PILIPI 1:27 - Wunta Mempori

²⁷ Butu, po'ineeomo tuwumiu ka ipenunu saru Lele Mawongkoa mongkona Ondae i Kerisituu, ka kukitao ba kuhawe, ka tewala nahi kuhawe aku rumongeo, nine moroso impentade a laro aasa penaa, ka mpe'asa aroa mpeteahako tiano pompe'ala-ala anu inso a Lele Mawongkoa,

PILIPI 1:27 Iomraidhean Croise

1 Tawarika 19:12

Ka i'amba motae i Yoabi, ”Tewala to Arami moroso irapo sekono ongkue, omue asalakono tumulungi aku. Sine tewala inuleno i Amoni moroso irapo sekono omue, aku koa tumulungiko.

Po'unde-unde 122:3

Yerusale, anu winangu kana kota, kana kota anu moroso pino'asa.

Po'unde-unde 133:1

Penani pekohono i Daudi. Mentee ntu'u, tedoa moiko ka tekosi, tewala luwuno pepaekompo mpe'asa mpo'ia mpesintuwu!

Powadi 22:23

Hangano Ondae i Ue umala-alaakono kara-karado, ka umalao penaano mia anu rumontuki ira.

Yeremia 32:39

Aku moweeako ira asa aroa ka asa sala ntuwua, ka domedoito ndi Ongkue asa ntinuwu gagi moikoado ka anado umarino ondae.

I MATIU 12:25

Sine Doto'orio i Yesu pinewowolodo onaemo ka Dopotaeako ira, ”Sompo poparentaa anu terawo-rawo manasa ta tekale-kale ka sompo kota ke sombori anu terawo-rawo nahi pokompo'ia mpiha.

WINEWEUDO TINENA 2:46

Saru pompedato ka mpe'asa aroa sompo oleo dompepumpu a Raha-Do Ue Ala. Domensiba-sibao roti a sompo-sompo rahado mpe'eu-eu ka mpongkaa mperonga-ronga memawongko ka inso ntu'u i aroado,

WINEWEUDO TINENA 24:24

Ka mansano ba opia oleo haweomo i Pelikisi meronga saru kombiano i Durusila, aasa to Yahudi; onae metena moboio i Paulu, ka i'amba rumongeo inso ndi onae mongkona pompe'ala-ala ndi Ondae i Yesu Kerisituu.

WINEWEUDO TINENA 4:32

Kanatuumo tepumpudo mia anu mpompe'ala-ala iramo atuu, mpe'asa aroa ira ka mpesintuwu, ka nahina maupo te'asa mia anu motae, nine ba hapa anu hina ndi onae ipe'umbuo asa-asano, onaemo arataa morokoado.

ROMA 1:16

Hangano moroso pompe'ala-alaku a Lele Mawongkoa, hangano Lele Mawongkoa onaemo roso-Do Ue Ala anu kumaduduio sompo mia anu mompe'ala-ala, amba-ambano to Yahudi, sine saru koa mbo'u to Yunani.

ROMA 1:5

Omami mpohawe pompehohawa inso ndi Ondae ka potoro tinena anu tumaate ira luwu tongku, ka dompompe'ala-ala ka mpetenunu a nee-Do.

ROMA 1:9

Hangano Ondae Ue Ala anu kupo'anggaako Ira tompaano aroaku a pompalelea Lele Mawongkoa mongkona Ana-Do, Ondaemo sakosiiku, nine a laro mpekakaiku kuwela rumambe komiu:

ROMA 10:8

Sine hapake pinauno? Ndiomo, ”Pau atuu umpeda ndi omue, onaemo a laro ngangamu ka i laro aroamu.” Onaemo atuu pauno pompe'ala-ala, anu pinalelemami.

