Nehemia 9:8 - Wunta Mempori

⁸ Ihaweo aroano metenunu ndi Omiu ka Komiu mowutu pedandia saru onae, Komiu weeako ira inuleno witado to kana'a, to Heti, to Amori, to Perisi, to Yebusi ka to Girigasi. Umariomo I'ihiio dandi-Miu, hangano mentee Komiu.

Nehemia 9:8 Iomraidhean Croise

Tegagia 12:7

Tempo atuu Ondae i Ue mepopokita ndi Burama ka Dopepau, ”Wita andio Aku weeako ira inulemu.” Ka i'amba i tu'ai iwanguo meda pontunua pesomba ndi Ondae i Ue anu mepopokita Iramo ndi onae.

Tegagia 15:6

I Burama me'ala-ala Ira i Ue ka Ondae i Ue mementeeo po'emano.

Tegagia 22:12

Ka Do'amba mepau, ”Si pepateo nana'ote atuu ka si poweweu hapa-hapa ndi onae, hangano kanandio-andio Kuto'oriomo nine omue doitoako Ira Ue Ala ka nahi nanta-nanta aroamu meweengakono anamu anu asa-asano atuu ndi Ongkue.”

2 Samueli 22:31

Ondae Ue Ala pelempa-Do tedoa moleo. Pau-Do i Ue atuu mempori. Ondae gagi kantado luwuno mia anu mpepekadudui ndi Ondae.

1 Tawarika 1:14

saru to Yebusi, to Amori, to Girigasi,

1 Tawarika 16:16

pedandia anu wineweu-Do saru i Burahima, ka sumpa-Do ndi Saki,

Esera 9:15

Oo Ue, Ue Alado to Isaraeli, Omiu tedoa mentee, hangano da ipo'inee kami mentuwu gagi mia tepotola, kana anu gagi kanandio-andio. Kitaomo, omami mpe'aro ndi Omiu saru sala mami, kahinaano a laro nteweweu kanandio nahina mia mokompentade i aro-Miu.”

Nehemia 9:33

Moleo Komiu a luwuakoano anu umalu kami. Menteano metenunu Komiu a wineweu-Miu ka omamimo anu mpoweweu hala.

Po'unde-unde 116:5

Ondae i Ue atuu mompehohawa ka moleo, Ondae Ue Alato me'aroa.

Peluarakoa 3:17

Gagi mepau Akumo: Aku tumaatekomiu mpeluarako inso a marasaiamiu i wita Masiri lumako a witado to Kana'a, to Heti, to Amori, to Perisi, to Hewi ka to Yebusi, ia asa wita anu tedoa hadio ntu'u susu ka siu hoani.

Peluarakoa 3:8

Onaemo ka Kupetii ta motola ira inso a ngkaedo to Masiri ka tumaate ira mpeluarako inso ia wita atuu lumako ia wita anu moiko ka malua, asa wita anu hadio ntu'u susu ka siu hoani, a mpo'iangado to Kana'a, to Heti, to Amori, to Perisi, to Hewi ka to Yebusi.

Yehesikieli 33:24

”Hei anano mia, mia anu mpo'ia a nterawoano andio, i wita Isaraeli, motae kanandio: I Burahima asa-asano koa tempono ihaweo wita andio gagi tiano. Ontae andio mehadio, manasa wita andio wineako gagi tiato.

Podoaa 13:29

To Amale mpo'ia i Wita Nege, to Heti, to Yebusi ka to Amori mpo'ia i mentorukuno, to Kana'a mpo'ia i asa ngkeu wiwi ntahi ka i asa ngkeu wiwi ngkoro Yarade.”

Podoaa 23:19

Ondae Ue Ala komba mia, ranta ka Dopegaupi ka komba anano mia, ranta ka Dope'o'ole. Nde Ira mepau ke ka nahi Doweweuo ke mepau ka nahi Do'ihiio?

