Nehemia 9:34 - Wunta Mempori

³⁴ Luwuno mokole ka petewawamami, luwuno sando mpesomba saru uempu'umami nahi domeweweuo songka-Miu. Nahi domperioo luwuno parenta-Miu ka luwuno pepopoto'ori-Miu anu Iweeako ira.

Nehemia 9:34 Iomraidhean Croise

2 Mokole 17:13

Dopopoto'oriako Iramo i Ue to Isaraeli ka to Yehuda molalo luwuno nabi ka luwuno puu mpongkita, ”Impepokulemo inso a luwuno salamiu anu mosa'o ka impekariaomo luwuno parenta ka pompakosi-Ku, menunu saru luwuno songka anu Kuparentaako iramo uempu'umiu ka anu Kupohaweako iramo molalo luwuno tetenaa-Ku, luwuno nabi.”

2 Mokole 17:15

Nahi domentarimao pompakosi ka pedandia-Do anu Dowutuomo saru uempu'udo, saru luwuno atora-Do anu Dopopoto'oriako iramo. Mpetonda ira a anu pinesombai susua anu nahina pengkonaano; mpelelu ira nahina pengkonaano tumondao luwuno tongku petengi-tengido, maupo Doparenta iramo i Ue kasi dompoweweu kanatuu.

2 Tawarika 29:6

Hangano ondae uempu'uto nahi dompetenunu. Mpoweweu ira anu mosa'o a pongkita-Do i Ue, Ue Alato, ka binta Ira. Domewolilio rupado inso a mpo'ianga-Do i Ue ka mpebungkui Ira.

Esera 9:10

Kanandio-andio, oo Ue Ala mami, hapa kami mpotae umarino luwuno atuu? Kimebintaomo parenta-Miu,

Nehemia 9:30

Sine, mapata'u-ta'u mauru Komiu ndi ondae. Penaa-Miu mopoto'oriako ira molalo luwuno nabi-Miu, sine nahi domperioo, ranta ka Ipeweengako ira a ngkaedo luwu tongku i asa wawontolino.

Nehemia 9:33

Moleo Komiu a luwuakoano anu umalu kami. Menteano metenunu Komiu a wineweu-Miu ka omamimo anu mpoweweu hala.

Nehemia 9:35

A mpotorodo gagi mokole, nahi dompesomba ndi Omiu, maupo Ipoweeako iramo hadio moikoa ka mompatindaako ira wita anu molue ka mewalo. Nahi dontepidi inso a luwuno wineweudo anu mosa'o.

Yeremia 29:19

Hangano, nahi domperorongeakono pau-Ku, kanandiomo pau-Do i Ue, anu Kupohaweomo ndi ondae nahi otu-otu telalo a luwuno tetenaa-Ku, onaemo luwuno nabi. Sine nahi imperorongeakono, kanandiomo pau-Do i Ue.

Yeremia 44:17

Sine, kami meweweuo mpiha luwuno anu pinaumami: mpontunu pesomba a mpinesombai beine i suruga ka mpompesombaako pesomba tinawa ndi onae kana anu kimeweweuomo, omami ka uempu'umami, luwuno mokolemami ka luwuno mia pinemota'umami a luwuno kotano Yehuda ka a luwuno sala i Yerusale. I tempo atuu hadio kaangamami, meme'ura ka nahi kipompemarasai.

Yeremia 44:4

Nahi otu-otu Kutena ira ndi omiu luwuno tetenaa-Ku, luwuno nabi, ka domempauo: Si mpoweweu anu mokoburu anu Ku'o'aliaakono andio!

Yehesikieli 5:6

Onae umewaomo a luwuno atora-Ku mosa'oopo wineweuno sekonopo luwuno tongku ka a luwuno pompakosi-Ku mosa'oopo wineweuno sekonopo luwuno wita pehori-horino. Menteeano, nahi domentarimao luwuno atora-Ku ka peleludo nahi penunu saru luwuno pompakosi-Ku.

Danieli 9:6

Nahi kimperorongeako ira tetenaa-Miu, luwuno nabi, anu mpepau iramo a nee-Miu a luwuno mokolemami, a luwuno petewawamami, ndi ondae amamami ka a luwuno palili.

Winali 31:21

Tewala i alu ira hadio masolaa saru masusaa, asalakono penani andio ta gagi sakosii ndi ondae, hangano penani andio ta metako mpiha a wiwino inuledo. Menteeano Kuto'orio tinoodo oleo andio, se'elubi napi Kuwawa ira i wita anu Kudandiao sumpa ndi ondae.”