Nehemia 9:27 - Wunta Mempori

²⁷ Ka i'amba meweengako ira a ngkaedo luwuno iwalido anu mokomasukara ira. I tempono masusaa mpebooli ira ndi Omiu ka Irongeo inso i langi. Hangano pompehohawa-Miu anu langkai, Ipoweeako ira mia anu kumadudui ira inso a ngkaeno iwalido.

Nehemia 9:27 Iomraidhean Croise

2 Mokole 13:5

Ondae i Ue moweeako ira to Isaraeli asa mia puu mpongkadudui, ranta ka domentola inso a ngkaedo to Arami. Ka i'amba to Isaraeli ka dompokompo'ia a luwuno kemado kana i ndi'ipua.

2 Mokole 14:27

Sine Ondae i Ue nahi Dopepau nine Ira pahihio neeno Isaraeli inso i tolino; gagi Dokadudui ira molalo i Yerobea anano i Yoasi.

2 Mokole 17:20

Hangano kanatuu, Ondae i Ue nahi Dotarimao luwuno inuledo to Isaraeli; Dopokomarasai ira ka meweengako ira a ngkaedo puu mporontu, ranta Dotadi ira inso i aro-Do.

2 Mokole 17:39

Butu ndi Ondaemo i Ue, Ue Alamiu asalakono impesomba, manasa Ira motola komiu inso a ngkaedo luwuno iwalimiu.”

2 Tawarika 36:17

Ondae i Ue lumeluo mokoledo to Kasidimi umewai ira. Mokole atuu mepateako ira ponai ana ntama kontuwuado a laro raha memporido, ka nahi pinehohawa mangalitau ke ana beine, mia mota'u ke mia me'uwa. Luwuno Dopeweengakono i Ue a ngkaeno.

Nehemia 9:19

nahi Ibinta ira i pada one, hangano pompehohawa-Miu anu langkai. Seru-Miu nahi pelimba inso i wawodo tempono meene anu wawa ira a mpelempaa, kanatuu koa mbo'u api-Miu tempono wongi anu wantahio sala anu linalodo.

Po'unde-unde 136:24

ka motola kita inso a luwuno anu umewai kita, menteeano ranta nahina tampulaano pompehohawa-Do.

Imama 26:17

Ongkue anu umewai komiu, ranta iwalimiu numangi komiu, ka ondae anu umo'aliaa komiu ira pabawai komiu, ka komiu mpolai, maupo nahina mia anu lumulu komiu.

Obaja 1:21

Luwuno anu mpongkadudui ira mpewuatako a wawo Torukuno Sioni ira mebitarao mentorukuno Esau; ka poparentaa atuu ta gagi tia-Do i Ue.

Puu Mpobitara 2:18

Sompo tempo Ondae i Ue moweeako ira puu pobitara, Ondae i Ue kumongkomi ira puu mpobitara atuu ka tumolosi ira inso ia iwalido, tempono domentuwu puu pobitara atuu. Nde Domongkokolaroako Ira i Uerumongeo rumorandaido i arodo luwudo mia anu bobarasai ira.