PILIPI 1:8 - Wunta Mempori

⁸ Hangano Ondae Ue Ala sakosiiku ba kana'umpe kutedoa kumekewoiakomiu luwu pompehohawa-Do i Kerisituu Yesu.

PILIPI 1:8 Iomraidhean Croise

Ayubi 16:19

To'oriomo, kanandio-andio mbo'u, Sakosiiku kongko i suruga, Anu mesakosiiakune kongko a mpo'ianga anu mantande.

Yesaya 16:11

Onaemo pu'uno, kana merokuno unino katapi kanatuumo aroaku mondidi-ndidi hangano Moabi, kanatuu koa mbo'u aroaku hangano Kire-Heresi.

Yesaya 63:15

Ipensiroiomo inso i suruga ka Ikitaomo inso a mpo'ianga-Miu anu mempori ka maramba! Isuake mahakino aroa-Miu ka moroso-Miu, pebundeno aroa-Miu ka pompehohawa-Miu? Kime'emao siimo Ipo'iaakono!

Yeremia 31:20

Kombake i Eparai ana pinehohawa, kombake onae ana anu inehe-eheako? Hangano sompo Kutekudaakono, wela Aku rumambeo; onaemo pu'uno aroa-Ku mondende hangano onae; maupo kana'umpe Aku mehohawao, kanandiomo pau-Do i Ue.

I LUKASI 1:78

hangano pe'aroa ka pompehohawa inso ndi Ondae Ue Alato, onaemo ka Dohawe kumita kita, mata'oleo mo'oru inso i wawono,

ROMA 1:9

Hangano Ondae Ue Ala anu kupo'anggaako Ira tompaano aroaku a pompalelea Lele Mawongkoa mongkona Ana-Do, Ondaemo sakosiiku, nine a laro mpekakaiku kuwela rumambe komiu:

ROMA 9:1

Ongkue mompau menteea hangano Ondae i Kerisituu, nahi kupegaupi. Pompauno aroaku mesakosii mbo'u hangano Penaa Mempori,

2 KORINTI 13:9

Hangano mo'unde kami, tewala molema kami ka omiu memoroso. Ka onaemo andio anu pinekakaiakomami, onaemo ka ibobotoli pompe'ala-alamiu.

2 KORINTI 6:12

Ka omiu hinao po'ianga anu malua i laro aroamami, sine ndi omami butu tepatinda po'ianga anu ma'iso i laro aroamiu.

2 KORINTI 7:15

Ka pompehohawano koteti-tetiangino ndi omiu, tewala irambeo pomperorongeakomiu luwu, kana'umpe imentotowoo haweno saru doito ka mpondidi-ndidi.

GALATIA 1:20

I aro-Do Ue Ala kupokomanasao: hapa anu kuburiakomiu andio mentee, nahi kupegaupi.

GALATIA 3:26

Nde luwumiu onaemo ana-Do Ue Ala hangano pompe'ala-ala ndi Ondae i Yesu Kerisituu.

GALATIA 4:19

Hei anaku, hangano omiu ka kupe'i'isei kana mahaki me'ana mbo'u, hawe rupa-Do i Kerisituu gagi mengkaa i laromiu.

PILIPI 2:1

Gaagi hangano ndi Ondae i Kerisituu hinao patudu, hinao pontarero pompehohawa, hinao tepo'asaa Mpenaa, hinao mambe pehohawa ka mambe pekokolaroako,

PILIPI 2:26

Hangano tedoa tekewoi ndi omiu luwu ka masusa mbo'u aroano, hangano imerongeo nine onae mahaki.

PILIPI 4:1

Onaemo pu'uno, pepaekompo anu pinehohawaku ka anu kinekewoiku, po'undeku ka ramba-ramba uluku, impentademo mbo'u temoroso ndi Ondae i Ue, hei pepaekompo anu pinehohawaku!

KOLOSE 2:1

Hangano ineheku, ka imento'orio, ba kana'umpe mobeano kupeteahakoakomiu, ka ondae anu i Laodikia ka luwuno, anu napi domento'ori aku,

KOLOSE 3:12

Onaemo pu'uno, kana mia bininiki-Do Ue Ala anu mempinokomempori ka pinehohawa-Do, impokonaomo pompehohawa, pe'aroa, pe'urumako, mauru ka sabara.

1 TESALONIKA 2:5

Hangano nahi kimehori mpo'o'ahiti – mongkona atuu imento'orio – ka komba hori hina tinoomami medokoli anu tewuni – Ondae Ue Ala sakosii –

1 TESALONIKA 2:8

Kanatuumo omami, a pompehohawa anu langkai ndi omiu, komba butu inehemami mpontiaakomiu Lele Mawongkoa inso ndi Ondae Ue Ala, sine tuwumami mbo'u, hangano kimpehohawa komiumo.

2 TIMOTIU 1:4

Ka tewala terorambe aku a uwoi matamu anu linuarakomu, ineheku wali kumitako ka ibukemo po'undeku.

PILEMO 1:12

Onae kutenao ka ipekule ndi omue – onae, onaemo wuano aroaku –.

PILEMO 1:20

Oo pepaekompoku, po'ineeomo ka kupementuduko ndi Ondae i Ue: Tareroomo aroaku ndi Ondae i Kerisituu!

1 YOHANE 3:17

Ba isema hinao arataa ntolinono ka ikitao pepaekompono marasaiako makuraa sine nahi perioo pepaekompono atuu, kana'umpeke pompehohawa-Do Ue Ala ka ipokompo'ia mpiha a ngkoroino?