PILIPI 2:11 - Wunta Mempori

¹¹ ka luwuno elo memangaku, ”Ondaemo i Yesu Kerisituu Ue,” montonda maramba-Do Ue Ala, Ama!

PILIPI 2:11 Iomraidhean Croise

Po'unde-unde 110:1

Penani po'unde-undeno i Daudi. Pau-Do i Ue a ueku, ”Pentoromo i koana-Ku, hawe ka Kuweweu ira iwalimu gagi pelandaano karumu.”

Po'unde-unde 18:49

Ondaemo anu motola aku inso a iwaliku. Tendeano, Omiu anu weweu aku mokopabawai ira anu mpentade umewai aku; Omiu motola aku inso a mia anu moweweu pobobarasaia.

Yeremia 23:6

A tempo poparentaano Yehuda ta pinotola ka Isaraeli ta tuwu rodo. Ndiomo nee anu iwineeako: Ondae i Ue Moleoato.

I MATIU 10:32

Sompo mia anu umakui Aku i arodo mia, Aku umakuio nada i aro-Do Ama-Ku anu i suruga.

I LUKASI 2:11

Oleo andio hina Iramo Puu Pongkaduduimiu, onaemo Ondae i Kerisituu, Ue a ngkotano i Daudi.

I YOHANE 12:42

Sine hadio koa mbo'u i olodo petewawa anu mpe'ala-ala Ira, sine hangano to Parisi nahi manasa dome'akuio, ka si domeliniahako.

I YOHANE 13:13

Impoboia-Kune Guru ka Ue, ka paumiu atuu mentee ntu'u, hangano lano Ongkuemo Guru ka Ue.

I YOHANE 13:14

Gagi tewala Kuwo'ohiakomiu karumiu, Ongkuemo anu Ue ka Gurumiu, ka omiu mbo'u asalakono imambe wo'ohi ngkaru;

I YOHANE 14:13

ka hapa anu inemamiu a nee-Ku, Aku weweuo, ka Dopinokomaramba i Ama i larono Ana.

I YOHANE 14:23

Sumangki Ira i Yesu, ”Tewala asa mia mehohawa Aku, ta tumondao pau-Ku ka onae Ira mehohawao AmaKu ka Kami aiwa ndi onae ka mo'ia ndi onae.

I YOHANE 17:1

Kanandiomo Dopotae i Yesu. Ka Do'amba mentombu i langi ka Dopotae, ”Ama, haweomo tempono; Ipokomarambaomo Ana-Miu, ka Dopokomaramba Komiu Ana-Miu.

I YOHANE 20:28

Sumangki i Toma, ”Oo Ueku ka Ue Alaku!”

I YOHANE 5:23

ka dompelangkai Ira luwuno mia i Ana mengkena kana dompelangkai Ira i Ama. Ba isema nahi pelangkai Ira i Ana, onae nahi pelangkai Ira mbo'u i Ama, anu tumena Ira.

I YOHANE 9:22

Ka dopepau kanandio mia mota'uno, hangano doito ira a nto Yahudi, hangano to Yahudi atuudo memoroko iramo nine sompo mia anu mangaku Ondaemo i Mesia, ta liniahako.

WINEWEUDO TINENA 10:36

Onaemo atuu pau Dopetenaako mohaweo a nto Isaraeli, onaemo pau anu mompalele rodoa hangano Ondae i Yesu Kerisituu, anu Ondaemo Uedo luwuno mia.

WINEWEUDO TINENA 2:36

Gagi luwuno suku Isaraeli asalakono mento'orio manasa, nine Dopokogagi Iramo Ue Ala i Yesu, anu pinasomiu atuu a ngkeu pinotamba, gagi Ue ka i Kerisituu.”

ROMA 14:11

Hangano hinao teburi, ”Hangano Ongkue tuwu, kanandiomo pau-Do i Ue, luwuno mia ira mpenggolontu i aro-Ku ka luwuno mia ira me'unde-unde Ira Ue Ala.”

ROMA 14:9

Hangano onaemo Domateako i Kerisituu ka wali tuwu, ka Dogagi Ue, moiko a mia memate, maupo a mia mentuwu.

ROMA 15:9

ka weweuo luwuno tongku mpelangkai Ira Ue Ala hangano pe'aroa-Do, kana hinao teburi, ”Onaemo pu'uno aku melangkai Komiu i olodo luwuno tongku ka menaniako penani umunde-undeo nee-Miu.”

1 KORINTI 12:3

Onaemo pu'uno ka kupauakomiu, nine nahina maupo te'asa mia anu mepau hangano Penaa-Do Ue Ala, mokompotae, ”Tetotonaa Iramo i Yesu!” ka nahina maupo te'asa mia, anu mokomangaku, ”Ondae i Yesu Ue,” sangkadio hangano Penaa Mempori.

1 KORINTI 15:47

Mia amba-ambano te'inso a awu wita ka mekoroi ntolino, mia anu ko'orua te'inso i suruga.

1 KORINTI 8:6

sine ndi ontae butu koa aasa Ue Ala, onaemo Ondae i Ama, anu ndi Ondae insoano luwuakoano ka anu tia-Do tomentuwu, ka aasa koa Ue, onaemo Ondae i Yesu Kerisituu, anu hangano Ondae luwuakoano pinokogagiomo ka hangano Ondae ka tomentuwu.

1 PETURU 1:21

Hangano Ondae ka impe'ala-ala Ira Ue Ala, anu wangu Iramo inso i olodo mia mate ka anu mokomaramba Iramo, ranta pompe'ala-ala ka pomperorohimiu te'aro ndi Ondae Ue Ala.

1 YOHANE 4:15

Ba isema mangaku, nine Ondae i Yesu onaemo Ana-Do Ue Ala, Ondae Ue Ala kongko mpiha i larono ka onae i laro-Do Ue Ala.

1 YOHANE 4:2

Kanandiomo ka tomento'orio Penaa-Do Ue Ala; sompo penaa anu mangaku, nine hawe Iramo i Yesu Kerisituu kana mia, inso ndi Ondae Ue Ala,

2 YOHANE 1:7

Hangano mpesabaako iramo hadio mia anu mompopo'oo, ka melako i asa wawontolino, anu nahi domemangaku, nine Ondae i Yesu Kerisituu hawe Iramo kana mia. Ondaemo atuu anu mpompopo'oo ka umewai Ira i Kerisituu.

MENGKAAA 3:5

Ba isema monangi, onae ta pinokonaako sangka mopute anu kanandio; Nahi Aku pahihio neeno inso a wunta tuwua, tendeano Aku mangakuakono neeno i aro-Do Ama-Ku ka i arodo luwuno mala'eka-Do.