PILIPI 2:8 - Wunta Mempori

⁸ Ka a laro nteweweu-Do kana mia, me'urumako Iramo ka momperorongeako hawe ka Domate, tendeano ranta mate a ngkeu pinotamba.

PILIPI 2:8 Iomraidhean Croise

Po'unde-unde 22:16

rosoku mokari kana siba ntami, eloku metako a langiraku; ka a laro pampawu Inaa aku.

Powadi 15:33

Doitoako Ira i Ue onaemo pompaguru anu mowawa ponto'ori anu mentee, ka pe'urumako mese'elungio pompelangkai.

I MATIU 17:2

Ka Do'amba i Yesu mebali rupa i arono matado; rupa-Do mewanta kana mata oleo ka sangka-Do gagi mopute mewanta kana mewine.

I MATIU 26:39

Ka Dopelelaako tedei, ka Do'amba menggolontu mesomba ka mekakai, Dopotae, ”Oo Ama-Ku, ba mansa Ipemoikoo, po'ineeomo tonde andio ka itelalo inso ndi Ongkue, sine siimo kana po'ehe-Ku, tendeano kana po'ehe-Miu.”

I MATIU 26:42

Ka Do'amba lumako anu kompenduano ka Dopekakai, Dopotae, ”Oo Ama-Ku tewala nahi pemoikoo tonde andio itelalo, sangkadio ba Ku'inuo, ka igagimo po'ehe-Miu!”

I LUKASI 9:29

Tempono kontongaa-Do mekakai, tadeno rupa-Do baali ka sangka-Do gagi mopute tesosangkilo.

I YOHANE 10:18

Nahina maupo te'asa mia umalao inso ndi Ongkue, tendeano Kupeweengakono montonda po'ehe-Ku Ongkue-Ku. Ongkue pabawa meweengakono ka pabawa wali umalao. Onaemo andio anggaa anu tinarima-Ku inso ndi Ondae Ama-Ku.”

I YOHANE 14:31

Sine ka ito'orio wawontolino, nine Kupehohawa Ira i Ama ka nine Kuweweuo luwuakoano kana anu Doparentaa-Kune i Ama, impewangumo, aiwamo ka tomelako inso i ndi'ai.”

I YOHANE 15:10

Tewala imentondao songka-Ku, komiu mpo'ia a laro pompehohawa-Ku, kana Kutondao songka-Do Ama-Ku ka mo'ia a laro pompehohawa-Do.

I YOHANE 4:34

Motae Ira i Yesu ndi ondae, ”Kaanga-Ku onaemo weweuo po'ehe-Do anu tumena Aku ka moko'umario anggaa-Do.

WINEWEUDO TINENA 8:33

Anu ka Dopinokongkodei melempaomo huku-Do; isemake anu ta tumutuluo tepu'ua-Do? Hangano penaa-Do inala inso i tolino.

ROMA 5:19

Gaagi mengkena kana hangano asa mia nahi petenunu luwuno mia megagi iramo mia ntehala, kanandio koa mbo'u hangano petenununo asa mia luwuno mia gagi mia mentee.

2 KORINTI 8:9

Hangano imento'oriomo pompehohawa-Do Ueto i Yesu Kerisituu, nine Ondae, anu hangano omiu gagi mongkokolaro, maupo kaea Ira, ka igagi mengkaea hangano mongkokolaro-Do.

GALATIA 3:13

Dotolosi kitamo i Kerisituu inso a ntotonaano songka Taura onaemo ka Dogagi tetotonaa hangano ontae, hangano hinao teburi, ”Tetotonaaomo mia anu ndinoe a ngkeu pinotamba!”

Winali 21:23

si mpo'ineeo wata ngkoroino asa wongi a ngkeu pinontade atuu. Sine, asalakono imengkaburuo a oleokoa mbo'u atuu, hangano asa mia anu ndinoe Dototonaao Ue Ala. Si mengkokoburutio wita anu Doweeakomiu i Ue, Ue Alamiu gagi tia pusakamiu.”

TITU 2:14

anu meweengakonomo koroi-Do hangano ontae motola kita inso a luwuno anu mosa'o ka mokomemporiako Ira aasa bawaa, bawaa-Do Ondae-Do, anu memokua mpoweweu moiko.

IBARANI 12:2

Aiwamo tomeweweuo saru mata anu te'aro ndi Ondae i Yesu, anu wawa kita a pompe'ala-ala, ka anu wawao pompe'ala-alato atuu a sompoano, anu nahi Doperioo mokoko'iia mpo'asao aroato po'ahao keu pinotamba euno po'undea anu Dopinatindaako, anu kanandio-andio mentoro i koanano kadera poparentaa-Do Ue Ala.

IBARANI 12:4

A mpelulukumiu umewaio halamiu napi ranta mompowaa rea.

1 PETURU 2:24

Ondae-Do isa'a tumembiomo halato a laro ngkoroi-Do a ngkeu pinotamba, ka tomentuwu tiano menteea. Hangano pelia-liamba-Do memadoo komiumo.

1 PETURU 3:18

Hangano Ondae mbo'u i Kerisituu mate Iramo pohona tiano luwuno halato, Ondae anu mentee tiado mia anu nahi mentee, ka Dowawa kita ndi Ondae Ue Ala; Ondae, anu pinepate Iramo a laro nteweweu-Do kana mia, sine anu winangu Iramo montonda Penaa,