Nehemia 9:32 - Wunta Mempori

³² Kanandio-andio, oo Ue Alamami, Ue Ala anu tedoa langkai, moroso ka mongkokongiri, anu me'ini a mpedandia ka metenunu mompehohawa, Ikitaomo luwuno masusaa anu pinembasaimami, luwuno mokole ka petewawamami, luwuno sando mpesomba ka nabimami, saru uempu'umami, luwuno bawaa-Miu, mompu'u tempo luwuno mokole i Asuri hawe oleo andio.

Nehemia 9:32 Iomraidhean Croise

1 Mokole 8:23

ka ipotae, ”Oo Ue, Ue Alado to Isaraeli! Nahina Ue Ala kana Omiu, moiko i langi anu i wawono maupo i tolino anu i totono. Omiu anu mekariao pedandia ka pompehohawa a luwuno tetenaa-Miu anu tuwu tompaano aroano i aro-Miu.

2 Mokole 15:19

I Puli mokole i Asuri, hawe sumapoio wita atuu. Ka i'amba i Menahemi moweeakono i Puli asa nsowu talenta salaka, kai pokowalio mokorosoo poparentaa atuu a ngkaeno.

2 Mokole 15:29

I tempo poparentaano i Pekahi mokole i Isaraeli, haweomo i Tigalati-Pileseri mokole i Asuri mongko'alao Iyoni, Abeli-Beti-Ma'aka, Yanoahi, Kedesi ka Hasori, Gileadi ka Galilea saru luwuno wita Napatali. Ka i'amba wawa ira palilino a pontadia i Asuri.

2 Mokole 17:23

ranta ka Doropu ira i Ue to Isaraeli inso i aro-Do kana anu Dopauomo molalo luwuno tetenaa-Do, luwuno nabi. To Isaraeli mewinawa inso i witado a pontadia i Asuri. Kanandiomo hawe oleo andio.

2 Mokole 17:3

I Salamaneseri, mokoledo to Asuri lumako umewaio. I Hosea gagi atano ka mo'owahi peki'ue ndi onae.

2 Mokole 17:6

Ia ta'u ko'osio poparentaano i Hosea, mokoledo to Asuri mongko'alao Samaria ka wawa ira to Isaraeli a pontadia i Asuri. Ipoweeako ira po'ianga i Halahi i wiwi ngkoro Habori i Gosani, ka a luwuno kotado to Madai.

2 Mokole 23:29

I tempo poparentaano, lumakoomo i Pirao Neko, mokoledo to Masiri umewaio mokoledo to Asuri i wiwi ngkoro Eparata. Mokole Yosia lumako umaropio, sine mansano kumitao, i Pirao tumangkarako mepateo i kota Migido.

2 Mokole 25:7

Luwuno anano i Sedekia sinumbele i arono matano onaeno, ka i'amba matano i Sedekia pinokomorawu. Onae pinonguako rante mala ka winawa i Babeli.

Esera 4:10

ka luwuno tongku susua, anu linimbano i Asinapari mia langkai pabawano ka maramba atuu, ka itena ira mpo'ia i kota Samaria ka i wita susua i sumooano oleo Koro Eparata.

Esera 4:2

Onaemo ka domelako ntepohaweakono i Serubabeli saru luwuno petewawa suku, dompotaeako ira, ”Po'ineeomo ka kimpokowali komiu mpowangu, hangano omami mbo'u mpesomba ndi Ondae Ue Alamiu kana omiu. Omami mbo'u wela mpopesombaako pesomba ndi Ondae, mompu'u i tempo poparentaano i Esari-Hadoni, mokoledo to Asuri, anu lumimba kami i ndi'ai.”

Esera 9:13

Unarino luwuno anu pinembasai mami hangano wineweu mami anu mosa'o ka sala mami anu langkai, Omiu, oo Ue Ala mami, nahi pohuku menunu saru hala mami, tendeano ka Ipowee kami pompehohawa ka Ikadudui kami luwuno mia andio,

Nehemia 1:5

Kupotae, ”Oo Ue, Ue Alano asa wawo langi, Ue Ala langkai pabawa-Do ka mongkokongiri, anu me'ini a mpedandia ka pompehohawa-Do a mia anu mehohawa Ira ka tumondao luwuno parenta-Do,

Po'unde-unde 47:2

Hei luwuno tongku, pontopamo, totowo Iramo Ue Ala saru pebooli mawongko!