WINEWEUDO TINENA 13:22

Mansano liniahako i Saulu, Dopotoroo Ue Ala i Daudi gagi mokoledo. Mongkona i Daudi Dopokomengkaaomo Ue Ala: Kuhaweomo i Daudi anano i Isai, asa mia anu ineheno aroa-Ku ka anu weweuo luwuno po'ehe-Ku.

Winali 26:3

Asalakono kau tepohaweakono sando mpesomba anu kongko i tempo atuu, kau potaekono, ”Oleo andio kupauo ndi Ondae i Ue, Ue Alamu, nine mewinso akumo i wita anu dinandi-Do i Ue saru sumpa ndi ondae uempu'uto Ira meweengakono ndi ontae.”

Winali 32:4

Ondaemo Torukuno Watu, sompo ntu'u inanggano kae-Do, moleo ntu'u luwuno sala-Do, Ondae Ue Ala anu metenunu, nahina makura-Do, moleo ka mentee Ira.

Winali 7:1

Ondae i Ue, Ue Alamiu, Ira wawa komiu a wita, ba isua impewinso kai mpetorokio, ka Ira sumaario inso i aromiu hadio tongku: to Heti, to Girigasi, to Amori, to Kana'a, to Peresi, to Hewi, ka to Yebusi, opitu tongku anu lalu hadio ka moroso irapo sekono omiu.

Winali 9:5

Komba hangano menteemiu ke moleono aroamiu impentorokio witado. Sine hangano koa mosa'ono gaudo tongku atuu ka Dosaari ira i Ue, Ue Alamiu inso i aromiu, ka Do'ihiio i Ue dandi-Do anu pinau-Do saru sumpa ndi ondae i Burahima, i Saki ka i Yako, uempu'umiu.

TITU 1:2

ka me'empehiako pomperorohia a ntuwua anu nahina tampulaano anu se'eluno pompu'uano tempo Dodandiomo Ue Ala anu nahi Dopegaupi,

IBARANI 11:17

Hangano pompe'ala-ala onaemo i Burahima tempono i inara-arahako, ipesombaakono i Saki. Onae, anu tumarimaomo dandi atuu, ipe'induakono mesombaakono anano anu asa-asa,

IBARANI 6:18

hangano orua mengkaaano anu nahi bali, mongkona isua Ondae Ue Ala nahi Ira megaupi, ontae anu mpo'ungke pepekaduduia, ka tompohawe pompokoroso mentehaweo pomperorohia anu mo'ia i aroto.

Yosua 11:23

Kanandiomo irontu ira luwu i Yosua wita atuu, kana pau-Do i Ue ndi Musa. Ka i Yosua meweengakono wita atuu ia nto Isaraeli gagi pusakado, montonda petiaado tongkudo. Rodoomo wita atuu, mpenaa-naa iramo mpetea.

Yosua 11:3

onaemo mokoledo to Kana'a ia sabaano oleo ka i sumooano oleo, to Amori, to Heti, to Perisi, to Yebusi a mentorukuno, ka to Hewi ia mpu'uno torukuno Heremoni, i wita Misipa.

Yosua 23:14

Nami tehine mbo'u aku lumempaio sala anu luwuakoano ta tampula. Onaemo ka intepidimo ia tompaano aroamiu ka tompaano sumangamiu nde inso a luwuno dandi anu moiko anu pinau-Do i Ue, Ue Alamiu, ndi omiu nahi ta hina mau te'asa anu ta tetadi. Luwuakoano inihii. Mau te'asa nahina anu ta tetadi

Yosua 9:1

Mansado merongeo mokole i sumooano oleo i asa towano koro Yarade, ia mentorukuno, ia pongkuno wita, ia tompaano wiwi ntahi langkai hawe i asa mbalino torukuno Libano, po'iangaado mokoledo to Heti, to Amori, to Kana'a, to Perisi, to Hewi ka to Yebusi,

1 YOHANE 1:9

Tewala tomemangakuakono halato, Ondae pine'ala-ala ka moleo Ira, onaemo ka Do'ampunio luwuno halato ka mokomempori kita inso a luwuno mosa'oa.