PILIPI 1:10 - Wunta Mempori

¹⁰ ranta ka impokobinikio hapa anu moiko, ka imemempori ka nahina tataano umpeda haweano oleo-Do i Kerisituu,

PILIPI 1:10 Iomraidhean Croise

Tegagia 20:5

Kombake tama atuu onaeno pauo ndi ongkue, ’Onae pepaekompoku’? Ka beine atuu, onaeno mbo'u pauo, ’Onae pepaekompoku.’ Mongkona andio kuweweuo a moleono aroaku ka saru kae anu nahi sala.”

Ayubi 12:11

Kombake biri umarahakono luwuno pau, kana langira mompenami kaanga?

Ayubi 34:3

Hangano biri umarahakono luwuno pau, kana langira mompenami kaanga.

Mika 3:2

hei omiu anu umo'aliaakono moleoa ka anu kumekewoio mosa'oa? Omiu anu mpoberi kuli ngkoroido tongkuku ka ihi inso a luwuno wukudo,

I MATIU 16:23

Ka mewolili Ira i Yesu ka Dopotaeakono i Peturu, ”Polaimo Mosa'o. Omue aasa watu tetidua-Ku, hangano omue komba mompewowolo hapa anu pinewowolo-Do Ue Ala, tendeano hapa anu pinewowolono mia.”

I MATIU 26:33

Sumangki i Peturu, ”Maupo luwudo telelu pompe'ala-alado hangano Omiu, ongkue naahi ntu'u.”

I YOHANE 1:47

Motae i Pilipu ndi onae, ”Aiwa ka ukita Ira!” Dokitao i Yesu i Natanae aiwa ndi Ondae, ka Do'amba mepau mongkona onae: Kitao, ndiomo asa to Isaraeli ntu'u, nahi molengku aroano!

I YOHANE 3:20

Hangano ba isema moweweu mosa'o, i'o'aliaakono mewine ka nahi aiwa a mewine atuu, ka si tengkita luwuno wineweuno anu mosa'o atuu;

WINEWEUDO TINENA 24:16

Onaemo pu'uno ka kuwela umungkeakono tuwu a aroa anu molino i aro-Do Ue Ala ka mia.

ROMA 12:2

Omiu si mpengkenaakono wawontolino andio, sine impebalimo a wo'ohuno pinewowolomiu, ranta ka impokonto'orio po'ehe-Do Ue Ala: hapa anu moiko, anu pinemoiko-Do Ue Ala ka anu nahina makurano.

ROMA 12:9

Asalakono mompehohawa atuu si mpo'onde-onde! Ime'olaiakonomo anu mosa'o ka impoweweumo anu moiko.

ROMA 16:17

Sine kupatudu komiu, pepaekompo, ka impetangkoro ndi ondae, anu tepobungku saru pompaguru anu tinarimamiumo, mompokohina tekale-kalea ka pompopandei. Onaemo pu'uno ime'olaiako ira!

ROMA 2:18

ka mento'orio po'ehe-Do, ka hangano pinaguru a songka Taura, mpokonto'orio isua anu moiko ka isua anu naahi,

ROMA 7:16

Gagi tewala kuweweuo hapa anu nahi ineheku, kupementeeo, nine songka Taura atuu moiko.

ROMA 7:22

Hangano i laro aroaku ineheku songka-Do Ue Ala,

ROMA 8:7

Hangano po'eheno tuwu ntolino onaemo umewa ndi Ondae Ue Ala, hangano nahi tondao songka-Do Ue Ala; mongkona andio lano nahi polio.

1 KORINTI 1:8

Ira koa mbo'u mokoroso komiu hawe a mpoko'ariano, ranta nahina tataamiu a oleo-Do Ueto i Yesu Kerisituu.

1 KORINTI 10:32

Si mpokonanta-nantaako ira mia aroado, moiko to Yahudi ke to Yunani maupo bawaa-Do Ue Ala.

1 KORINTI 8:13

Onaemo pu'uno tewala kaanga gagi watu tetiduno pepaekompoku, ranta nahina tampulaano nahi aku mongkaa mbo'u bau, ka si kugagi watu tetiduno pepaekompoku.