ROMA 15:16

onaemo nine moiko kugagi puu pompekakaako-Do i Kerisituu Yesu a luwuno tongku komba to Yahudi a pompekakaakoa mompalele Lele Mawongkoa-Do Ue Ala, ka Dotarima ira koa Ue Ala luwuno tongku komba to Yahudi gagi pesomba anu Dopemoikoo, anu pinokomempori-Do Penaa Mempori.

ROMA 15:29

Ka kuto'orio, nine tewala aiwa aku tepohaweakomiu, aku hawe bukeako poronso-Do i Kerisituu.

1 KORINTI 1:10

Sine ku'oliwi komiu, pepaekompo, a nee-Do Ueto i Yesu Kerisituu, ka impe'asa mpau ka si hina teposisalaa i olomiu, sine tendeano ka imemoroso ntepo'asa ka mpe'asa aroa mpe'asa pompewowolo.

1 KORINTI 15:58

Onaemo pu'uno, pepaekompo anu pinehohawaku, impentademo temoroso, si ntelelu, ka impeteahako mpiha a anggaa-Do i Ue! Hangano imento'orio, nine a ntepo'asaa saru Ondae i Ue pe'iseimiu nahi tetadi-tadi.

2 KORINTI 13:11

Pokotompaano, pepaekompoku, impo'undemo, impeteahakomo ka ibobotoli pompe'ala-alamiu. Imentarimaomo luwuno patuduku! Impe'asa aroamo ka mpe'asa pompewowolo, ka imentuwumo a laro rodoa! ka Ondae Ue Ala, pu'uno pompehohawa ka rodoa Ira kumongkomi komiu!

2 KORINTI 4:4

onaemo mia anu nahi dompompe'ala-ala, anu pinewowolodo dompokomorawuomo pinesombai susua tempo andio, onaemo ka nahi domengkitao wantano Lele Mawongkoa mongkona maramba-Do i Kerisituu, anu onaemo gambara-Do Ue Ala.

2 KORINTI 9:13

Ka hangano peteahakomiu a pompekakaakoa atuu, dome'unde-unde Ira Ue Ala hangano pomperorongeakomiu a Lele Mawongkoa-Do i Kerisituu ka hangano pe'aroamiu mpetia luwuakoano saru ondae ka saru luwuno mia,

GALATIA 1:7

anu menteeano komba Lele Mawongkoa. Butu hinao mia anu mopo'oo komiu ka anu tinoodo mewowalitekio Lele Mawongkoa mongkona Ondae i Kerisituu.

EPESU 1:13

Ndi Ondae omiu mbo'u – hangano imerongeomo pau menteea, onaemo Lele Mawongkoa tekaduduiamiu – ndi Ondae omiu mbo'u, tempono impompe'ala-ala, mentinondoniako Penaa Mempori, anu dinandi-Do atuu.

EPESU 1:15

Onaemo pu'uno, mansaku rumongeo mongkona pompe'ala-alamiu ndi Ondae Ue Yesu ka mongkona pompehohawamiu a luwuno mia mempori,

EPESU 4:1

Onaemo pu'uno ku'emao ntu'u ndi omiu, ongkue, mia anu tinorungku hangano Ondae i Ue, ka imentuwu gagi mia anu mempinoboi komiumo menunu saru pepoboi atuu.

PILIPI 1:5

Pontarimakasiku ndi Ondae Ue Alaku hangano tepo'asaamiu a Lele Mawongkoa mompu'u inso a oleo amba-ambano hawe kanandio-andio.

PILIPI 2:12

Hei luwumiu pepaekompo anu pinehohawaku, mpomperorongeako komiu mpiha; onaemo pu'uno ime'anggaomo mpiha tekaduduiamiu saru medoito ka mpondende, komba butu kana i tempono da kukongko, sine laluaopo mbo'u kanandio-andio tempono nahi kukongko,

PILIPI 2:24

sine kupe'ala-alao ndi Ondae i Ue, nine maupo ongkue aku koa ronga aiwa.

