PILIPI 4:19 - Wunta Mempori

¹⁹ Ondae Ue Alaku Ira mokosompoo luwuno kineremiu montonda kaeaa ka maramba-Do ndi Ondae i Kerisituu Yesu.

PILIPI 4:19 Iomraidhean Croise

Tegagia 48:15

Ironsoo i Yusupu, ipotae, ”Ueku i Burahima ka amaku i Saki, tuwu iramo i aro-Do Ue Ala, Ue Ala anu pakambi akumo a laro ntumuwuku hawe kanandio-andio,

2 Samueli 22:7

Tempono ongkue a laro masukaraa, mebooli aku ndi Ondae i Ue, ndi Ondae Ue Alaku kupebooli. Ka Dorongeo suaraku inso i raha-Do, pebooliku mepetulungi Dorongeo.

2 Tawarika 18:13

Sine sumangki i Mika, ”Ndi Ondae i Ue anu tuwu, menteeano hapa anu Ira pauo Ue Alaku, onaemo anu aku pauo.”

2 Tawarika 31:8

I Hisikia ka luwuno petewawa aiwa kumitao luwuno hinowu atuu, ka do'amba umunde-unde Ira i Ue ka melangkai ira to Isaraeli, bawaa-Do i Ue.

Nehemia 5:19

Ipewowolo aku, oo Ue Alaku, a moikoaku, hangano luwuno anu kuweweuako ira palili andio.

Nehemia 9:15

Iweeako iramo roti inso i langi kai tetadi mokoninggo ka Ipoluarakoako ira uwoi inso a nturukuno watu kai tetadi mokoranga. Itena ira mbo'u mpewinso ka mpetorokio wita anu saru sumpa Komiu weeako ira.

Po'unde-unde 104:24

Hadio ntu'u wineweu-Miu, oo Ue, luwuno Ipokogagiakono ponto'ori anu mentee, tolino bukeako pinokogagi-Miu.

Po'unde-unde 130:7

Pomperorohimo ndi Ondae i Ue, hei to Isaraeli! Hangano ndi Ondae i Ue hinao pompehohawa, ka ndi Ondae hinao mpiha pontolosia.

Po'unde-unde 36:8

Tedoa masuli olino pompehohawa-Miu, oo Ue Ala! Luwuno anano mia mpepekadudui a laro pe'egoano pani-Miu.

Po'unde-unde 84:11

Hangano moikoopo asa oleo a kintala-Miu sekonopo asa nsowu oleo a mpo'ianga susua; moikoopo kongko i arono pewowano raha-Do Ue Alaku sekonopo mo'ia a ngkemado mia mosa'o gaudo.

Danieli 6:22

Ka i'amba motae i Danieli ndi mokole, ”Oo mokole, melai tinuwumiu!

Mika 7:7

Sine ongkue andio sumisikori Ira i Ue, momperorohi ndi Ondae Ue Ala anu kumadudui aku; Ondae Ue Alaku Ira rumonge aku!

Maleaki 3:10

Wawaomo luwuno tia hopulu atuu a laro raha ponaapa arataa, ka ihina pepatindaa kaanga a raha-Ku ka a rahako Akumo, pau-Do Ueno luwuakoano, nde nahi Aku umungkahiakomiu luwuno pentangoano langi ka umuwuakomiu ronso hadio ntu'u.

I MATIU 6:32

Luwuno atuu dome'ungkeo luwuno tongku anu nahi domento'ori Ira Ue Ala. Sine Ondae Amamiu i suruga tumo'orio, nine imengkereo luwuno atuu.

I YOHANE 20:17

Motae Ira i Yesu ndi onae, ”Si ini aku, hangano napi Kulako ndi Ondae i Ama, sine lakomo a luwuno pepaekompo-Ku ka pauako ira, nine kanandio-andio Aku lumako ndi Ondae Ama-Ku ka Amamu, ndi Ondae Ue Ala-Ku ka Ue Alamu.”

I YOHANE 20:27

Ka Do'amba motaeakono i Toma, ”Naaomo wunga ngkaekumu i ndi'ai ka kitaomo kae-Ku, tasiomo kaemu ka winsoomo a lompe-Ku ka si nahi upompe'ala-ala mbo'u, tendeano pompe'ala-alamo.”

ROMA 1:8

Amba-ambano ku'unde-unde Ira Ue Ala Ueku mesala ndi Ondae i Yesu kerisituu hangano luwumiu, hangano teleleomo mongkona pompe'ala-alamiu i asa wawontolino.

