Nehemia 9:29 - Wunta Mempori

²⁹ Ipopoto'oriako ira kadompepokule a songka-Miu, sine mpompelangka-langkai ira ka nahi dobehe mentondao luwuno parenta-Miu saru me'ewaio luwuno atora-Miu anu moweeako ira tuwua a mia anu weweuo. Domentandeo oweado nahi domebehe, memotea ulu ira ka nahi dobehe merongeo.

Nehemia 9:29 Iomraidhean Croise

2 Mokole 17:13

Dopopoto'oriako Iramo i Ue to Isaraeli ka to Yehuda molalo luwuno nabi ka luwuno puu mpongkita, ”Impepokulemo inso a luwuno salamiu anu mosa'o ka impekariaomo luwuno parenta ka pompakosi-Ku, menunu saru luwuno songka anu Kuparentaako iramo uempu'umiu ka anu Kupohaweako iramo molalo luwuno tetenaa-Ku, luwuno nabi.”

2 Mokole 17:14

Sine nahi dobehe pomperorongeako, mpe'ulu watu ira kana uempu'udo anu nahi dompe'ala-ala Ira i Ue, Ue Alado.

2 Tawarika 24:19

Ondae i Ue tumena ira nabi ndi ondae, ka dompepokule ndi Ondae. Luwuno nabi atuu mentee ntu'u dompopoto'oriako ira, sine nahi domebehe mperorongeakono.

2 Tawarika 33:10

Mepau Ira i Ue ndi Manase ka a mpalilino, sine nahi domperioo.

2 Tawarika 36:15

Sine Ondae i Ue, Ue Alano uempu'udo, mararu Dope'oliwi molalo luwuno tinena-Do, hangano Dopehohawa ira bawaa-Do ka po'ianga-Do.

Nehemia 13:15

I tempo atuu kukitao i Yehuda mia mpolanda anggoro a oleo Saba ka mia mpowawa gandu tine'u, anggoro, wua anggoro, wua ara ka dome'ulao a ngkalide saru mperupa-rupa inula anu winawa i Yerusale ia oleo Saba. Kupopoto'oriako ira tempono dompo'asa kaanga.

Nehemia 9:10

Ipopokitaomo luwuno petondoni ka luwuno anu kinohali-haliako i arono i Pirao ka luwuno pegawaino saru luwuno palili i witano, hangano Omiu tumo'orio pompelangka-langkaido ndi ondae uempu'umami. Kanandiomo Iweweuo nee-Miu telele kana anu mengkaa oleo andio.

Nehemia 9:16

Sine ondae, uempu'umami atuu mpompelangka-langkai, memotea ulu, ka nahi domentondao luwuno parenta-Miu.

Nehemia 9:26

Sine dome'ewaio parenta-Miu ka me'ewai Komiu. Dompebungkuio songka-Miu ka mpepate ira nabi-Miu anu mopoto'oriako ira kadompepokule ndi Omiu. Mpoweweu ira anu tedoa mosa'o.

Nehemia 9:30

Sine, mapata'u-ta'u mauru Komiu ndi ondae. Penaa-Miu mopoto'oriako ira molalo luwuno nabi-Miu, sine nahi domperioo, ranta ka Ipeweengako ira a ngkaedo luwu tongku i asa wawontolino.

Peluarakoa 10:3

Lumako iramo i Musa ka i Haruni me'aro ndi Pirao ka dopotae ndi onae, ”Kanandiomo pau-Do i Ue, Ue Alado to Ibarani: Da tehine ke, ka u'amba me'urumako i aro-Ku? Potola iramo bawaa-Ku ka domelako mpesomba ndi Ongkue.

Yeremia 17:23

Sine nahi domebehe mperorongeakono ka nahi domebehe menta'oo birido, memotea ulu ira, nahi domebehe merongeo ka nahi domebehe mpontarima pongkuahako.

