PILIPI 4:8 - Wunta Mempori

⁸ Gaagi poko'ariano, pepaekompo, luwuno anu mentee, luwuno anu maramba, luwuno anu moleo, luwuno anu mempori, luwuno anu mo'ahi, luwuno anu momoiko irinonge, luwuno anu pinau moiko ka tekona inunde-unde, impewowoloomo luwuno atuu.

PILIPI 4:8 Iomraidhean Croise

Tegagia 18:19

Hangano Kubinikiomo, ka iparenta ira anano ka inuleno ka dokongko mentondao sala-Do i Ue saru mpoweweu menteea ka moleoa; ka Dopoweeakono mbo'u i Ue i Burahima hapa anu dinandi-Do ndi onae.”

2 Samueli 1:23

I Saulu ka i Yonata anu pinehohawa, ka pinesanaa, a ntumuwu ka matedo nahi teponsia. Magasi irapo sekono rajawali, moroso irapo sekono singa.

2 Samueli 23:3

Ondae Ue Alado Isaraeli mepau, torukuno watu Isaraeli mepau ndi ongkue: Tewala asa mia moparenta mia a moleoano, moparenta ka doitoako Ira Ue Ala,

Po'unde-unde 82:2

”Opia mbo'u tehineno impobitara saru pompokonsii ka mpe'alaako a mia mosa'o gauno? Sela

Powadi 11:1

Pontimba anu ahi mentee mokoburu-Do i Ue, sine Dopemoikoo watu pontimba anu koona ntu'u.

Powadi 12:4

Beineno anu tekosi onaemo ramba-ramba uluno tamano, sine anu moweweu mokoko'iia onaemo kana haki anu mokomobooo wukuno tamano.

Powadi 16:11

Pontimba ka ponsa'u anu mentee onaemo ndi Ondae i Ue, luwuno watu pontimba a laro ngkadu-kadu Ondae weweuo.

Powadi 20:7

Mia anu mentee nahina tataano peleluno, me'uraomo inuleno.

Powadi 31:10

Beineno anu pande isemake ta humaweo? Onae masuliopo olino sekonopo paramata.

Powadi 31:29

”Hadio beine pande mpo'angga, sine omue lumaloi ira luwu.”

Powadi 31:31

Weeakonomo tia inso a hasilino kaeno, po'ineeomo wineweuno umunde-undeo a mpewowa langkai!

Penani Maramba 5:16

Luwuno pauno moiko luwu, luwuakoano ndi onae tekosi. Kanatuumo pinehohawaku, kanatuumo waliku, hei ana beine i Yerusale.

Yesaya 26:7

Pesalaado mia mentee onaemo moleo, hangano Omiu anu pu'uakono sala moleo.

I MATIU 22:16

Domentena ira ana gurudo mperonga saru to Herodia mpesikeno ndi Ondae, ”Guru, kimento'orio, Omiu asa mia anu moleo ka moleo Ipompaguru mongkona po'ehe-Do Ue Ala ka nahina dinoitoa-Komiu maupo ndi sema, hangano nahi pobiniki mia.

I MARAKUSU 6:20

hangano i Herode tumampahio i Yohane hangano ito'orio, nine i Yohane mia mentee ka mempori, gagi ikaduduio. Sine tewala iperorongeakono i Yohane, aroano wela bulalingo, sine sanaano koa mbo'u merorongeakono.

I LUKASI 16:15

Ka Do'amba motaeako ira, ”Omiu mpokomenteeo koroimiu i arodo mia, sine Ondae Ue Ala tumo'orio aroamiu. Hangano hapa anu tinudu langkai a mia, Do'o'aliaakono Ue Ala.

I LUKASI 2:25

Hinao i Yerusale asa mia meneeako i Simeo. Onae asa mia anu mentee ka moleo aroano anu sumisikorio pontarerodo to Isaraeli. Penaa Mempori mo'ia ndi onae,

I LUKASI 23:50

Hinao asa mia anu meneeako i Yusupu. Onae asa mia anu mentoro a Majelisi Langkai, ka asa mia anu me'aroa ka moleo.

I YOHANE 7:18

Ba isema mompau pauno onaeno, onae mo'ungke pelangkaino onaeno, sine ba isema anu mo'ungke pelangkai-Do anu tumenao, onae mentee ka nahina anu nahi mentee ndi onae.

WINEWEUDO TINENA 10:22

Mesangki ira, ”I Koroneliusu, aasa petewawa sorodadu anu moleo aroa ka doitoako Ira Ue Ala, ka anu teto'ori moiko i olodo luwuno to Yahudi, montarimaomo pepokomengkaa-Do Ue Ala a mala'eka-Do anu mempori, ka ipoboi komiu lumako i rahano ka rumongeo hapa anu komiu pauo.”