Po'unde-unde 66:3

Pepaumo ndi Ondae Ue Ala, ”Tedoa mongkokongiri luwuno wineweu-Miu; hangano pabawa-Miu anu tedoa langkai luwuno iwali-Miu mpetuundu ndi Omiu.

Po'unde-unde 66:5

Lakomo ka kitaomo wineweu-Do Ue Ala; Ondae mongkokongiri a laro wineweu-Do a mia:

Peluarakoa 18:8

Umarino atuu, i Musa tumutuluakono ponino luwuakoano anu wineweu-Do i Ue ndi Pirao ka a nto Masiri hangano to Isaraeli, kanatuu koa mbo'u luwuno masusaa anu pinembasaido to Isaraeli a nsala ka ba kana'umpe Ondae i Ue kumadudui ira.

Yesaya 9:6

Langkai pabawano, ka rodoa nahi ta hina otuano a wawo ngkadera poparentaano i Daudi ka a laro poparentaano, hangano i'empehiakono ka mokorosoakono moleoa ka menteea mompu'u kanandio-andio ranta nahina tampulaano. Rosono pongkekewoi-Do Ueno luwuakoano Ira weweuo mongkona andio.

Danieli 9:4

Ku'emao ndi Ondae Ue Alaku, ka mangakuakono halaku, kanandio, ”Oo Ue, Ue Ala anu tedoa langkai ka mongkokongiri, anu uminio Pedandia, pe'aroa ka pompehohawa ndi ondae anu mehohawa Komiu saru me'ini a parenta-Miu!

Danieli 9:6

Nahi kimperorongeako ira tetenaa-Miu, luwuno nabi, anu mpepau iramo a nee-Miu a luwuno mokolemami, a luwuno petewawamami, ndi ondae amamami ka a luwuno palili.

Danieli 9:8

Oo Ue, omami, luwuno mokolemami, luwuno petewawamami ka ondae amamami tekonaomo kimemokoko'ii, hangano mpoweweu kamimo hala ndi Omiu.

Imama 26:18

Ka tewala omiu maupo a laro nteweweu anu kanandio nahi meronge Aku, manasa ta lansaraopo Kusepi komiu hawe meluka pepintu hangano halamiu,

Imama 26:21

Tewala tumuwumu kongko umewai Aku, ka nahi behe meronge Aku, manasa Kutiangio pohuku-Ku ndi omiu hawe meluka pepintu menunu saru halamiu.

Imama 26:24

manasa Ongkue mbo'u umewai komiu ka Ongkue-Ku humuku komiu meluka pepintu hangano halamiu,

Imama 26:28

manasa Ongkue mbo'u ta lansara umewai komiu ka Ongkue-Ku humuku komiu meluka pepintu hangano halamiu.

Winali 7:12

Tewala imerongeo luwuno atora atuu, impe'ini ndi onae, ka imeweweuo, gagi ndi omiu, Ondae i Ue, Ue Alamiu, Ira me'ini a mpedandia ka pompehohawa anu pinau-Do saru sumpa ndi ondae uempu'umiu.

Winali 7:13

Ira mehohawa komiu, rumonso komiu, ka mokohadio komiu. Ira rumonsoo inulemiu ka hasilino witamiu, gandu ka anggoro saru lanamiu, ana nsapimiu, ka asa bawaa ana bembe bimbamiu, i wita anu dinandi-Do saru sumpa ndi ondae uempu'umiu Ira weeakomiu.

Winali 7:21

Siimo udoitoako ira, nde Ondae i Ue, Ue Alamu, kongko itonga-tonga miu, Ue Ala anu langkai ka mongkokongiri.

Winali 7:9

Onaemo pu'uno asalakono kai mento'orio, nine Ondae i Ue, Ue Alamiu, Ondaemo Ue Ala, Ue Ala anu metenunu, anu me'ini a mpedandia ka pompehohawa a mia anu mehohawa Ira ka uminio parenta-Do, hawe asa nsowu inule.