PILIPI 1:9 - Wunta Mempori

⁹ Ka ndiomo pekakaiku, po'ineeomo ka ikoteti-tetiangino pompehohawamiu a ponto'ori anu mentee ka a hadio rupa ponto'oria,

PILIPI 1:9 Iomraidhean Croise

Ayubi 17:9

Maupo kanatuu mia mentee kongko a nsalano, ka mia anu nahi poweweu mosa'o tekense moroso.

Po'unde-unde 119:66

Ipaguruakunemo ponto'ori ka pontimbanga anu mentee, hangano kupe'ala-alao luwuno parenta-Miu.

Powadi 4:18

Sine, pesalaano mia mentee atuu kana wantano towea, anu komewa-mewantano hawe kona ntu'u ntonga oleo.

1 KORINTI 14:20

Pepaekompo luwu-luwu, si mpompewowolo mengkena kana nana'ote. A mosa'oa imegagimo nana-ote, sine pinewowolomiu kana mia sompoomo tinuwuno!

2 KORINTI 8:7

Ka kanandio-andio, mengkena kana mengkaea komiu a luwuakoano, – a pompe'ala-ala, a mpau, a ponto'ori, a pontulungi inso i aroa, ka a pompehohawamiu ndi omami – ka ikanandio koa mbo'u imengkaea a pontulungi andio.

EPESU 5:17

Onaemo pu'uno si mebenge-benge, sine impeteahakomo ka imento'orio po'ehe-Do i Ue.

KOLOSE 1:9

Onaemo pu'uno mompu'u tempono kimerongeo, nahi kimpenaa-naa mpekakaiakomiu. Kime'emao, ka imentarimao mperupa-rupa ponto'ori anu mentee, ka imento'orio koa ntu'u po'ehe-Do i Ue,

KOLOSE 3:10

ka impokonaomo mia wo'ohu anu pinokowo'ohu mpiha ka impohawe ponto'ori anu mentee montonda gambara-Do Anu Mokogagio;

1 TESALONIKA 3:12

Ka po'ineeomo Ondae i Ue ka dopokogagi komiu koteti-tetiangi ka memare'e a laro mambe pehohawa ka a luwuno mia, mengkena koa mbo'u kana omami mpehohawa komiu.

1 TESALONIKA 4:1

Poko'ariano, pepaekompo luwu-luwu, kime'emao ka patudu komiu ndi Ondae Ue Yesu: Imerongeomo inso ndi omami ba kana'umpe asalakono imentuwu ka Dopemoikoo Ue Ala. Mongkona atuu lano imentondaomo, sine moikoopo imeweweuo lalu mpopesu'ui mbo'u.

2 TESALONIKA 1:3

Omami asalakono pontarimakasi mpiha ndi Ondae Ue Ala hangano omiu, pepaekompoku luwu-luwu. Ka lano tekona ka ikanandio, hangano pompe'ala-alamiu koteti-tetiangino ka mambe pehohawamiu komoro-morosono i olomiu,

PILEMO 1:6

Ka mekakai aku, ka itepo'asaamu a pompe'ala-ala metonda umanggao ponto'oria anu moiko I oloto tia-Do i Kerisituu.

IBARANI 5:14

Sine kanga motea onaemo tiano mia sompoomo tinuwuno, anu hangano hinao ponto'ori moiko anu pande mosisinggeo anu moiko sekonopo anu mosa'o.

1 PETURU 1:22

Hangano koroimiu impokomemporiakonomo petenunu a menteea, onaemo ka impokoweweuo pompehohawa pepaekompoa anu inso i aroa, po'ineeomo ka imemambe pehohawa ntu'u tompaano aroamiu.

2 PETURU 3:18

Sine imentuwumo a mpe'aroa ka ponto'orimiu Ondae i Ue ka Puu Pongkaduduito, Ondae i Yesu Kerisituu. Marambaa ndi Ondae, kanandio-andio ka ranta nahina tampulaano.