PILIPI 3:12 - Wunta Mempori

¹² Komba ndio kana kuhaweomo mongkona andio ke bobotoliomo pompe'ala-alaku, tendeano ku'ungkeo mpiha, ba mansa koa kupokorakoo, hangano ongkue mbo'u Dorako akumo i Kerisituu Yesu.

PILIPI 3:12 Iomraidhean Croise

Ayubi 17:9

Maupo kanatuu mia mentee kongko a nsalano, ka mia anu nahi poweweu mosa'o tekense moroso.

Po'unde-unde 119:5

Po'ineeomo ka imoroso luwuno pesalaaku i larono kupe'ini a pompakosi-Miu!

Po'unde-unde 138:8

Ondae i Ue Ira moko'umariakune luwuakoano! Oo Ue, pompehohawa-Miu nahi bali ranta nahina tampulaano; si bintao wineweuno kae-Miu!

Po'unde-unde 42:1

Tiano petewawado anu mpenani. Penani pompaguruno inuleno i Kora.

Po'unde-unde 63:8

hangano gagi Komiumo tumulungi aku, ka i totono pe'egoano pani-Miu kukokora-kora mo'unde.

Po'unde-unde 84:2

Tedoa kukekewoio po'ianga-Miu, oo Ueno luwuakoano!

Po'unde-unde 94:15

Mentee ntu'u, songka ta wali moroso menunu saru moleoa, luwuno mia anu bobotoli aroano ta tumondao.

Powadi 4:18

Sine, pesalaano mia mentee atuu kana wantano towea, anu komewa-mewantano hawe kona ntu'u ntonga oleo.

Yesaya 51:1

Ronge Akumo, hei omiu anu mpolulu hapa anu mente, hei omiu anu umungke Ira i Ue! Kitaomo torukuno watu anu inso ndi onae imempina'o, ka a aa pongkekea watu anu inso ndi onae imengkineke.

Hosea 6:3

Aiwamo tomento'orio ka mentee ntu'u tumo'ori Ira i Ue; manasa Ira me'umbaako kana wanta, Ira hawe ndi ontae kana usa, kana usa tempo pinopaho mentumba anu umuwoio tolino.”

I MATIU 5:48

Onaemo pu'uno asalakono ka imemempori, mengkena kana mempori Amamiu anu i suruga.”

WINEWEUDO TINENA 9:15

Sine pau-Do i Ue ndi onae, ”Lakomo, hangano mia andio onaemo parewa bininiki-Ku ka ipaleleo nee-Ku a luwuno tongku susua saru luwuno mokole ka to Isaraeli.

ROMA 8:39

ke luwuno pabawa, moiko anu i wawono, maupo anu i totono, ke maupo anu mentuwu susuano, nahi ta polio monsia kita inso a pompehohawa-Do Ue Ala, anu kongko ndi Ondae i Kerisituu Yesu, Ueto.

1 KORINTI 13:10

Sine tewala hawe anu soompo, ka anu nahi sompo atuu ta moliu.

1 KORINTI 13:12

Hangano kanandio-andio tomengkitao a ntami aasa eo-eo anu rawu-rawu, sine te'upua kitamo ntepoporupa. Kanandio-andio napi kuto'orio ntu'u, sine te'upua aku koa tumo'orio ntu'u, kana kutino'ori.

1 KORINTI 9:24

Nahi imento'orioke, nine a mpetandia luwuno anu ntewinso mpetonda mpelulu, sine asa mia koa anu mohawe tambo? Onaemo pu'uno impelulumo kanatuu, ranta ka imehaweo!

2 KORINTI 13:9

Hangano mo'unde kami, tewala molema kami ka omiu memoroso. Ka onaemo andio anu pinekakaiakomami, onaemo ka ibobotoli pompe'ala-alamiu.

2 KORINTI 7:1

Pepaekompo anu pinehohawaku, hangano ontae kanandio-andio mehaweo luwuno dandi atuu, aiwamo tompokomemporio koroito inso a luwuno anu kumokoburutio koroi ntolino ka rohani, ka ba kanandio mokobobotolio memporiato doitoako Ira Ue Ala.

GALATIA 5:17

Hangano po'eheno koroi ntolino umewaio po'eheno Penaa ka po'eheno Penaa umewaio po'eheno koroi ntolino – hangano oruano mambe'ewa – ranta nahina tempo komiu meweweuo hapa anu inehemiu.

