Puu Mpobitara 7:2 - Wunta Mempori

² Mepau iramo i Ue ndi Gideo, ”Palili anu merongaakomu Kupehadioo lahi ba kupeweengako ira to Midia a ngkaedo. Kasi mansa to Isaraeli mpompelangka-langkai ndi Ongkue, ka dompotae: Kaeku ongkueku anu tumolosi aku.

Puu Mpobitara 7:2 Iomraidhean Croise

Tegagia 46:2

Mepau Iramo Ue Ala ndi Isaraeli a laro pongkita tempono wongi, ”Yako, Yako!” Sangkino, ”Humbee, ndio aku!”

2 Tawarika 14:11

I Asa mebooli ndi Ondae i Ue, Ue Alano, ”Oo Ue, sangkadio Omiu nahina anu mokontulungio anu molema mo'aropi anu moroso. Itulungi kamimo oo Ue, Ue Alamami, hangano ndi Omiumo kimpomperorohi ka a laro nee-Miu kami melako umewaio bawaano sorodadu anu langkai andio. Oo Ue, Omiumo Ue Alamami, si po'ineeo maupo te'asa mia hinao rosono ta umewai Komiu!”

Yesaya 10:13

Hangano motaeomo, ”Saru rosono kaeku kuweweuomo ka saru pandeku mosongka, hangano ongkue molino pinewowoloku; ku'oniniomo luwuno tida olono tongku, ka momuruo arataa pepatindado, saru roso kupotii iramo mia anu mpentoro a ngkadera poparentaa.

Yesaya 2:11

Mia anu mengkita saru mompelangka-langkai ta pine'uru-uru, mia anu mompelangka-langkai ta pinokompetuundu; butu koa Ondae i Ue anu tedoa mantande a oleo atuu.

Yesaya 2:17

Mia anu mompelangka-langkai ta pinokompetuundu, mia anu mompelangka-langkai ta pine'uru-uru; butu koa Ondae i Ue anu tedoa mantande a oleo atuu.

Yeremia 9:23

Kanandiomo pau-Do i Ue, ”Mia pande mosongka ka si po'undeakono pandeno mosongka, mia moroso ka si po'undeakono rosono, mia kaea ka si po'undeakono kaeano.

Yehesikieli 28:17

Omue mompelangka-langkai hangano tekosimu, ponto'orimu anu mentee uropuo hangano marambamu. I tolino Kupetadiakomu, a luwuno mokole Kupeweengakomu gagi kikitaano matado.

Yehesikieli 28:2

”Hei anano mia, pauakonomo mokole i Tirusi: Kanandiomo pau-Do Ue Ala: Hangano omue mompelangka-langkai ka motae: Ongkue andio Ue Ala! Ongkue mentoro a ngkadera poparentaa-Do Ue Ala i tonga-tongano tahi malua. Kahinaano omue mia, komba Ondae Ue Ala, maupo aroamu numaao koroimu mengkena saru Ondae Ue Ala.

Danieli 4:30

mepauomo mokole, ”Kombake Babeli andio anu langkai, anu saru rosono pabawaku ka tiano marambano potoroku kuwanguomo gagi kota poparentaa?”

Habaku 1:16

Onaemo pu'uno ka ipesombaakono pesomba tiano buanino ka itunuo pesomba tiano salano. Hangano luwuno parewa atuu hinaweno hadio ntu'u ka urano tedoa hadio.

Sakaria 12:7

Ondae i Ue Ira moweeakono poponangia se'elu a luwuno kemado to Yehuda, kasi popelangkaino somborino i Daudi ka popelangkaido palilino Yerusale lumaloio Yehuda.

Sakaria 4:6

Onae mepau ndi ongkue, ipotae, ”Ndiomo pau-Do i Ue ndi Serubabeli, kanandio: Komba saru mosia ka komba saru roso, tendeano saru penaa-Ku, pau-Do Ueno luwuakoano.

Podoaa 31:4

Inso a sompo suku i olodo luwuno suku Isaraeli, asalakono impontena asa nsowu mia anu ta metea.”

ROMA 11:18

si memawongkoakono luwuno sampa atuu! Tewala memawongko komiu, impewowoloo, nine komba omiu anu tumumboo haka atuu, tendeano haka atuu anu tumumbo komiu.

ROMA 3:27

Tewala kanandio, hapake pu'uno ka tomemawongko? Nahina! Me'empehiako hapa? Me'empehiako wineweu? Naahi, tendeano me'empehiako pompe'ala-ala!

2 KORINTI 4:7

Sine arataamami andio a laro bolusa wita pulu, ka imengkaa, nine roso anu langkai ntu'u atuu inso ndi Ondae Ue Ala, komba inso ndi omami.

EPESU 2:9

atuu komba hasilino inanggamiu: si hina mia anu mompelang-kalangkai.

Winali 32:27

”Sine, Kusala laroakono pompopodeu-deudo iwali, kasi mansa iwalido sala mpewowoloo, ka dompotae, ’Kae mami anu moroso, komba Ondae i Ue anu weweuo luwuno andio.’ ”

Winali 8:17

Onaemo si mpotae i laro aroamiu: Pabawaku ka rosono kaeku anu weweu aku humaweo pompolia andio.

Winali 8:18

Sine asalakono impewowolo Ira i Ue, Ue Alamiu, hangano Ondaemo anu moweeakomiu roso kai mpohawe pompolia, anu tinoo-Do mokorosoo pedandia anu pinau-Do saru sumpa ndi ondae uempu'umiu, kana kanandio-andio.

YAKOBU 4:6

Sine pe'aroa, anu Doweeakita, langkaiopo sekono atuu. Onaemo pu'uno ka Dopepau, ”Ondae Ue Ala umewai ira mia anu mpompelangka-langkai, sine mehohawa ira mia anu mpe'urumako.”

1 Samueli 14:6

Motae i Yonata ndi atano anu wawao sangka mpeteano, ”Aiwa ka tolako dumadu ira puu mpetea mia anu nahi dompetindi atuu. Bara'ura Ondae i Ue Ira tumulungi kita, hangano Ondae i Ue Dopolio montulungi maupo hadio mia ke tedei mia.”