: Impepokulemo ndi Ongkue, kanandiomo pau-Do Ueno luwuakoano, ka Ongkue mbo'u mepokule ndi omiu, pau-Do Ueno luwuakoano.

Sakaria 1:3 Iomraidhean Croise

2 Tawarika 15:2

Onae lumako tepohaweakono i Asa, ka ipotae ndi onae, ”Ronge akumo, omue Asa saru luwuno Yehuda ka Benami! Ondae i Ue saru omiu tewala omiu saru Ondae. Tewala ime'ungke Ira, Dopemoikoo intepohaweako Ira, sine tewala imebinta Ira, Ira binta komiu.

2 Tawarika 15:4

Sine a laro masukaraa mpepokule ira ndi Ondae i Ue, Ue Alano i Isaraeli. Dome'ungke Ira i Ue ka Dopemoikoo dontepohaweako Ira.

Nehemia 9:28

Nahi tehine mansado merodo, mpoweweu ira mbo'u mosa'o i aro-Miu. Ipeweengako ira mbo'u a ngkaedo luwuno iwalido anu mokonsii ira. Ka do'amba wali mpebooli ndi Omiu ka Irongeo inso i langi. Mararu Ipotola ira hangano pompehohawa-Miu.

Ayubi 22:23

Tewala tepidiko ndi Ondae Anu Tedoa Pabawa ka me'urumako; tewala upoko'olaio molengkua inso a ngkemamu,

Yesaya 31:6

Impepokulemo, hei to Isaraeli, ndi Ondae anu tedoa iramo pinebungkui!

Yesaya 44:22

Kupokotampulaomo luwuno salamu kana gawu luwuno halamu kana seru. Pepokulemo ndi Ongkue, hangano Kutolosikomo!

Yeremia 12:15

Sine, mansano Kubuta ira, Aku wali mehohawa ira. Aku mokule ira singge mia a ntia pusakano ka witano.

Yeremia 25:5

Dompotae: Intepidimo singge mia inso a mpelelumiu anu mosa'o ka inso a luwuno wineweumiu anu mosa'o, ka impo'ia mpiha i wita anu Doweeakomiumo i Ue ka a uempu'umiu inso i ndi'ipua hawe nahina tampulaano.

Yeremia 3:1

Pau-Do, ”Tewala asa mia teposuaakono kombiano, ka beine atuu bintao ka i'amba gagi kombiano mia susua, ta mepokuleke onae a beine atuu? Kombake wita atuu mente ntu'u tesosa'ariomo? Monsosabokomo saru hadio kinekewoi, ka komepokule ndi ongkue? Kanandiomo pau-Do i Ue.

Yeremia 3:22

Pepokulemo, hei nana'ote anu mehapuakono pompe'ala-alano! Aku mokotompa komiu inso a mpehapuamiu.” ”Ndio kamimo, me'aiwa kami ndi Omiu, hangano Omiumo Ue, Ue Alamami.

Yeremia 35:15

Nahi otu-otu Kutena ira tetenaa-Ku ndi omiu, luwuno nabi, mempauo: Impepokulemo singge mia inso a mpelelumiu anu mosa'o atuu, impokomoikoomo wineweumiu, si mpetonda a mpinesombai susua saru mpesomba ndi ondae, ka komiu koa mpo'ia mpiha i wita anu Kuweeakomiumo ka uempu'umiu. Sine nahi mebehe mpo'aroo birimiu ka nahi mebehe meronge Aku.

Yeremia 4:1

”Tewala beheko mepokule, hei Isaraeli, kanandiomo pau-Do i Ue, Pepokulemo ndi Ongkue. Tewala beheko tumadi ira lahumoamu anu mokoburu inso i aro-Ku, siimo te'embi-embi!

Yehesikieli 18:19

Sine omiu mpotae: Tembio ana nahi petonda tumembio salano amano? Hangano ana atuu moweweu moleoa ka menteea, metenunu weweuo luwuno pompakosi-Ku, ka ana atuu manasa tuwu.

Yehesikieli 18:31

Tadiomo inso ndi omiu luwuno polalo songka anu wineweumiu ndi Ongkue ka pokowo'ohuomo aroa ka penaamiu! Tembioke asalakono komiu memate, hei suku Isaraeli?

Yehesikieli 18:32

Hangano, nahi Kupemoikoo a mateano te'asa mia, kanandiomo pau-Do Ue Ala. Tepidimo, ka imentuwu!”

Yehesikieli 33:11

Pauako iramo: Hangano Ongkue anu tuwu, kanandiomo pau-Do Ue Ala, nahi Kupe'eheo mateno mia mosa'o gauno, tendeano inehe-Ku a mpepokuleno mia mosa'o gauno atuu inso a nsala ntumuwuno ka ituwu. Pepokulemo, Pepokulemo inso a nsala ntumuwumu anu mosa'o wineweumu atuu! Tembio ka i'asalakono komiu memate, hei suku Isaraeli?

Hosea 14:1

Samaria asalakono tumembio salano, hangano onae umewa ndi Ondae Ue Alano. Ira memateako ponai, luwuno anadalono ta pinerego ka luwuno beineno anu mentia ta binonsi kompono.

Hosea 14:4

Asuri nahi pokokadudui kami; nahi kami mpopesawiki ngara, ka nami kami mpotae mbo'u, ’Ue Alamami’ a wineweuno kaemami. Hangano ndi Omiu nana'ote nahina amano mohawe pompehohawa.”

Hosea 6:1

”Aiwamo tompepokule ndi Ondae i Ue, hangano momperangkami Iramo, sine Ira mokotompa kita, monsepi Iramo, sine Ira walu kita.

Yoeli 2:12

”Sine kanandio-andio,” kanandiomo pau-Do i Ue, ”pepokulemo ndi Ongkue tompaano aroamu, saru mepuasa, mengese ka monsabangi.”

Maleaki 3:7

Mompu'u tempono uempu'umiu mepansia komiumo inso a mpompakosi-Ku ka nahi mpekariao. Impepokulemo ndi Ongkue ka Aku mepokule ndi omiu, pau-Do Ueno luwuakoano. Sine mpotae komiu, ”Kana'umpeke kami mpepokule?”