2 KORINTI 1:12

Ndiomo anu kipo'undeako, onaemo nine i laro aroamami mesakosii ndi omami, nine tuwumami i wawontolino andio, tamoako a mpenggoeamami saru omiu, ipabawaio moleoa ka memporia inso ndi Ondae Ue Ala komba hangano ponto'ori ntolino, sine hangano rosono pompehohawa-Do Ue Ala.

2 KORINTI 2:17

Hangano nahi kimpengkena saru hadio mia susua anu mpo'ungke urado inso a mpau-Do Ue Ala. Tendeano ndi Ondae i Kerisituu kimempauo a menteeano saru luwuno tinoo anu molino a mpetena-Do Ue Ala ka i aro-Do.

2 KORINTI 6:3

Maupo a laro mongkona hapa nahi kimpompau pu'uno mia ka itetidu, ka si mansa tinata pompekakaakomami.

2 KORINTI 8:8

Kupauo mongkona atuu komba kana parenta, tendeano, mopokitao peteahakodo mia susua mpontulungi, aku kumitao menteeno pompehohawamiu.

GALATIA 5:11

Ka ongkue mbo'u andio, pepaekompo, tewala da kupaleleo petindi, tembioke ka kudabinobarasai mbo'u? Hangano tewala kanandio, keu pinotamba komba watu tetidua mbo'u.

EPESU 4:15

sine temoroso tompe'ini a menteea a laro pompehohawa ka tomentuwu a luwuakoano te'aro ndi Ondae, i Kerisituu, anu ondaemo Tadulako.

EPESU 5:10

ka impepenteeo hapa anu pinemoiko-Do i Ue.

EPESU 5:27

ka ikanandio bawaa Donaao i aro-Do ka imaramba nahina tataano ke tengkuru ke pengkenano, sine ka imempori bawaa ka nahina tataano.

EPESU 6:24

Pe'aroaa kumongkomi ira luwu mia anu mehohawaako ira pompehohawa anu nahi tampula Ondae Ueto i Yesu Kerisituu.

PILIPI 1:16

Ondae andio palele Ira i Kerisituu hangano pompehohawa, hangano domento'orio, nine kongko aku i ndi'ai kumorahakono Lele Mawongkoa,

PILIPI 1:6

Mongkona andio kupe'ala-alao ntu'u, onaemo Ondae, anu pu'uo anggaa anu moiko i olomiu, Ira motilaloakono hawe a pokotompaano a oleo-Do i Kerisituu Yesu.

PILIPI 2:16

saru mpe'ini a mpau tuwua, ka kupokompo'unde a oleo-Do i Kerisituu, nine komba nahina tuduno po'anggaku ka pe'iseiku.

1 TESALONIKA 3:13

Po'ineeomo ka Dopokomorosoakomiu aroamiu, ka si hina tataano ka mempori, i aro-Do Ue Ala ka Amato a tempo hawea-Do i Yesu, Ueto, saru luwuno mia mempori-Do.

1 TESALONIKA 5:21

Impepenteeomo luwuakoano ka ime'iniomo anu moiko.

1 TESALONIKA 5:23

Po'ineeomo Ondae Ue Alano rodoa mokomempori komiu luwu ka po'ineeomo penaa, sumanga ka koroimiu sompo itepekaria saru nahina tataano a hawe-Do i Yesu Kerisituu, Ueto.

Yosua 24:14

Gaagi kanandio, imedoitoako Iramo i Ue, ka impesombamo ndi Ondae ia memoleo ka petenunu. Ime'olaiakono luwuno pinesombaido ue mpu'umiu i asatowano koro Eparata ka Masiri, ka impesomba ndi Ondae i Ue.

1 YOHANE 4:1

Pepaekompo luwu-luwu anu kinekewoiku, si mpe'ala-alao sompo penaa, sine ime'arahako ira penaa atuudo, ke nte'inso koa ndi Ondae Ue Ala; hangano hadio ira nabi mpegaupi anu mpesabaako iramo ka domelako i asa wawontolino.

MENGKAAA 2:2

Kuto'orio luwuno inanggamu: moiko pe'iseimu maupo pompedatomu. Kuto'orio, nine nahi upokompeteao aroamu a mia anu me mosa'o, nine u'ara-arahako iramo mia anu mempauo koroido tinena, sine anu menteeano komba kanandio, nine uhawe iramo mpegaupi.