Nehemia 9:5 - Wunta Mempori

⁵ Motaeomo i Yesua, i Kadimieli, i Bani, i Hasabineya, i Serebia, i Hodia, i Sebania ka i Petahia, luwuno to Lewi atuu, ”Impewangumo, unde-unde Iramo Ue Alamiu, inso i ndi'ipua hawe nahina tampulaano. Inunde-undeomo nee-Miu anu maramba, anu pinelangkai wawoio luwuno po'unde-unde ka pompelangkai!”

Nehemia 9:5 Iomraidhean Croise

1 Mokole 8:14

Ka do'amba mokole mewolili me'aro a luwudo bawaa Isaraeli anu kontongaado mpentade ka i ronso ira.

1 Mokole 8:15

Ipotae, ”Unde-unde Ira i Ue, Ue Alado to Isaraeli, anu Doweweuakonomo kae-Do pau anu Dopohaweakonomo wiwi-Do ndi Daudi, amaku, kanandio:

1 Mokole 8:22

Ka i'amba mentadeomo i Salomo i arono meda pontunua pesomba ndi Ondae i Ue i arodo luwuno bawaa Isaraeli, ka itaangakono kaeno kontahane i langi,

1 Mokole 8:27

Sine menteeke Omiu Ue Ala Komiu mo'ia i wawontolino? Menteeano langi, tendeano maupo langi luwuno langi, nahi ta moko'ulaKomiu, tamoako lahi raha anu winanguku andio.

1 Tawarika 16:36

Inunde-unde Iramo i Ue, Ue Alado i Isaraeli, inso i ndi'ipua hawe nahina tampulaano. Ka i'amba luwuno bawaa mpotae, ”Ami! Unde-unde Iramo i Ue!”

1 Tawarika 29:11

Oo Ue, Omiumo me'ueo langkaino potoro ka pompoli, pompelangkai ka telelea ka marambaa, oo, luwuakoano anu kongko i langi ka i tolino! Oo Ue, Omiumo me'ueo poparentaa ka Omiu anu lalu mantande gagi petewawa lumaloio luwuakoano.

1 Tawarika 29:13

Kanandio-andio, oo Ue Alamami, mpontarimakasi kami ndi Omiu ka me'unde-undeo nee-Miu anu langkai.

1 Tawarika 29:20

Ka i'amba mepauomo i Daudi a luwuno bawaa atuu, ”Unde-unde Iramo i Ue, Ue Alamiu!” Luwuno mbo'u bawaa umunde-unde Ira i Ue, Ue Alano uempu'udo. Mpenggolontu ira ka mpesomba ndi Ondae i Ue ka ndi mokole.

2 Tawarika 20:13

Kontongaano atuu luwuno to Yehuda mpentade i aro-Do i Ue, ka luwuno pe'etudo saru kombiado ka luwuno anado.

2 Tawarika 20:19

Ka i'amba to Lewi inso a inuleno i Keha ka inuleno i Kora mpentade ka dompenaniako penani umunde-unde Ira i Ue, Ue Alano i Isaraeli saru mpenani tedoa meroku.

Esera 3:11

Ondae mpesangki-sangki mpenaniako penani po'unde-unde ka mawongko ndi Ondae i Ue, ”Hangano moiko Ira! Menteeano pompehohawa-Do a nto Isaraeli ranta nahina tampulaano!” Luwuno bawaa mpeboo-booli meroku umunde-unde Ira i Ue, hangano pondasino Raha-Do i Ue, wineweuomo.

Nehemia 9:4

I Yesua, i Bani, i Kadimieli, i Sebania, i Buni, i Serebia, i Bani ka i Kenani mentade i wawono ensa po'iangado luwuno to Lewi. Ka dompebooli meroku ndi Ondae i Ue, Ue Alado.

