Nehemia 9:6 - Wunta Mempori

⁶ ”Butu Omiumo Ue! Ipokogagiomo langi, langi iwawono luwuno langi, saru luwuno sorodaduno, ka tolino saru luwuno anu kongko i wawono, ka tahi saru luwuno anu kongko i larono. Omiu anu motuwu ira luwuno atuu ka sorodaduno langi mesombai Komiu.

Nehemia 9:6 Iomraidhean Croise

Tegagia 1:1

Amba-ambano Ondae Ue Ala mokogagio langi ka tolino.

Tegagia 1:9

Mepau Iramo Ue Ala, ”Asalakono uwoi anu itotono langi tepumpu a asa po'ianga ranta tengkita anu motu'ia.” Ka gagiomo kanatuu.

Tegagia 2:1

Kanandiomo i pinoko'umari langi ka tolino saru luwuno ihino.

Tegagia 32:2

Tempono ikita ira i Yako, motaeomo, ”Ndio sorodadu-Do Ue Ala.” Ineeakono po'ianga atuu Mahanaimi.

1 Mokole 22:19

Motae i Mika, ”Onaemo pu'uno, irongeomo pau-Do i Ue. Kukita Iramo i Ue mentoro a wawo kadera poparentaa-Do ka luwuno sorodadu suruga mpentade umpeda ndi Ondae, i koana ka i manggali-Do.

1 Mokole 8:27

Sine menteeke Omiu Ue Ala Komiu mo'ia i wawontolino? Menteeano langi, tendeano maupo langi luwuno langi, nahi ta moko'ulaKomiu, tamoako lahi raha anu winanguku andio.

2 Mokole 19:15

I Hisikia mekakai i aro-Do i Ue, kanandio, ”Oo Ue, Ue Alado to Isaraeli anu mo'ia i wawono kerubi! Butu Omiumo isa'a Ue Alano luwuno poparentaa i tolino. Omiumo anu mokogagio langi ka tolino.

2 Mokole 19:19

Onaemo pu'uno, oo Ue, Ue Alamami, Ikadudui kamimo inso a ngkaeno ka domento'orio luwuno poparentaa i tolino nine butu Omiumo isa'a Ue Ala, oo Ue.”

Nehemia 9:5

Motaeomo i Yesua, i Kadimieli, i Bani, i Hasabineya, i Serebia, i Hodia, i Sebania ka i Petahia, luwuno to Lewi atuu, ”Impewangumo, unde-unde Iramo Ue Alamiu, inso i ndi'ipua hawe nahina tampulaano. Inunde-undeomo nee-Miu anu maramba, anu pinelangkai wawoio luwuno po'unde-unde ka pompelangkai!”

Po'unde-unde 102:25

Kupotae, ”Oo Ue Alaku, si alao penaaku a entongano tinuwuku! Luwuno ta'u-Miu kongko mpiha mapa'api-api inule!”

Po'unde-unde 103:21

Unde-unde Iramo i Ue, hei luwuno sorodadu-Do, hei luwuno puu pompekakaako-Do anu weweuo po'ehe-Do.

Po'unde-unde 115:15

Po'ineeomo ka Doronso komiu i Ue, anu mokogagio langi ka tolino.

Po'unde-unde 124:8

Pontulungito a nee-Do i Ue, anu mokogagio langi ka tolino.

Po'unde-unde 146:6

Ondae anu mokogagio langi ka tolino, tahi ka luwuno ihino; anu nahi bali petenunu-Do ranta nahina tampulaano,

Po'unde-unde 24:10

”Isemake Ondae, Mokole Marambaa atuu?” ”Ondae Ueno luwuakoano, Ondaemo Mokole Marambaa!” Sela

Po'unde-unde 33:6

Hangano pau-Do i Ue langi pinokogagiomo, hangano penaano nganga-Do luwuno sorodaduno.

Po'unde-unde 36:6

Oo Ue, pompehohawa-Miu i langi, pokongkomi-Miu hawe a nseru.

Po'unde-unde 86:10

Hangano langkai Komiu ka weweu ira anu mengkinohali-haliako, butu koa Omiu Ue Ala.

Yesaya 37:16

”OoUeno luwuakoano, Ue Alado to Isaraeli anu mo'ia a wawo kerubi! Butu koa Omiu Ue Alano luwuno poparentaa i tolino. Omiumo anu mokogagio langi ka tolino.

