PILIPI 1:11 - Wunta Mempori

¹¹ bukeako wuano menteea anu inangga-Do i Yesu Kerisituu mokomarambao ka umunde-unde Ira Ue Ala.

PILIPI 1:11 Iomraidhean Croise

Po'unde-unde 1:3

Onae kana keu, anu pinaho a wiwi waaano uwoi, anu mehasiliako wuano a tempono, nahi ta hori moleu leweno; hapamo koa anu wineweuno mehasili.

Yesaya 5:2

Ibingkuo ka itadi ira watuno, ipompahoakono keu anggoro bininiki; onae mowangu asa menara podagaia i tonga-tongano ka mongkeke aa pomporo'ia anggoro. Ka i'amba sumikorio lere atuu ka ipehasiliako wua anggoro, sine anu ipehasiliako wua anggoro anu mo'olo.

Yesaya 60:21

Palilimu luwuno mia mentee, ondae mpe'ueo wita ranta nahina tampulaano; ondae onaemo tumba anu Kupotuwuo Ongkue-Ku mopokitao maramba-Ku.

Yesaya 61:11

Hangano, kana tolino moluarako pinopaho, ka kana lere motuwuo inii anu rinawo, kanatuumo Ondae Ue Ala Ira motuwuo menteea ka po'unde-unde i arodo luwuno tongku.

Yesaya 61:3

ka moweeako ira ramba-ramba ulu gagi euno awu, lana pakea a mpogawea gagi euno sawu po'inombo, penani po'unde-unde gagi euno roso anu molema, ka dompotaeako ira mia ”keu tarabanti menteea,” anu pinaho-Do i Ue ka mopokitao maramba-Do.

I MATIU 5:16

Ka ikanandiomo mewinemiu mewanta i arodo mia, ka domengkitao wineweumiu anu moiko ka dompelangkai Ira Amamiu anu i suruga.”

I YOHANE 15:16

Komba omiu anu mebiniki Aku, sine Ongkuemo anu biniki komiu. Ka Ongkuemo anu pakosi komiu, ka imelako ka impewua ka ipo'ia mpiha wuamiu atuu, ka Doweeakomiu hapa anu inemamiu ndi Ondae i Ama a nee-Ku.

I YOHANE 15:2

Sompo sampano ndi Ongkue anu nahi pewua, Dopoleo ka sompo sampano anu mewua, Dopokomorinao, ka ipewua lalu hadio.

I YOHANE 15:8

Kanandiomo Ondae Ama-Ku Dopinokomaramba, onaemo tewala mpewua komiu hadio ka ba kanandio omiu megagi ana guru-Ku.”

ROMA 15:28

Tewala kupoko'umariomo anggaa atuu ka kupeweengakonomo hasilino inanggado luwuno tongku susua atuu ndi ondae, aku melungka lumako i Sipano lumaloo kotamiu.

ROMA 6:22

Sine kanandio-andio, umarimiu mempinokomaradeka inso a hala ka mansamiu megagi tetenaa-Do Ue Ala, mpohawe komiu wua anu wawa komiu a pompokomemporia ka gagi poko'ariano onaemo tuwua anu nahina tampulaano.

1 KORINTI 10:31

Sumangki aku: Tewala mongkaako ke mo'inu, ke tewala hinao wineweumu anu susua, weweuomo luwuno atuu melangkai Ira Ue Ala.

2 KORINTI 9:10

Ondae anu mompatindaakono inii anu morawo, ka roti ta kaanga, Ondae koa mbo'u anu Ira mompatindaakomiu inii ka mokomelukao ka motuwuo luwuno wuano menteemiu;

EPESU 1:12

ka omami, anu se'eluno mpomperorohi kamimo ndi Ondae i Kerisituu, moiko gagi unde-undeno maramba-Do.

EPESU 1:14

Ka Penaa Mempori atuu onaemo pe'inia ndi ontae ranta ka tomehaweo luwuno, onaemo tetolosia anu mokogagi kita mia-Do Ue Ala, ka tome'unde-undeo maramba-Do.

EPESU 2:10

Hangano ontae andio wineweu-Do Ue Ala, pinokogagi ndi Ondae i Kerisituu Yesu ka tomeweweuo anggaa moiko, anu pinatinda-Do Ue Ala se'eluno. Inehe-Do ka tomentuwu i larono.

EPESU 5:9

Hangano mewine butu mewuaako moikoa ka moleoa ka menteea,

PILIPI 4:17

Sine anu inungkeku komba pompowee atuu, tendeano wuano, anu tekense mokolangkaio uramiu.

KOLOSE 1:10

ka ipototono koa tuwumiu i aro-Do saru Dopemoikoo a luwuakoano, ka komiu mpewua a luwuno inangga anu moiko ka mentuwu a ponto'ori anu mentee mongkona Ondae Ue Ala,

KOLOSE 1:6

anu haweomo ndi omiu. Lele Mawongkoa atuu mewua ka koteti-tetiangino i asa wawontolino, kanatuu koa mbo'u i olomiu mompu'u tempono imerongeo ka mento'orio ntu'u pe'aroa-Do Ue Ala.

2 TESALONIKA 1:12

ranta ka ipinokomaramba nee-Do i Yesu, Ueto, ndi omiu, montonda pe'aroa-Do Ue Alato ka Ondae Ue Yesu Kerisituu.

TITU 3:14

Ka po'ineeomo ka dompepaguru mbo'u miato meweweuo anggaa anu moiko ka dompokosompoo pepotuwudo, ka ipewua koa tuwudo.

IBARANI 12:11

Lano sompo pohuku anu iweeakita nahi powawa mawongkoa, sine masusaa. Sine lembuino ipehasiliako wua menteea anu moweeako ira sintuwu anu linatino.

1 PETURU 2:12

Temoikomo gaumiu imentuwu i tonga-tongado tongku komba Yahudi, tewala domposebe komiu kana mia melambaha, ka dompokokitao inso a luwuno wineweumiu anu moiko ka melangkai Ira Ue Ala a oleo Dotepohaweako ira.

1 PETURU 2:5

Ka po'ineeomo omiu mbo'u mempinake kana watu tuwu powangu aasa raha rohani, tiano aasa imama mempori, ka ipinesombaako pesomba rohani anu hangano Ondae i Yesu Kerisituu Dopemoiko Ira Ue Ala.

1 PETURU 2:9

Sine omiumo tongku anu tebiniki, imama anu moleo, tongku anu mempori, bawaa-Do Ue Ala, ka imempaleleo luwuno wineweu anu langkai inso ndi Ondae, anu moboi komiumo mpeluarako inso a wongi-wongia a mewine-Do anu kinohali-haliako:

1 PETURU 4:14

Meme'ura komiumo, tewala mentinata komiu hangano nee-Do i Kerisituu, hangano Penaa marambaa, onaemo Penaa-Do Ue Ala kongko ndi omiu.