PILIPI 1:25 - Wunta Mempori

²⁵ Ka a laro pompe'ala-ala andio kuto'oriomo: aku mo'ia ka meronga-ronga mbo'u saru omiu luwu ka ikomoro-morosomiu ka memawongko a laro pompe'ala-ala,

PILIPI 1:25 Iomraidhean Croise

Po'unde-unde 60:6

Sine ndi ondae anu medoito ndi Omiu Ipoweeako iramo petondoni, ka dompolai inso a mpana. Sela

I LUKASI 22:32

sine Kupekakaiakomumo, ka si bali pompe'ala-alamu. Ka omue, tewala upokonto'oriomo, pokoroso iramo pepaekompomu.”

WINEWEUDO TINENA 11:23

Mansano hawe i Baranaba ka ikitao pompehohawa-Do Ue Ala, mo'undeomo. Ipatudu ira, ka dompetenunu koa mpiha ndi Ondae i Ue,

WINEWEUDO TINENA 14:22

A mpo'ianga atuu dopokorosoako ira aroado ana guru atuu ka patudu ira ka domekongko koa mpiha a pompe'ala-alado, ka dopauo, nine ba topewinso a Poparentaa-Do Ue Ala asalakono kita mompembasai hadio marasaia.

WINEWEUDO TINENA 20:25

Ka kanandio-andio kuto'orio, nine nami komiu mengkitao mbo'u rupaku, luwumiu anu kutepohaweakomiumo paleleo Poparentaa-Do Ue Ala.

ROMA 15:13

Po'ineeomo Ondae Ue Ala, pu'uno pomperorohia, mokobukeakomiu luwuno po'undea ka rodoa a laro pompe'ala-alamiu, ka imemare'e a laro pomperorohia hangano roso-Do Penaa Mempori.

ROMA 15:18

Hangano nahi aku sapa mepau mongkona hapa anu susua, sangkadio mongkona hapa anu Doweweuomo i Kerisituu hangano ongkue, onaemo wawa ira tongku susua ka dompomperorongeako, hangano pau ka wineweu,

ROMA 15:29

Ka kuto'orio, nine tewala aiwa aku tepohaweakomiu, aku hawe bukeako poronso-Do i Kerisituu.

ROMA 5:2

Hangano Ondae ontae mbo'u mpohawe sala mpewinso hangano pompe'ala-ala a pompehohawa andio. I larono pompehohawa andio ontae mpentade ka tompo'unde a laro pomperorohia kita mpontarima maramba-Do Ue Ala.

2 KORINTI 1:24

Komba hangano kami mpetena hapa anu asalakono impe'ala-alao, nde mpentade komiu moroso a pompe'ala-alamiu. Tendeano, kami mpopokowali mpo'angga tiano mawongkoamiu.

PILIPI 1:24

sine mentuduopo kupo'ia i wawontolino andio hangano omiu.

PILIPI 2:24

sine kupe'ala-alao ndi Ondae i Ue, nine maupo ongkue aku koa ronga aiwa.

PILEMO 1:22

I larono atuu pepatindamo mbo'u metotoka aku, nde kuperorohio hangano pekakaimu aku koa pinokule ndi omue.

1 PETURU 1:8

Maupo napi hori mengkita Ira, sine impehohawa Ira. Impe'ala-ala Ira, maupo nahi imengkita Ira kanandio-andio. Memawongko komiu hangano po'unde anu maramba ka anu nahi pinokopau,