Yeremia 19:15

”Kanandiomo pau-Do Ueno luwuakoano, Ue Alado to Isaraeli: Menteeano, Aku motiio a ngkota andio ka luwuno kota kodeino, luwuno masolaa anu Kupauomo ta umalu ira. Hangano, ondae memotea ulu ka nahi domperorongeakono luwuno pau-Ku.”

Yeremia 42:19

Ondae i Ue mepau Iramo ndi omiu, hei to Yehuda anu da mentuwu: Si melako i Masiri! Impenootio tementee, nine kupopoto'oriakomiu a oleo andio!

Yeremia 43:2

motaeomo i Asaria anano i Hosaia ka i Yohanani anano i Kareahi saru luwuno mia mpompelangka-langkai atuu ndi Yeremia, ”Omue megaupi! Ondae i Ue, Ue Alato nahi Dotenako ka upauo, ’Si melako i Masiri ka impo'ia gagi mia hawe i ra'ai.’

Yeremia 44:10

Nahi dompe'urumako hawe oleo andio. Nahi domedoito ka nahi domentondao songka-Ku saru pompakosi-Ku anu Kuweeakomiumo ka ndi uempu'umiu.

Yeremia 7:26

Sine, nahi domebehe mperorongea-Kune ke mpo'aroo birido. Tendeano motea palowe'udo, mpoweweu lalu mosa'o sekonopo uempu'udo.

Yehesikieli 20:11

Kuweeako ira luwuno pompakosi-Ku ka pauako ira luwuno atora-Ku, hangano mia anu weweuo, ta tuwu.

Danieli 5:20

Sine, tempono igagi mompelangka-langkai ka motea ulu ranta ka ipelelu tedoa mompelangka-langkai, onae dinontai inso a ngkadera poparentaano ka marambano inala inso ndi onae.

Hosea 6:5

Onaemo pu'uno Aku puro-puro ira molalo luwuno nabi, Aku mepateako ira pau a nganga-Ku, ka songka-Ku meluarako kana mewine.

Imama 18:5

Mentee ntu'u omiu asalakono mpe'ini a pompakosi-Ku ka atora-Ku. Mia anu weweuo ta tuwu hangano onae. Ongkuemo Ue.

I MATIU 19:17

Sumangki Ira i Yesu, ”Hapake pu'uno ka upesikeno ndi Ongkue mongkona hapa anu moiko? Aasa koa anu moiko. Sine tewala inehemu mewinso a ntuwua, tondaomo luwuno parenta-Do Ue Ala.”

I LUKASI 10:28

Dopotaeakono i Yesu, ”Sangkimu atuu mentee, weweuomo kanatuu, asalakono kotuwu.”

ROMA 10:5

Nde iburio i Musa mongkona menteea hangano songka Taura, ”Mia anu meleluakono, ta tuwuako onae.”

GALATIA 3:12

Sine empehino songka Taura komba pompe'ala-ala, tendeano isema anu weweuo, ta tuwu hangano onae.

Winali 31:21

Tewala i alu ira hadio masolaa saru masusaa, asalakono penani andio ta gagi sakosii ndi ondae, hangano penani andio ta metako mpiha a wiwino inuledo. Menteeano Kuto'orio tinoodo oleo andio, se'elubi napi Kuwawa ira i wita anu Kudandiao sumpa ndi ondae.”

Winali 31:27

Hangano kuto'orio motea aroamu ka mpe'ulu watumu. Sekonopo kanandio-andio, da tuwu aku saru omiu, memotea aroa komiumo ndi Ondae i Ue, tamoako te'ingka tewala mate akumo!

Winali 4:26

Onaemo aku moboio langi ka tolino gagi sakosii ndi omiu a oleo andio nine manasaomo komiu ronga memoliu inso a wita anu ta pinentoroki miu umari mensakio Koro Yarade. Nahi ta tehine imentuwu i ra'ai, sine manasaomo komiu meropu.

Puu Mpobitara 6:10

Kupauomo ndi omiu: Ongkuemo Ue, Ue Alamiu. Sii mpesomba a anu pinesombaido to Amori, anu witado impo'iangario. Sine omiu nahi mperorongeakono pau-Ku atuu.”