Nehemia 9:22 - Wunta Mempori

²² Iweeako ira luwuno poparentaa ka tongku, ka tumiao gagi wita poparentaa, ranta ka dompetorokio witano i Sihoni, mokole i wita Hesiboni ka witano i Ogo, mokole i wita Basani.

Nehemia 9:22 Iomraidhean Croise

Po'unde-unde 105:44

Doweeako ira luwuno witado mperupa-rupa tongku, onaemo ka dompe'ueo hasilino pe'iseido luwuno suku tongku,

Po'unde-unde 78:65

Ka i'amba tewangu Iramo i Ue, kana mia anu tekoturi, kana pongkiari anu umari molanguako anggoro;

Yeremia 27:5

Ongkuemo saru roso-Ku anu langkai ka tokiaku anu tetasiako mokogagio tolino, mia ka pinotuwu anu kongko i wawontolino, ka Kupeweengakono a mia anu mentee a pongkita-Ku.

Yeremia 32:23

Ka do'amba mpewinsokio ka mpetorokio, sine nahi domperorongeakono pau-Miu ka nahi domentuwu montonda Songka-Miu. Luwuno anu Iparentaako ira ka domeweweuo, nahi domeweweuo. Onaemo pu'uno ka Ipotiiako ira luwuno masolaa andio.

Yehesikieli 20:28

Umarino Kuwawa ira i wita anu Kudandiakono sumpa Aku weeako ira, tendeano ondae mpengkita a sompo pongku anu mantande ka sompo keu anu marombo, ka i'amba pinesombaako luwuno pesombado i ra'ai ka mpompowee pesomba anu mompokotesingka tekuda-Ku. I ra'ai ondae mpohaweo mbo'u luwuno pesomba anu mana mo'ahi ka mpesombaakono luwuno pesomba tinawado a mpo'ianga atuu.

Winali 1:4

Mongkona atuu, umarino numangio i Sihoni, mokoledo to Amori, anu mo'ia i Heberoni, ka i Ogo, mokole i Basani, anu mo'ia i Asitaro, umpeda i Ederei.

Winali 32:26

Bakanaano Aku mepau, ’Aku mokotampula ira, siimo dompinewowolo mbo'u inso i olodo mia.’

Winali 4:46

i asatowano Koro Yarade, i lembono tepo'aro saru Beti-Peori, i witano i Sihoni, mokoledo to Amori anu mo'ia i Hesiboni. Onae inangio i Musa ka to Isaraeli a laro pelempaado mpeluarako inso i wita Masiri.

Winali 4:47

Dompetorokio witano ka witano i Ogo, mokole i wita Basani. Orua ira mokoledo to Amori i asatowano Koro Yarade, i sabaano oleo.

Yosua 10:11

Kontongaado mpolai ia arodo to Isaraeli, mansado mehawe i korimbino Beta-Horoni, Ondae i Ue wuwunooako ira watu anu melolangkai inso i langi hawe i Aseka, ranta ka domemate. Anu mate hangano usa watu atuu lalu hadioopo sekono anu pinepatedo to Isaraeli mompake ponai.

Yosua 11:23

Kanandiomo irontu ira luwu i Yosua wita atuu, kana pau-Do i Ue ndi Musa. Ka i Yosua meweengakono wita atuu ia nto Isaraeli gagi pusakado, montonda petiaado tongkudo. Rodoomo wita atuu, mpenaa-naa iramo mpetea.