ROMA 11:33

O, tedoa ntu'u ondalo kaea-Do, ponto'ori-Do ka pande-Do Ue Ala! Mentee ntu'u nahi pinokompepentee luwuno pomputusi-Do ka mentee ntu'u nahi pinokonto'ori luwuno pesalaa-Do!

ROMA 2:4

Inehemuke me'uru-uruo langkaino pe'aroa-Do, sabara-Do ka sanaano aroa-Do? Nahi uto'orioke, nine pe'aroa-Do Ue Ala onaemo tumaateko a ntepidia?

ROMA 8:18

Hangano kupe'ala-alao, nine marasaia tempo kanandio-andio nahi petoto ba ipinongkenaako saru marambaa anu ta pinokomengkaa ndi ontae.

ROMA 9:23

tendeano ka ipinokomengkaa kaeano maramba-Do a luwuno parewa pompehohawa-Do anu Dopatindaomo tiano marambaa,

2 KORINTI 12:21

Salalaro aku, nine tewala hawe aku mbo'u, Ira mokongkodei aku Ue Alaku i aromiu, ka nine aku masusaako ira hadio mia anu mpoweweu hala i ndi'upua ka naapo koa mbo'u dontepidi inso a mokoburua, pebelesua ka nahi dompoto'ori gau anu wineweudo.

2 KORINTI 4:17

Hangano marasaia anu monongko kanandio-andio, mo'anggaakami marambaa anu nahina tampulaano anu lumaloio luwuakoano, laluaopo langkai sekono marasaimami.

EPESU 1:18

Ka Dopokomewineo matano aroamiu, ka impokonto'orio pomperorohia anu kana'umpeke a laro mpepoboi-Do: kaeaako ntu'u marambaa tia anu Dopakosiako ira mia mempori,

EPESU 1:7

Hangano ndi Ondae ka hangano rea-Do ka tompohawe tetolosia, onaemo po'ampunia hala, montonda kaeano pompehohawa-Do,

EPESU 2:7

ka Dotisoakita a tempo anu ta hawe kaeano pompehohawa-Do anu hadio ntu'u menunu saru moiko-Do ndi ontae ndi Ondae i Kerisituu Yesu.

EPESU 3:16

Mekakai aku ka Dopokorosoakomiu Penaa-Do i laromiu, montonda kaeano maramba-Do,

EPESU 3:8

Ndi ongkue, anu lalu kodei i olodo luwuno mia mempori, wineeakoomo pe'aroa andio, ka kupaleleo kaea-Do i Kerisituu a luwudo anu komba to Yahudi, anu nahi pinokopau atuu,

PILIPI 4:7

Rodoa inso ndi Ondae Ue Ala, anu lumaloio luwuno akala, ta mekariao aroa ka pinewowolomiu ndi Ondae i Kerisituu Yesu.

KOLOSE 1:27

Ndi ondae Dopopoto'oriako ira Ue Ala, ba kana'umpe kaeano ka marambano rahasia atuu i olodo luwuno tongku susua, onaemo: Ondae i Kerisituu kongko Ira i tonga-tongamiu, Ondae i Kerisituu anu onaemo pomperorohia marambaa!

KOLOSE 3:16

Po'ineeomo pau-Do i Kerisituu ka ipo'ia saru luwuno kaeano i olomiu, ranta ka imemambe paguru ka mambe patuduako luwuno ponto'ori ka saru mpenaniako po'unde-unde, ka po'unde-unde ka penani rohani, impontarimakasi ndi Ondae Ue Ala i laro aroamiu.

1 TESALONIKA 2:12

ka kime'emao ntu'u, ka imentuwu menunu saru po'ehe-Do Ue Ala, anu moboi komiu a Poparentaa ka maramba-Do.

1 TIMOTIU 6:17

Pauako iramo mia mengkaea i wawontolino andio ka si dompompelangka-langkai ka si dompomperorohi a aasa anu nahi manasa kana kaeaa, tendeano ndi Ondae Ue Ala anu a ngkaea-Do moweeakita luwuakoano ka tomentekonaakono.

PILEMO 1:4

Pontarimakasiku ndi Ondae Ue Alaku, sompo kurambeko a mpekakaiku,

1 PETURU 5:1

Kupatudu ira penatua i olomiu, ongkue kana walido penatua ka sakosii tebobarasai-Do i Kerisituu, anu ta mohawe koa mbo'u tia a marambaa anu ta pinokomengkaa lembuino.

1 PETURU 5:10

Ka Ondae Ue Ala, pu'uno luwuno pe'aroa, anu moboi komiumo ndi Ondae i Kerisituu a maramba-Do anu nahina tampulaano, Ira mokosompo komiu, rumonso komiu, mokomokora komiu ka mokoroso komiu, umarimiu ntebobarasai asa tempo.