WINEWEUDO TINENA 22:12

I tu'ai hinao asa mia meneeako i Anania, asa mia anu mesomba ntu'u anu tumondao songka Taura ka teto'ori moiko i olodo to Yahudi anu mekongko i tu'ai.

WINEWEUDO TINENA 6:3

Onaemo pu'uno, luwuno pepaekompo, impobinikimo opitu mia inso i olomiu, anu teto'ori moiko, ka anu bukeako Penaa ka ponto'ori anu mentee, ka kimpontoro ira a anggaa atuu,

ROMA 13:13

Aiwamo tomentuwu mponto'ori gau, kana tempono meene, komba a mpogawea nahina sa'uno ka memolangu, komba a mpebelesua ka montonda po'eheno aroa, komba a nteposisalaa ka mengkohili.

ROMA 13:3

Hangano tewala asa mia moweweu moiko, siimo idoito a nto poparenta, sangkadio onae moweweu anu mosa'o. Mebehe komiuke mentuwu nahi medoito a nto poparenta? Impoweweumo anu moiko ka komiu mpohawe po'unde-unde inso ndi onae.

ROMA 14:18

Hangano ba isema anu mekakaako Ira i Kerisituu kanandio, onae Dopemoikoo Ue Ala ka dompelangkaio mia.

ROMA 2:29

Sine to Yahudi ntu'u onaemo onae anu nahi tengkita to Yahudino ka petindi onaemo petindi i laro aroa, montonda pompe'ala-ala, komba montonda binuri. Ka unde-undeno komba hawe inso a mia, tendeano inso ndi Ondae Ue Ala.

1 KORINTI 4:5

Onaemo pu'uno, si mpobitara ba napi tempono, onaemo ba napi Dohawe i Ue. Ira mokomewineo, saru mbo'u hapa anu tewuni a laro wongi-wongia, ka Ira mopokitao hapa anu tinoo i laro aroa. Ka sompo-sompo mia ta mohawe po'unde-unde inso ndi Ondae Ue Ala.

2 KORINTI 13:7

Mekakai kami ndi Ondae Ue Ala, ka si mpoweweu anu mosa'o komba ka imengkaa monangi kami, tendeano omiu andio ka impoweweu hapa anu moiko, maupo omami isa'a tengkita nahi kiponangi.

2 KORINTI 6:8

tempono pinelangkai ka tempono pinokongkodei; tempono pinepaukiako ke tempono inunde-unde; tempono tinuluri mompopo'oo, sine pine'ala-ala,

2 KORINTI 8:18

Meronga saru onae kimentenao pepaekompoto, anu inunde-unde a luwuno bawaa hangano po'anggano a pompalelea Lele Mawongkoa.

2 KORINTI 8:21

Hangano omami mpompewowolo anu moiko, komba butu i aro-Do i Ue, sine i arodo mbo'u mia.

GALATIA 5:22

Sine wuano Penaa onaemo: pompehohawa, mawongko, rodoa, sabaraa, pe'aroaa, moikoa, petenunua,

EPESU 4:25

Onaemo pu'uno imentadiomo pegaupi ka isinggemo mpepau mentee a mpe'asa miamiu, hangano pada kitamo parewa ngkoroi.

EPESU 5:9

Hangano mewine butu mewuaako moikoa ka moleoa ka menteea,

EPESU 6:14

Gaagi impentademo temoroso, ka impeboo ntongaako menteea ka mpelemba labuako moleoa,

Winali 16:20

Moleoa, butukoa moleoa anu asalakono ime'ungkeo, kai mentuwu ka mpe'ueo wita anu Doweeakomiu i Ue, Ue Alamiu.

KOLOSE 4:5

Imentuwumo ka imebukeako ponto'ori a luwuno mia i bungkuno, imempakeomo tempo anu hina.

1 TESALONIKA 4:12

ranta ka imentuwu kana mia anu mponto'ori gau a pongkitado mia i bungkuno ka nahi impomperorohi ndi ondae.

1 TIMOTIU 2:2

tiado luwuno mokole ka tiado luwuno anu langkai potorodo, ka tompokomentuwu rodo ka sintuwu a luwuno petenunuto mpesomba ka pelelu anu moiko.

1 TIMOTIU 3:11

Kanandio koa mbo'u luwuno beinedo ka domia koa mentinudu, ka si marapomposebe, asalakono mokompompedato ka pine'ala-ala a luwuakoano.

