Nehemia 9:25 - Wunta Mempori

²⁵ Luwuno kota mebente dompoko'alao ka wita anu mewalo. Domerontuo luwuno raha anu bukeako mperupa-rupa sangka masuli olino, luwuno sumuru anu kineke, lere anggoro ka lere saitu saru luwuno keu anu mewua tedoa hadio. Mpongkaa ira memowohi ka gagi mewalo. Hadio ntu'u pepotuwudo, hangano pompehohawa-Miu anu langkai.

Nehemia 9:25 Iomraidhean Croise

1 Mokole 14:9

Omue moweweukomo anu mosa'o, lansaraopo sekono anu mese'elungiko. Uweweuomo tiamu luwuno pinesombai susua ka luwuno tinaha tinawa, ranta mokotesingkao tekuda-Ku, tendeano upebungkui Akumo.

1 Mokole 8:66

A ngko'oalu oleono, itena ira tongku atuu melako. Mpo'ema ira ronso tiado mokole, ka do'amba mpekule a ngkemado saru mpo'unde ka mawongko aroado, hangano luwuno moikoa anu Doweweuomo i Ue ndi Daudi, tetenaa-Do ka a nto Isaraeli, bawaa-Do

Nehemia 9:35

A mpotorodo gagi mokole, nahi dompesomba ndi Omiu, maupo Ipoweeako iramo hadio moikoa ka mompatindaako ira wita anu molue ka mewalo. Nahi dontepidi inso a luwuno wineweudo anu mosa'o.

Po'unde-unde 105:44

Doweeako ira luwuno witado mperupa-rupa tongku, onaemo ka dompe'ueo hasilino pe'iseido luwuno suku tongku,

Po'unde-unde 65:11

I'uwoio pesalaano padekono, Ipokotengawuo witano mpebatu-batu, saru usa marombo Ipokomewaloakono; Ironsoo luwuno pinopahono.

Powadi 30:9

Ka si kuhapu Komiu, tewala mowohi aku, ka mepau: Isemake Ondae i Ue atuu? ke tewala mongkokolaro aku, aku monako, ka sumosa'aio nee-Do Ue Alaku.

Yesaya 6:10

Iweweuomo aroano tongku andio motea ka birido mobea moronge ka matado metako tepusu, kasi domengkitaakono matado ka merongeakono birido ka mpokonto'oriakono aroado, ka do'amba mpepokule ka gagi tompa.”

Yesaya 63:7

Aku tumutuluo pompehohawa-Do i Ue anu nahi bali, luwuno wineweu-Do i Ue anu telele, anu wineweu-Do i Ue ndi ontae ka moikoa anu langkai a nsukudo to Isaraeli, anu wineweu-Do ndi ondae menunu saru pompehohawa-Do ka pompehohawa-Do nahi bali anu langkai.

Yeremia 2:7

Kuwawa komiu a wita anu mewalo ka imperapio wuano ka luwuno anu moiko inso ndi onae. Sine mansamiu mpewinso, imengkokoburutio wita-Ku; wita-Ku imeweweuomo gagi mokoburua.

Yeremia 31:14

Aku mokonte'osaako ira sando mpesombaamu hadio ntu'u, ka bawaa-Ku ira memowohiako moiko-Ku, kanandiomo pau-Do i Ue.

Yeremia 32:23

Ka do'amba mpewinsokio ka mpetorokio, sine nahi domperorongeakono pau-Miu ka nahi domentuwu montonda Songka-Miu. Luwuno anu Iparentaako ira ka domeweweuo, nahi domeweweuo. Onaemo pu'uno ka Ipotiiako ira luwuno masolaa andio.

Yehesikieli 20:6

A oleo atuu Ongkue mesumpa ndi ondae Aku wawa ira inso i wita Masiri lumako i wita anu Kubinikiako ira, wita anu hadio ntu'u susu ka siu hoanino, wita anu tekosi i olono luwuno wita.

Danieli 11:24

Nahi kinookoo onae ta mewinsoki ira wita anu mewalo ntu'u i wita atuu, ka moweweu hapa anu napi hori domeweweuo luwuno ama ka uempu'uno. Onae ta merawoakono rinontu, pinomuru ka arataa i olodo miano, moweweu mbo'u akala a luwuno po'ianga anu mebente, sine butu sarai koa.

Hosea 13:6

Tempono domempinakambi, memowohi ira; mansado memowohi, mpopelangka-langkai ira. Onaemo pu'uno ka domengkolupe Aku.

Hosea 3:5

Umarino atuu to Isaraeli ira mpepokule ka umungke Ira i Ue, Ue Alado, saru i Daudi mokoledo. Saru medoito ira me'aiwa ndi Ondae i Ue ka a moikoa-Do a oleo pokotompa.

ROMA 2:4

Inehemuke me'uru-uruo langkaino pe'aroa-Do, sabara-Do ka sanaano aroa-Do? Nahi uto'orioke, nine pe'aroa-Do Ue Ala onaemo tumaateko a ntepidia?

Winali 3:5

Luwuno atuu kota hinao benteno, saru rere watu anu memantande, pewowa langkai ka luwuno lansono. Umarino atuu, hadio ntu'u kota anu nahi pebente.

Winali 32:13

Doweweuo i Ue hinao pe'ulaano lumaloo luwuno pongku, ka mongkaa hasili inso a lere. Ondae i Ue weweuo irasaio siu hoani inso a pongku watu, ka lana inso a ntorukuno watu anu motea,

Winali 32:14

susu sapi anu pinokobaku, ka susu inso a asa bawaa bembe bimba, saru tabano luwuno ana bimba; bimba lakino inso i Basani, ka bembe lakino, saru tonggi gandu anu moiko ntu'u; ka reano wua anggoro anu mewure kai me'inuo.

Winali 32:15

Ka i'amba i Yesuruni gagi mewalo ka ipetundo i bungkuno, ta mewalo, langkai kompo, ka me'ihi. Ibinta Ira Ue Ala anu mokogagio, ipe'uru-uruo Torukuno Watu tekaduduiano.