Yesaya 37:20

Onaemo pu'uno, oo Ue, Ue Alamami, Ikadudui kamimo inso a ngkaeno, kai to'orio luwuno poparentaa i tolino nine butu koa Omiu Ue.”

Yesaya 43:10

”Omiumo sakosii-Ku,” kanandiomo pau-Do i Ue, ”ka tetenaa-Ku anu Kubinikiomo, ka imento'orio ka mpompe'ala-ala ndi Ongkue ka mpokonto'orio nine Ongkuemo Ondae. Se'eluno Ongkue nahina pinesombai wineweu, ka umarino Ongkue nahina mbo'u.

Yesaya 44:6

Kanandiomo pau-Do i Ue, Mokole ka Puu pontolosino Isaraeli, Ueno luwuakoano, ”Ongkuemo anu tese'elu ka Ongkuemo anu telembui; nahina pinesombai sangkadio Ongkue.

Yesaya 44:8

Siimo pondende ka siimo doito! Kombake inso i ndi'ipua Kupaleleomo ka Kupauomo mongkona atuu ndi omiu. Omiumo sakosii-Ku! Hinaoke pinesombai sangkadio Ongkue? Nahina Torukuno Watu anu susua, nahina anu tino'ori-Ku!”

Yesaya 45:12

Ongkuemo anu mokogagio tolino ka anu mokogagi ira mia i wawono; kae-Kumo anu wileo langi, ka Ongkuemo anu parenta ira luwuno sorodaduno.

Yeremia 32:17

Oo, Ue Ala! Menteeano, Saru roso-Miu anu langkai ka tokia anu tererendu Ipokogagiomo langi ka tolino. Nahina maupo te'asa anu nahi Ipolio!

Yehesikieli 20:11

Kuweeako ira luwuno pompakosi-Ku ka pauako ira luwuno atora-Ku, hangano mia anu weweuo, ta tuwu.

Yunu 1:9

Sangkino ndi ondae, ”Ongkue to Ibarani, kudoitoako Ira Ue, Ue Alano asa wawolangi anu mokogagio tahi molue ka wawo wita.”

I YOHANE 10:30

Ongkue ka Ondae i Ama aasa koa.”

WINEWEUDO TINENA 4:24

Tempono domerongeo wali-walido mongkona atuu, mpebooli iramo mperonga-ronga ndi Ondae Ue Ala, dompotae, ”Oo Ue, Omiumo anu mokogagio langi ka tolino, tahi ka luwuno ihino.

Winali 10:14

Menteeano Ondae i Ue, Ue Alamiu anu me'ueo langi, tendeano langi anu i wawoio luwuno langi, ka tolino saru luwuno ihino.

Winali 32:39

Imengkitaomo kanandio-andio, nine Ongkue, Ongkuemo Ue. Nahina Ue Ala sangkadio Ongkue. Ongkuemo anu mompepate ka mompotuwu, Ongkuemo anu mobelai ka Ongkuemo anu mokotompa, nahina anu mokompotolao inso a ngkae-Ku.

Winali 6:4

Imerongeomo, hei to Isaraeli: Ondaemo i Ue, Ue Alato, Ondae i Ue atuu aasa!

IBARANI 1:3

Ondaemo wantano maramba-Do Ue Ala ka gambara tade-Do Ue Ala ka luwuakoano pinokorosoako pau-Do anu bukeako pabawa. Ka mansa-Do umari moweweu pompokomemporia inso a hala, mentoro Ira i koana-Do Anu Tedoa Langkai, a mpo'ianga anu mantande,

IBARANI 1:6

Ka tempono Dowawao mbo'u Ana-Do anu amba-ambano i wawontolino, mepau Ira, ”Luwuno mala'eka-Do Ue Ala asalakono mpesombai Ira.”

MENGKAAA 14:7

ka ipebooli saru suara meroku, ”Imedoitoako Iramo Ue Ala ka ipelangkai Iramo, hangano haweomo tempo pobitaraa-Do, ka impesombai Iramo anu mokogagio langi ka tolino ka tahi ka luwuno mata uwoi.”

MENGKAAA 4:11

”Oo Ue ka Ue Alamami, Omiu tekona tumarimao po'unde-unde ka pompelangkai ka pabawa; hangano Ipokogagiomo luwuakoano; ka hangano po'ehe-Miu luwuno atuu hinao ka pinokogagi.”