Nehemia 9:31 - Wunta Mempori

³¹ Sine hangano pompehohawa-Miu anu langkai, nahi ropu ira ka nahi binta ira. Menteeano Omiumo Ue Ala anu puu pompehohawa.

Nehemia 9:31 Iomraidhean Croise

2 Mokole 13:23

Sine Ondae i Ue tedoa mehohawa ira. Mewolili Ira ndi ondae hangano pedandia-Do saru i Burahima, i Saki ka i Yako. Nahi Do'eheakono rumopu ira ka tumadi ira inso i aro-Do ranta kanandio-andio.

2 Tawarika 30:9

Menteeano, tewala mpekule komiu ndi Ondae i Ue, luwuno pepaekompomiu ka luwuno anamiu ira mpohawe pompehohawa inso a luwuno mia anu tumawa ira, ranta ka dompekule i wita andio. Hangano Ondae i Ue, Ue Alamiu, anu puu mpompehohawa. Nahi Ira wolilio rupa-Do inso ndi omiu, tewala mpepokule komiu ndi Ondae!”

Nehemia 9:17

Nahi dobehe mentondao parenta-Miu ka nahi dompewowoloo wineweu anu kinohali-haliako anu umariomo Iweweuo i olodo. Memotea ulu ira tendeano mpedada ira mpekule a ntepe'ataa i Masiri. Sine Omiumo Ue Ala anu mo'ampuni, mompehohawa, sabara, ka nahi otu-otu pompehohawa-Do. Nahi hori binta ira.

Nehemia 9:19

nahi Ibinta ira i pada one, hangano pompehohawa-Miu anu langkai. Seru-Miu nahi pelimba inso i wawodo tempono meene anu wawa ira a mpelempaa, kanatuu koa mbo'u api-Miu tempono wongi anu wantahio sala anu linalodo.

Yesaya 48:9

Hangano nee-Ku Ku'ontoo tekuda-Ku ka hangano telele-Ku Kupehohawako, onaemo ka nahi Kupokotampulako.

Yeremia 4:27

Hangano kanandiomo pau-Do i Ue, ”Luwuno wita andio ta gagi boni-boni, sine nahi Aku weweuo ka ipingko luwu.

Yeremia 5:10

Pewuatakomo a lere anggorono anu mpo'ensa-ensa, solangiomo, sine si pokopingkoo luwu. Tadi iramo sampano keu anggorono, hangano luwuno atuu komba keu anggoro-Do i Ue!

Yeremia 5:18

”Sine, i tempo mbo'u atuu, kanandiomo pau-Do i Ue, nahi Aku weweuo ka imepingko luwu.

Ponsabangi 3:22

Menteeano nahi otu-otu pompehohawa-Do i Ue pompowee-Do nahi hori pingko,

Danieli 9:9

Ndi Ondae i Ue, Ue Alamami, hinao pompehohawa ka po'oninia hala, maupo me'ewa kamimo ndi Ondae,

Winali 4:31

Hangano Ondae i Ue, Ue Alamiu, Ondaemo Ue Ala puu Pompehohawa. Nahi Ira binta komiuke rumopu komiu; Nahi Ira kumolupeo pedandia anu pinau-Do saru sumpa ndi ondae uempu'umiu.