PILIPI 3:18

Hangano, kana anu mararuomo kupauakomiu, ka anu kupokomengkaao mbo'u kanandio-andio kontongaaku mengese, hadio mia anu mentuwu gagi iwalino keu pinotamba-Do i Kerisituu.

PILIPI 3:20

Hangano ontae palilino Poparentaa suruga, ka inso mbo'u i tu'ai tomensikori Ira i Ue Yesu Kerisituu gagi Puu Pongkadudui,

PILIPI 4:1

Onaemo pu'uno, pepaekompo anu pinehohawaku ka anu kinekewoiku, po'undeku ka ramba-ramba uluku, impentademo mbo'u temoroso ndi Ondae i Ue, hei pepaekompo anu pinehohawaku!

KOLOSE 1:10

ka ipototono koa tuwumiu i aro-Do saru Dopemoikoo a luwuakoano, ka komiu mpewua a luwuno inangga anu moiko ka mentuwu a ponto'ori anu mentee mongkona Ondae Ue Ala,

KOLOSE 1:4

hangano kimerongeomo mongkona pompe'ala-alamiu ndi Ondae i Yesu Kerisituu ka mongkona pompehohawamiu a luwuno mia mempori,

1 TESALONIKA 3:6

Sine kanadio-andio, mansano wali hawe i Timotiu inso ndi omiu ka mowawa lele anu mompokomawongko mongkona pompe'ala-alamiu ka pompehohawamiu, ka nine wela komiu mponaa pewowoloa anu moiko mongkona omami ka mingki ntepohaweakami, kana omami mbo'u mingki ntepohaweakomiu,

1 TESALONIKA 4:1

Poko'ariano, pepaekompo luwu-luwu, kime'emao ka patudu komiu ndi Ondae Ue Yesu: Imerongeomo inso ndi omami ba kana'umpe asalakono imentuwu ka Dopemoikoo Ue Ala. Mongkona atuu lano imentondaomo, sine moikoopo imeweweuo lalu mpopesu'ui mbo'u.

1 TIMOTIU 1:11

anu me'empehiako Lele Mawongkoa inso ndi Ondae Ue Ala anu maramba ka tekona inunde-unde, kana anu pine'ala-alaako ndi ongkue.

1 TIMOTIU 1:19

Ba opia mia domperioo aroa mewinedo anu mentee atuu, ka onaemo pu'uno nami hina pompe'ala-alado,

2 TIMOTIU 4:7

Kutompaakonomo petandia anu moiko, hawe akumo a garesi pokotompa ka kupekakaakonomo pompe'ala-ala.

TITU 2:10

si domemolengku, sine asalakono ka iwela koa inso i aroado ka mpetenunu, hangano kanandio a luwuakoano ka dompokomarambao pompaguru-Do Ue Ala, Puu pongkaduduito.

PILEMO 1:5

hangano kurongeo mongkona pompehohawamu a luwuno mia mempori ka mongkona pompe'ala-alamu ndi Ondae Ue Yesu.

YAKOBU 3:18

Ka wua anu inso a menteea rinawo a sintuwu tiado mia anu mpompokosintuwu.

2 PETURU 3:11

Gaagi, tewala luwuakoano andio ta kanandio teweweuno iterawo-rawo, asalakono ka imentuwu tedoa mempori ka mpesomba ntu'u

2 PETURU 3:14

Onaemo pu'uno, pepaekompo anu kinekewoiku, kontongaano mensikorio luwuno andio, asalakono impeteahako, ka imehinawe nahina tataamiu ka nahina anu mosa'o i aro-Do, a laro pesintuwua saru Ondae.

YUDASI 1:3

Luwuno pepaekompo anu kinekewoiku, kontongaaku mompesu'ui meteahako buriakomiu mongkona tekaduduiato luwu, telelu aroaku burio andio ndi omiu ka mompauakomiu, ka imekongko koa mpiha mpeteahako mengkorahakono pompe'ala-ala anu pinohaweomo a luwuno mia mempori.