EPESU 1:4

Hangano ndi Ondae Dobiniki kitamo Ue Ala se'eluno napi pinokogagi wawontolino, ka tomemempori ka nahina tataato i aro-Do.

EPESU 4:12

ka dopatinda ira mia memempori a mpo'anggaa mompekakaako, a mpowangua koroi-Do i Kerisituu,

PILIPI 1:1

Inso ndi Paulu ka i Timotiu, Tetenaa-Do i Kerisituu Yesu, a luwuno mia mempori ndi Ondae i Kerisituu Yesu i Pilipi, saru luwuno petewawado bawaa ka diakee.

PILIPI 3:16

Sine moikoomo ponto'ori anu tomehaweomo tompotilaloakono montonda sala anu tomentondaomo.

PILIPI 3:3

hangano ontaemo mia mpetindi, anu mpesomba hangano Penaa-Do Ue Ala, ka tompo'undeakono ndi Ondae i Kerisituu Yesu ka nahi tompe'ala-alao anu mongkona tuwu ntolino.

PILIPI 3:8

Tendeano luwuakoano kutuduo rugi, hangano ponto'ori mongkona Ondae i Kerisituu Yesu, Ueku, marambaopo sekono luwuno. Hangano koa Ondae kupotolaomo luwuno atuu ka tumuduo rompo, ka kuhawe Ira koa i Kerisituu,

1 TESALONIKA 5:15

Impekokoongakono, ka si hina mia anu mombaloako mosa'o ka anu mosa'o, sine ime'ungkeakono mpiha anu moiko, ndi omiu nte'o'asa mia ka a luwuno mia.

2 TESALONIKA 2:13

Sine omami asalakono wela pontarimakasi ndi Ondae Ue Ala hangano omiu, pepaekompo luwu-luwu, anu pinehohawa-Do i Ue, hangano inso a pompu'uano Dobiniki komiumo Ue ala ka imengkinadudui a Mpenaa anu mokomempori komiu ka a menteea anu pine'ala-alamiu.

1 TIMOTIU 5:10

ka anu mengkaa mo'anggaomo anu moiko, kana mompekaria ana, ineheno metotoka, mowo'ohi karudo pepaekompo pe'asa pompe'ala-ala, montulungi mia anu laro pompema'isoa – owowaano ondae anu mempakeomo luwuno tempo mpoweweu moiko.

1 TIMOTIU 6:19

ka ba kanandio mpopumpu aasa arataa gagi pepu'ua anu moiko a ngkoroino i tempo anu ta hawe ka domehaweo tuwua anu menteeano.

IBARANI 12:14

Imentuwumo sintuwuako ira luwuno mia ka ime'ungkeomo memporia, hangano nahina maupo te'asa mia ta kumita Ira i Ue ba nahi mempori.

IBARANI 12:23

ka a bawaado ana aka, anu needo teburi i suruga, ka ndi Ondae Ue Ala, anu bitara ira luwuno mia, ka a mpenaado mia mentee anu gagi sompoomo,

IBARANI 13:21

po'ineeomo ka Dopokosompoakomiu luwuno anu moiko ka imeweweuo po'ehe-Do, ka umanggao ndi ontae hapa anu pinemoiko-Do, hangano Ondae i Yesu Kerisituu. Ndi Ondaemo marambaa hawe nahina tampulaano! Ami.

YAKOBU 3:2

Hangano luwuto mensala hadio rupa; ba isema nahina salano a mpepauno, onaemo mia soompo ntu'u, anu mokompeteao koa mbo'u asa ngkoroino.

1 PETURU 5:10

Ka Ondae Ue Ala, pu'uno luwuno pe'aroa, anu moboi komiumo ndi Ondae i Kerisituu a maramba-Do anu nahina tampulaano, Ira mokosompo komiu, rumonso komiu, mokomokora komiu ka mokoroso komiu, umarimiu ntebobarasai asa tempo.

2 PETURU 3:18

Sine imentuwumo a mpe'aroa ka ponto'orimiu Ondae i Ue ka Puu Pongkaduduito, Ondae i Yesu Kerisituu. Marambaa ndi Ondae, kanandio-andio ka ranta nahina tampulaano.