PILIPI 2:1 - Wunta Mempori

¹ Gaagi hangano ndi Ondae i Kerisituu hinao patudu, hinao pontarero pompehohawa, hinao tepo'asaa Mpenaa, hinao mambe pehohawa ka mambe pekokolaroako,

PILIPI 2:1 Iomraidhean Croise

Po'unde-unde 133:1

Penani pekohono i Daudi. Mentee ntu'u, tedoa moiko ka tekosi, tewala luwuno pepaekompo mpe'asa mpo'ia mpesintuwu!

Yesaya 16:11

Onaemo pu'uno, kana merokuno unino katapi kanatuumo aroaku mondidi-ndidi hangano Moabi, kanatuu koa mbo'u aroaku hangano Kire-Heresi.

I LUKASI 2:25

Hinao i Yerusale asa mia meneeako i Simeo. Onae asa mia anu mentee ka moleo aroano anu sumisikorio pontarerodo to Isaraeli. Penaa Mempori mo'ia ndi onae,

I YOHANE 14:18

Nahi Aku binta komiu gagi elu-elu. Aku wali hawe ndi omiu.

I YOHANE 14:27

Rodoa Kubintaakomiu. Rodoa-Ku Kuweeakomiu, ka hapa anu Kuweeakomiu komba kana anu iweeakomiu wawontolino. Si sala-laro ka mondende aroamiu.

I YOHANE 17:13

Sine kanandio-andio, aiwa Aku ndi Omiu ka Kupauo luwuno andio tekonai da Kongko Aku i wawontolino, ka isompomo po'unde-Ku i larodo.

WINEWEUDO TINENA 2:46

Saru pompedato ka mpe'asa aroa sompo oleo dompepumpu a Raha-Do Ue Ala. Domensiba-sibao roti a sompo-sompo rahado mpe'eu-eu ka mpongkaa mperonga-ronga memawongko ka inso ntu'u i aroado,

WINEWEUDO TINENA 4:32

Kanatuumo tepumpudo mia anu mpompe'ala-ala iramo atuu, mpe'asa aroa ira ka mpesintuwu, ka nahina maupo te'asa mia anu motae, nine ba hapa anu hina ndi onae ipe'umbuo asa-asano, onaemo arataa morokoado.

ROMA 5:5

Ka Pomperorohi komba mompokomasusa, nde pompehohawa-Do Ue Ala mewinsoomo i laro aroato hangano Penaa Mempori anu mewineeako kitamo.

ROMA 8:26

Kanandio koa mbo'u Penaa tumulungi kita a laro molemato; hangano nahi tomento'orio, kana'umpe menteeano ba tompekakai; sine Penaa mekakaiakita luwuno pinemasusato anu nahi pinokopau ndi Ondae Ue Ala.

1 KORINTI 12:13

Hangano a laro aasa Penaa luwuto, moiko to Yahudi, maupo to Yunani, moiko ata, maupo mia maradeka, mebinaho kitamo luwu gagi asa ngkoroi ka luwuto mempinopo'inu inso a aasa Penaa.

1 KORINTI 15:31

Pepaekompo, sompo-sompo oleo kutepo'aroako matea. Hangano kupo'undeakomiu ndi Ondae i Kerisituu Yesu, Ueto, kupauo, nine mongkona andio mentee.

1 KORINTI 3:16

Nahi imento'orioke, nine omiu raha-Do Ue Ala ka nine Penaa-Do Ue Ala mo'ia i laromiu?

2 KORINTI 2:14

Sine tarimakasi ndi Ondae Ue Ala, anu wela wawa kami a nsala poponangia-Do ndi Ondae i Kerisituu. Ka mesala ndi omami Dopaleleo i sua-suamo koa mana mo'ahino tumo'ori Ira.

GALATIA 4:6

Ka hangano omiu ana, onaemo ka Dotena Ira Ue Ala Penaa-Do ana-Do i laro aroato, anu mebooli, ”Oo Abba, oo Ama!”

GALATIA 5:22

Sine wuano Penaa onaemo: pompehohawa, mawongko, rodoa, sabaraa, pe'aroaa, moikoa, petenunua,

EPESU 4:4

aasa koroi, ka aasa Penaa, ba kana'umpe imempinoboi a aasa pomperorohia anu tewinso a mpoboimiu,

PILIPI 1:8

Hangano Ondae Ue Ala sakosiiku ba kana'umpe kutedoa kumekewoiakomiu luwu pompehohawa-Do i Kerisituu Yesu.

PILIPI 3:3

hangano ontaemo mia mpetindi, anu mpesomba hangano Penaa-Do Ue Ala, ka tompo'undeakono ndi Ondae i Kerisituu Yesu ka nahi tompe'ala-alao anu mongkona tuwu ntolino.

KOLOSE 2:2

ka itetarero aroado ka dontepo'asa a pompehohawa, ranta ka domehaweo luwuno kaeaa ka pompe'ala-ala mento'orio ntu'u ka mento'orio rahasia-Do Ue Ala, onaemo Ondae i Kerisituu,

KOLOSE 3:12

Onaemo pu'uno, kana mia bininiki-Do Ue Ala anu mempinokomempori ka pinehohawa-Do, impokonaomo pompehohawa, pe'aroa, pe'urumako, mauru ka sabara.

IBARANI 6:18

hangano orua mengkaaano anu nahi bali, mongkona isua Ondae Ue Ala nahi Ira megaupi, ontae anu mpo'ungke pepekaduduia, ka tompohawe pompokoroso mentehaweo pomperorohia anu mo'ia i aroto.

1 PETURU 1:2

onaemo mia anu mebininiki, menunu saru songka-Do Ue Ala, Amato, ka anu pinokomempori-Do Penaa, ka dompomperorongeako ndi Ondae i Yesu Kerisituu ka mentarimao tinawisiako rea-Do. Po'ineeomo pe'aroa ka rodoa ka ikohadi-hadiono ndi omiu.

1 YOHANE 3:24

Ba isema tumondao luwuno parenta-Do, onae mo'ia i laro-Do Ue Ala ka Ondae Ue Ala i larono. Ka kanandiomo ka tomento'orio, nine Ondae Ue Ala kongko Ira i laroto, onaemo Penaa anu Doweeakitamo.

1 YOHANE 4:12

Nahina maupo te'asa mia anu hori kumita Ira Ue Ala. Tewala memambe pehohawa kita, Ondae Ue Ala kongko Ira mpiha i laroto, ka pompehohawa-Do soompo i laroto.

1 YOHANE 4:16

Tomento'oriomo ka tompe'ala-alaomo pompehohawa-Do Ue Ala ndi ontae. Ondae Ue Ala Ondaemo pompehohawa, ka ba isema kongko mpiha a laro pompehohawa, onae kongko mpiha i laro-Do Ue Ala ka Ondae Ue Ala i larono.