1 TIMOTIU 3:4

aasa petewawa sombori anu moiko, inondaha ka dompelangkaio anano.

1 TIMOTIU 4:12

Si hina maupo te'asa mia me'uru-uruko hangano mongurako. Gagimo pandirido luwuno mia mpompe'ala-ala, a mpepaumu, a mpelelumu, a pompehohawamu, a mpetenunumu ka a memporimu.

1 TIMOTIU 5:10

ka anu mengkaa mo'anggaomo anu moiko, kana mompekaria ana, ineheno metotoka, mowo'ohi karudo pepaekompo pe'asa pompe'ala-ala, montulungi mia anu laro pompema'isoa – owowaano ondae anu mempakeomo luwuno tempo mpoweweu moiko.

1 TIMOTIU 5:2

luwuno beine memota'u kana ine ka luwuno beine memongura kana uaimu nahina po'onde-onde.

TITU 1:8

tendeano ineheno metotoka, ineheno anu moiko, pande mosongka, moleo, mempori, mokompabawaio koroino

TITU 2:14

anu meweengakonomo koroi-Do hangano ontae motola kita inso a luwuno anu mosa'o ka mokomemporiako Ira aasa bawaa, bawaa-Do Ondae-Do, anu memokua mpoweweu moiko.

TITU 2:2

Tama anu memota'u asalakono ka domentuwu poolo ka isoompo, mempinelangkai, mempande mposongka, mentee a pompe'ala-ala, a pompehohawa ka mpompedato.

TITU 2:7

ka pokogagiomo koroimu omuemu aasa pandiri a mpoweweu moiko. Asalakono ka umoleo ka pompesu'ui a pompagurumu,

TITU 3:14

Ka po'ineeomo ka dompepaguru mbo'u miato meweweuo anggaa anu moiko ka dompokosompoo pepotuwudo, ka ipewua koa tuwudo.

IBARANI 11:2

Nde hangano pompe'ala-ala sinakosiiomo a uempu'uto.

IBARANI 13:18

Impekakaiakami mpiha; hangano kimpe'ala-alao, nine pohaweno aroamami moiko, nde a luwuakoano inehemami aasa tuwua anu moiko.

YAKOBU 1:27

Pesomba anu mempori ka anu nahina tataano i aro-Do Ue Ala, Amato, onaemo lumako te pohaweako ira elu-elu ka tuwu beine a laro masusado, ka dumagaio koroino ka si kokoburutio wawontolino.

YAKOBU 3:17

Sine ponto'ori mentee anu inso i wawono onaemo amba-ambano molino, ka i'amba mompokosintuwu, molusa-lusa ipepau, umehe metonda, buke pe'aroa ka luwuno anu moiko, nahi po'ala-alaako ka nahi po'onde-onde.

1 PETURU 1:22

Hangano koroimiu impokomemporiakonomo petenunu a menteea, onaemo ka impokoweweuo pompehohawa pepaekompoa anu inso i aroa, po'ineeomo ka imemambe pehohawa ntu'u tompaano aroamiu.

1 PETURU 2:12

Temoikomo gaumiu imentuwu i tonga-tongado tongku komba Yahudi, tewala domposebe komiu kana mia melambaha, ka dompokokitao inso a luwuno wineweumiu anu moiko ka melangkai Ira Ue Ala a oleo Dotepohaweako ira.

1 PETURU 4:8

Sine anu lalu i wawono: imemambe pehohawamo ntu'u, hangano pompehohawa tumutuwio hadio ntu'u hala.

2 PETURU 3:1

Pepaekompo anu kinekewoi, ndiomo wunta anu ko'orua, anu kuburiakomiu. I larono orua wunta atuu ku'usahao poponto'orimiu anu mentee hangano luwuno pompopoto'ori,

1 YOHANE 3:18

Anaku luwu-luwu, ime'aiwamo tompompehohawa komba saru pau ke elo, sine saru wineweu ka a menteea.

1 YOHANE 3:3

Sompo mia anu momperorohi atuu ndi Ondae, mepokomempori mengkena kana Ondae anu mempori Ira.

1 YOHANE 4:1

Pepaekompo luwu-luwu anu kinekewoiku, si mpe'ala-alao sompo penaa, sine ime'arahako ira penaa atuudo, ke nte'inso koa ndi Ondae Ue Ala; hangano hadio ira nabi mpegaupi anu mpesabaako iramo ka domelako i asa wawontolino.

Ruti 3:11

Onaemo anaku, siimo doito. Nde luwuno anu pinaumu atuu, aku weweuo ndi omue nde luwuno mia asa kota mami andio domento'orio motae omue beine anu moi-moiko.