PILIPI 2:13 - Wunta Mempori

¹³ hangano Ondaemo Ue Ala anu umanggao i laromiu moiko po'ehe maupo anggaa montonda po'ehe-Do.

PILIPI 2:13 Iomraidhean Croise

1 Mokole 8:58

sine mokompetakoo aroato ndi Ondae ka tomentuwu montonda luwuno sala anu tiniso-Do, mekariao luwuno parenta-Do, luwuno pompakosi-Do ka luwuno atora-Do anu Doparentaako iramo uempu'uto.

2 Tawarika 30:12

Kae-Do Ue Ala mo'angga ndi Yehuda mokobobotolio aroado ka domeweweuo parentano mokole ka luwuno petewawa, menunu saru pau-Do i Ue.

Esera 1:1

A nta'u amba-ambano poparentaano i Koresi, mokole i Peresia, Ondae i Ue lumeluo aroano i Koresi, mokole Peresia atuu, ka ite'ihii pau-Do iUe anu pinauno i Yeremia. Onaemo ka ipinalele pepopoto'ori andio a luwuno poparentaa, pinau ka binuri, kanandio,

Esera 1:5

Onaemo ka dompepatinda petewawado suku Yehuda ka to Benami saru luwudo sando mpesomba ka to Lewi, sompo mia anu aroano Doleluo Ue Ala ka ipekule mowangu Raha-Do i Ue i Yerusale.

Esera 7:27

Inunde-unde Iramo i Ue, Ue Alado uempu'uto anu lumeluomo aroado mokole kai gagi kanandio, ranta kai tekosi doweweuo raha-Do i Ue i Yerusale,

Nehemia 2:4

Dopotae mokole ndi ongkue, ”Hapa anu inehemu?” Mekakai akumo ndi Ondae Ue Alano asa wawo langi,

Ayubi 33:29

Menteeano, luwuno andio Doweweuo Ue Ala pendua, tendeano pentolu a mia:

Po'unde-unde 110:3

Sorodadumu tetinda ira melako a oleo peteaamu, mperamba-rambaako memporia, tempono towea da a laro mpe'anakaa, tontoru tempo monguramu gagiomo omue me'ueo.

Po'unde-unde 119:36

Ipo'aroomo aroaku a luwuno pepopoto'ori-Miu, ka osi'i a modokoa.

Po'unde-unde 141:4

Si po'aroo aroaku a wineweu mosa'o, ka si kuweweuo luwuno wineweu anu mosa'o meronga luwuno anu mpoweweu mosa'o, ka nahi aku menamio kaangado anu mo'ahi.

Powadi 21:1

Aroano mokole kana waaano uwoi a laro ngkae-Do i Ue, Dopowaao isuamo koa inehe-Do.

Yesaya 26:12

Oo Ue, Omiu anu mompatindaakami rodoa, hangano luwuakoano anu inanggamami, Omiumo anu weweuakami.

Yeremia 31:33

Sine, kanandiomo pedandia anu Kuweweuo saru suku Isaraeli umarino tempo atuu, kanandiomo pau-Do i Ue: Aku numaao songka-Ku a laro nsumangado ka burio i laro aroado. Aku gagi Ue Alado ka ondae gagi bawaa-Ku.

Yeremia 32:38

Ondae ira megagi bawaa-Ku ka Ongkue gagi Ue Alado.

I LUKASI 12:32

Si medoito, hei omiu bawaa kodei! Hangano Ondae Amamiu Dopemoikomo weeakomiu Poparentaa atuu.

I LUKASI 2:14

”Marambaa tia-Do Ue Ala a mpo'ianga anu lalu i wawono ka rodoa i tolino i olodo mia anu pinemoiko-Do.”

I YOHANE 3:27

Sumangki i Yohane, ”Nahina maupo te'asa mia anu mokompo'ala hapa-hapa tiano koroino, tewala nahi pinoweeako inso i suruga.

I YOHANE 6:45

Hinao teburi a wuntado nabi: Ka luwudo Ondae Ue Ala paguru ira. Ka sompo mia, anu rumongeomo ka tumarimao pompaguru inso ndi Ondae i Ama, aiwa ndi Ongkue.

I YOHANE 6:65

Ka Do'amba motae, ”Onaemo pu'uno Kupauakomiumo: Nahina maupo te'asa mia moko'aiwa ndi Ongkue, tewala komba Ondae i Ama meweengakono ndi onae.”

