PILIPI 1:7 - Wunta Mempori

⁷ Lano tekonaanomo kupewowolo komiu luwu kanandio, hangano omiu kongko i laro aroaku, hangano mpohawe komiu luwu tia a mpe'aroa anu kuwineeako, moiko i tempono kutinorungku, maupo i tempono kukorahakono ka mokorosoo Lele Mawongkoa.

PILIPI 1:7 Iomraidhean Croise

WINEWEUDO TINENA 20:23

umarino anu pinokomengkaa-Do Penaa Mempori ndi ongkue inso a ngkota lumako a ngkota, nine torungku ka marasaia sumikori aku.

WINEWEUDO TINENA 21:33

Petewawa sorodadu atuu umpedaakono i Paulu, irakoo ka metena ponguakono orua rante, ka i'amba mesikeno isemake onae ka hapamoke anu wineweuno.

1 KORINTI 13:7

Ipeteao luwuakoano, me'ala-alao luwuakoano, mompe'osai luwuakoano, sabara tumembio luwuakoano.

1 KORINTI 9:23

Luwuakoano andio kuweweuo hangano Lele Mawongkoa, ka kupohawe tia i larono.

2 KORINTI 3:2

Omiumo wunta po'unde-undemami anu teburi i laro aroamami ka anu tino'ori ka dompokobasao luwuno mia.

2 KORINTI 7:3

Kupepau kanandio, komba ndio aku mokonsala komiu, hangano hieno kupauomo, nine ndio komiumo i laro aroamami, ranta ka tompe'asa aroa mentuwu ka memate.

GALATIA 5:6

Hangano mia anu mekongko a ntepo'asaa ndi Ondae i Kerisituu Yesu mongkona petindi ke nahi petindi nahina pengkonaano, butu pompe'ala-ala anu mo'angga hangano pompehohawa.

EPESU 3:1

Onaemo pu'uno ongkue andio, i Paulu, mia anu tinorungku hangano Ondae i Kerisituu Yesu tiamiu mia anu nahi mento'ori Ira Ue Ala

EPESU 4:1

Onaemo pu'uno ku'emao ntu'u ndi omiu, ongkue, mia anu tinorungku hangano Ondae i Ue, ka imentuwu gagi mia anu mempinoboi komiumo menunu saru pepoboi atuu.

EPESU 6:20

anu inanggaku gagi tinena anu tinorungku. Impekakaimo ka kumosia koa mokomengkaao, kana anu tekona kupauo.

PILIPI 1:12

Ineheku, luwuno pepaekompo, ka imento'orio, nine hapa anu gagi ndi ongkue andio onaemo pu'uno ka ikotele-teleleno Lele Mawongkoa,

PILIPI 1:13

ranta mengkaaomo a luwuno ihino langkanae ka luwuno mia susua, nine tinorungku aku hangano Ondae i Kerisituu.

PILIPI 1:14

Ka hadioano pepaekompo ndi Ondae i Ue mempine'ala-ala iramo hangano tinorungku aku ka dontetiangi memosia mpepau mongkona pau-Do Ue Ala ka nahi domedoito.

PILIPI 1:5

Pontarimakasiku ndi Ondae Ue Alaku hangano tepo'asaamiu a Lele Mawongkoa mompu'u inso a oleo amba-ambano hawe kanandio-andio.

PILIPI 2:22

Imento'orio nine petenununo tengkitaomo ka nine itulungi akumo a pompekakaakoa Lele Mawongkoa mengkena kana aasa ana tumulungio amano.

PILIPI 4:14

Sine moiko koa mbo'u wineweumiu, nine mpo'ala komiumo tia a laro masusaku.

PILIPI 4:15

Imento'orio koa mbo'u, hei to Pilipi; i tempono da iaopo kupompu'u paleleo Lele Mawongkoa, tempono kupelungka inso i Makedonia, nahina maupo te'asa bawaa anu morekeakune pasua ka anu ta sininga ndi ongkue sangkadio inso ndi omiu.

PILIPI 4:3

Tamoako, ku'emao mbo'u ndi omue Sunsugo, waliku anu metenunu: tulungi iramo. Hangano mo'angga iramo saru ongkue a pompalelea Lele Mawongkoa, meronga saru i Keleme ka wali-waliku pe'asa mpo'angga anu mehano, anu needo teburi a Wunta tuwua.

KOLOSE 4:18

Tabea inso ndi ongkue, i Paulu. Tabea andio kuburiakono kaeku. Impewowoloo koa ponguku. Pe'aroa kumongkomi komiu.

KOLOSE 4:3

Impekakaiakami koa mbo'u, ka Do'ungkahiakami Ue Ala pewowa a pompaleleamami, ranta ka kimempolio mpepau mongkona rahasia-Do i Kerisituu, anu hangano onae ka kutinorungku.

1 TESALONIKA 5:5

hangano luwumiu ana mewine ka ana meene. Ontae komba miano wongi ke miano wongi-wongia.

2 TIMOTIU 1:8

Gaagi si mo'o'anu mesakosii mongkona Ondae Ueto ka si mo'o'anu hangano ongkue, asa mia hinuku hangano Ondae, tendeano petondamo marasaiakono Lele Mawongkoa-Do hangano roso-Do Ue Ala.

2 TIMOTIU 2:9

Hangano pompalelea Lele Mawongkoa andio ka kumarasai, tendeano pinongu mengkena mia mosa'o, sine pau-Do Ue Ala pinalele mpiha.

PILEMO 1:13

Bakanaano ineheku umontoo i ndi'ai gagi eumu mekakaakune tempono kutinorungku hangano Lele Mawongkoa,

IBARANI 3:1

Onaemo pu'uno, hei luwuno pepaekompo anu mempori, anu mpohawe tia a mpepoboi suruga, imengkita iramo Tinena ka Sando Mpesomba Langkai anu pine'ala-alato, onaemo Ondae i Yesu,

1 PETURU 4:13

Tendeano, impo'undemo, menunu saru tia anu hinawemiu a ntebobarasai-Do i Kerisituu, ka impohawe koa mbo'u mawongko ka mpo'unde a tempo Dopokomengkaao maramba-Do.

1 PETURU 5:1

Kupatudu ira penatua i olomiu, ongkue kana walido penatua ka sakosii tebobarasai-Do i Kerisituu, anu ta mohawe koa mbo'u tia a marambaa anu ta pinokomengkaa lembuino.

2 PETURU 1:13

Kutuduo anggaaku mopoto'oriakomiu mpiha luwuno atuu i larono napi kubintao koroiku andio.

1 YOHANE 3:14

Tomento'orio, nine mpelimba kitamo inso a matea melako a ntuwua, onaemo hangano mpompehohawa kita pepaekompoto. Ba isema nahi pompehohawa, onae kongko mpiha a matea.