PILIPI 2:7 - Wunta Mempori

⁷ tendeano Dopokomoaomo koroi-Do ondae-Do ka Dopekoroi kana aasa ata, ka gagi mengkena saru mia.

PILIPI 2:7 Iomraidhean Croise

Po'unde-unde 22:6

Ndi Omiu ondae mpeboo-booli, ka ondae mempinotola; ndi Omiu dompompe'ala-ala, ka nahi domemokoko'ii.

Yesaya 42:1

Kitao, atuu tetenaa-Ku anu inini-Ku, mia bininiki-Ku, anu ndi onae Kupemoikoo. Kunaaomo Penaa-Ku ndi onae, ka ipokomengkaao songka a luwuno tongku.

Yesaya 49:3

Mepau Ira ndi ongkue, ”Omuemo tetenaa-Ku, hei Isaraeli, ka molalo omue Aku mokomengkaao maramba-Ku.”

Yesaya 53:11

Umarino masusano sumangano ta kumitao mewine ka gagi teende aroano; hangano ponto'orino, tetenaa-Ku, mia mentee atuu, ta mompokomentee hadio mia ka mosa'odo itembio.

Danieli 9:26

Umarino nomo pulu ka orua meluka opitu tempo atuu asa mia anu inurapiomo ta tinadi, kahinaano nahina salano. Palilino asa mokole anu ta hawe, ta mokotampulao kota ka po'ianga mempori atuu, sine mokole atuu ta mate a laro lolowi. Hawe a tampulaano wawontolino ta hina peteaa ka poropua kana anu pinakosiomo.

Sakaria 3:8

Rongeomo, hei sando mpesomba langkai Yosua! Omue ka wali-walimu anu mpentoro i aromu, mentee ntu'u omiu megagi aasa petondoni nine menteeano Aku tumenao tetenaa-Ku, Meneeako i Mentumba.

Sakaria 9:9

Peboo-boolimo temeroku, hei ana beine Sioni, peboo-boolimo, hei ana beine Yerusale! Kitao, mokolemu hawe ndi omue; onae moleo ka poponangi. Onae mauru ka mesawi a asa kalide, kalide lakino anu mongura.

I MATIU 12:18

”Kitaomo, tuu Tetenaa-Ku anu bininiki-Ku, anu pinehohawa-Ku, anu ndi Onae po'eheno laro-Ku; Aku numaao penaa-Ku ndi Onae ka Onae mopoto'oriao Songka a luwuno tongku.

I MATIU 20:28

mengkena kana i Ana Manusia aiwa komba ka Dopinekakaako, tendeano ka Dopompekakaako ka meweengakono penaa-Do gagi tolosino hadio mia.”

I MARAKUSU 9:12

Sumangki Ira i Yesu, ”Lano i Elia ta hawe se'elu ka mokomoikoo luwuakoano. Butu, kana'umpe anu hinao teburi mongkona i Ana Manusia, nine ta hadio pompemarasai-Do ka Ira pinokongkodei?

I LUKASI 22:27

Hangano isemake anu lalu langkai: anu mentoro mongkaa, ke anu mompekakaako? Kombake onae anu mentoro mongkaa? Sine kongko Aku i tonga-tongamiu gagi puu pompekakaako.

I YOHANE 1:14

Pau atuu gagiomo mia, ka mo'ia i oloto, ka tomengkitaomo maramba-Do, onaemo marambaa anu Dowineeako gagi Ana-Do i Ama Anu Asa-asa, buke pompehohawa ka menteea.

ROMA 1:3

mongkona Ana-Do, anu montonda ihi pine'anaako inso a inuleno i Daudi,

ROMA 15:3

Hangano Ondae mbo'u i Kerisituu nahi Dopo'ungke sanaa-Do Ondae-Do, sine kana hinao teburi, ”Luwuno pompepaukido, anu mepaukia-Komiu, konaomo ndi ongkue.”

ROMA 15:8

Tinooku onaemo, nine hangano mentee-Do Ue Ala Ondae i Kerisituu gagi Iramo puu pompekakaakodo mia mpetindi mokorosoo dandi anu Doweeako iramo uempu'uto,

ROMA 8:3

Nde hapa anu nahi pokoweweuo songka Taura hangano telusaako tuwu ntolino, Doweweuomo Ue Ala. Ka mesala tumenao Ana-Do isa'a a ngkoroi ntolino, anu merupa kana koroi ntolino anu pinabawaino hala ka hangano hala, Dohukuomo hala a ngkoroi ntolino,

2 KORINTI 13:4

Nde maupo pinaso Iramo a ngkeu pinotamba hangano molemaa, sine tuwu Ira hangano pabawa-Do Ue Ala. Lano memolema kami a ntepo'asaa saru Ondae i Kerisituu, sine kami koa mentuwu meronga saru Ondae tiamiu hangano pabawa-Do Ue Ala.

2 KORINTI 8:9

Hangano imento'oriomo pompehohawa-Do Ueto i Yesu Kerisituu, nine Ondae, anu hangano omiu gagi mongkokolaro, maupo kaea Ira, ka igagi mengkaea hangano mongkokolaro-Do.

GALATIA 4:4

Sine mansano sompoomo tempono, onaemo ka Dotenao Ue Ala ana-Do, anu pine'anaakono asa beine ka metuundu a songka Taura.

PILIPI 2:6

anu maupo merupa kana Ondae Ue Ala, nahi Dotuduo pengkena-Do saru Ondae Ue Ala atuu gagi tia-Do anu asalakono kinorahako,

IBARANI 12:2

Aiwamo tomeweweuo saru mata anu te'aro ndi Ondae i Yesu, anu wawa kita a pompe'ala-ala, ka anu wawao pompe'ala-alato atuu a sompoano, anu nahi Doperioo mokoko'iia mpo'asao aroato po'ahao keu pinotamba euno po'undea anu Dopinatindaako, anu kanandio-andio mentoro i koanano kadera poparentaa-Do Ue Ala.

IBARANI 13:3

Impewowolo ira koa mia mehinuku, hangano omiu isa'a onaemo mia koa mbo'u mehinuku. Ka impewowolo ira koa mia anu mewineweunsa'o, hangano omiu isa'a da mentuwu komiu koa mbo'u i wawontolino andio.

IBARANI 4:15

Hangano Sando Mpesomba Langkaito, komba sando mpesomba anu nahi pokompetonda membasaio luwuno molemato, tendeano mengkena saru ontae, inara-arahako Iramo, butu nahi Dopoweweu hala.