WINEWEUDO TINENA 11:21

Ka kae-Do i Ue kumongkomi ira ka hadio mia anu mpompe'ala-ala ka mpepokule ndi Ondae i Ue.

ROMA 12:3

Me'empehiako pompehohawa anu kuwineeako, kupauakomiu nte'o'asa mia i olomiu: Si mpompewowolo mongkona anu lalu mantande sekonopo anu tekona impewowoloo, sine tendeano impompewowolomo temoiko, ranta ka impokopabawaio koroimiu montonda ukuruno pompe'ala-ala, anu Doweeakomiu Ue Ala sompo-sompo mia.

ROMA 9:11

Hangano tempono napi dopine'anaako nana'ote atuudo ka napi dopoweweu anu moiko ke anu mosa'o, – ka ipinokoroso tinoo-Do Ue Ala mongkona pobiniki-Do, komba me'empehiako wineweu, sine me'empehiako pepoboi-Do –

ROMA 9:16

Gagi mongkona atuu komba montonda po'eheno mia, sine a pompehohawa-Do Ue Ala.

1 KORINTI 12:6

Ka hinao mperupa-rupa wineweu kinohali-haliako, sine Ondae Ue Ala aasa koa anu umanggao luwuno a laro luwuno mia.

1 KORINTI 15:10

Sine hangano pompehohawa-Do Ue Ala ka kugagi kana teweweuku kanandio-andio, ka pe'aroa anu Doweeakune komba tetadi-tadi mpena. Tendeano laluaopo pe'iseiku mo'angga sekonopo luwudo; sine komba hangano ongkue, tendeano pompehohawa-Do Ue Ala anu kumongkomi aku.

2 KORINTI 3:5

Tewala butu omami nahi kimempolio mpopau hapa kana inanggamami; naahi, ka kimempolio onaemo po'angga-Do Ue Ala.

EPESU 1:11

Kupauo ”ndi Ondae i Kerisituu”, hangano ndi Ondae kimpohawe tia anu dinandi – omami anu inso amba-ambano pinakosi ka kimentarimao tia atuu menunu saru tinoo-Do Ue Ala, anu i larono luwuakoano mo'angga montonda pompakosino po'ehe-Do –

EPESU 1:5

A laro pompehohawa Dopakosi kitamo inso a pompu'uano hangano Ondae i Yesu Kerisituu ka tomegagi ana-Do, menunu saru po'ehe-Do Ondae-Do,

EPESU 1:9

Hangano Dopokomengkaaomo rahasiano po'ehe-Do ndi ontae, menunu saru tinoo-Do Ondae-Do, onaemo tinoo-Do Ondae-Do anu inso amba-ambano Dopakosiomo ndi Ondae i Kerisituu

EPESU 2:8

Nde hangano pe'aroa ka imengkinaduduiako pompe'ala-ala; atuu komba hasilino usahamiu, sine pompowee-Do Ue Ala,

2 TESALONIKA 1:11

Onaemo pu'uno ka kiwela mpekakaiakomiu mbo'u, ka Dopetekona komiu Ue Ala a mpepoboi-Do ka saru roso-Do mokosompoo po'ehemiu mpoweweu moiko ka mokosompoo inanggano pompe'ala-alamiu,

2 TIMOTIU 1:9

Ondae anu kumadudui kita ka moboiakita pepoboi mempori, komba me'empehiako wineweuto, tendeano me'empehiako tinoo ka pe'aroa-Do Ondae-Do, anu mewineeako kitamo ndi Ondae i Kerisituu Yesu se'eluno pompu'uano tempo

IBARANI 13:21

po'ineeomo ka Dopokosompoakomiu luwuno anu moiko ka imeweweuo po'ehe-Do, ka umanggao ndi ontae hapa anu pinemoiko-Do, hangano Ondae i Yesu Kerisituu. Ndi Ondaemo marambaa hawe nahina tampulaano! Ami.

1 PETURU 1:3

Inunde-unde Iramo Ue Ala ka Ama Ueto i Yesu Kerisituu, anu hangano pompehohawa-Do anu langkai wali Iramo me'anaakita a mpewangu-Do inso i olodo mia mate, a aasa tuwua anu buke pomperorohia,