Nehemia 9:6

”Butu Omiumo Ue! Ipokogagiomo langi, langi iwawono luwuno langi, saru luwuno sorodaduno, ka tolino saru luwuno anu kongko i wawono, ka tahi saru luwuno anu kongko i larono. Omiu anu motuwu ira luwuno atuu ka sorodaduno langi mesombai Komiu.

Ayubi 1:21

Ipotae, ”Kupeluarako kolambe-lambe inso a mpe'anakaano ineku, kolambe-lambe mbo'u kupekule i larono. Ondae i Ue anu mompowee, Ondae i Ue anu umalao, inunde-undeomo nee-Do i Ue!”

Po'unde-unde 106:2

Isemake anu polio pauo moroso-Do i Ue, moporongeo luwuno po'unde-unde ndi Ondae?

Po'unde-unde 134:1

Penani mekoho. Aiwa, unde-unde Iramo i Ue, hei luwuno tetenaa-Do i Ue, anu mpopekakaako a Raha-Do i Ue i tempono wongi.

Po'unde-unde 145:2

Sompo oleo aku umunde-unde Komiu, ka melangkaio mpiha nee-Miu ranta nahina tampulaano.

Po'unde-unde 145:5

Maramba-Miu anu langkai ta mewanta ka luwuno wineweu-Miu anu kinohali-haliako aku menaniakono.

Po'unde-unde 146:2

Akumo melangkai Ira i Ue asa ntinuwuku, ka menani umunde-unde Ira Ue Alaku tempono da kongko aku.

Po'unde-unde 16:2

Mepau aku ndi Ondae i Ue, ”Omiumo Ueku; Omiumo me'uraaku, nahina anu lumaloi Komiu!”

Po'unde-unde 66:2

penanimo unde-undeo marambano nee-Do, pelangkaiako Iramo po'unde-unde!

Po'unde-unde 99:3

Po'ineeomo dome'unde-undeo nee-Miu anu langkai ka mongkokongiri; Ondaemo anu mempori!

Peluarakoa 15:11

Isema kana Omiu i olodo pinesombai susua, O Ue? Isema kana Omiu, maramba a laro mempori-Miu, ntengiri hangano wineweu-Miu tepalele, anu moweweu kinohali-haliako?

Peluarakoa 15:6

Kae ngkoana Miu, Ue, maramba a laro mpabawa Miu. Kae ngkoana Miu, Ue, mokoropuo iwali.

Danieli 2:20

Motaeomo i Danieli, ”Inunde-undeomo nee-Do Ue Ala inso nahina tampulaano hawe nahina tampulaano, hangano inso ndi Ondae ponto'ori ka roso!

I MATIU 11:25

I tempo atuu mepau Iramo i Yesu, ”Ku'unde-unde Komiu, Ama, Ueno langi ka tolino, hangano luwuno atuu Iwuniako ira mia mpande mposongka ka mia mempande, sine Ipokomengkaao a mia kodei.

2 KORINTI 4:6

Hangano Ondae Ue Ala anu mepau Iramo, ”Inso a laro wongi-wongi ta saaba mewine!”, Ondae koa mbo'u anu weweuo mewine-Do ka imewanta i laro aroato, ka tompohawe mewine inso a ponto'ori mongkona maramba-Do Ue Ala anu tengkita a rupa-Do i Kerisituu.

Winali 28:58

Tewala nahi mpetenunu meweweuo luwuno pauno songka Taura anu binuri a laro wunta andio, ka nahi medoitoakono Nee anu maramba ka mongkokongiri andio, ndi Ondae i Ue, Ue Alamiu,

1 PETURU 1:3

Inunde-unde Iramo Ue Ala ka Ama Ueto i Yesu Kerisituu, anu hangano pompehohawa-Do anu langkai wali Iramo me'anaakita a mpewangu-Do inso i olodo mia mate, a aasa tuwua anu buke pomperorohia,

Puu Mpobitara 13:18

Sine sumangki Mala'eka-Do i Ue atuu ndi onae, ”Tembio kau pesikenoakono nee-Ku? Nee atuu tedoa kinohali-haliako.”