Nehemia 9:2 - Wunta Mempori

² Inuledo to Isaraeli mponsuao koroido inso a luwuno mia hawe. Mpentade ira ka domemangakuakono hala ka salado uempu'udo.

Nehemia 9:2 Iomraidhean Croise

1 Mokole 8:47

sine, tewala wali ira mpe'o'oleakono halado i wita po'iangado mentinawa, ka dompepokule, saru mpo'ema pompehohawa ndi Omiu i witado mia anu wawa ira gagi mia ntinawa, ka dompotae: Ntehala kamimo, mensala, ka mpoweweu anu mosa'o,

Esera 10:11

Sine kanandio-andio, ime'akuiomo i aro-Do i Ue, Ue Alado uempu'umiu, impoweweumo hapa anu pinemoiko-Do impeliahako inso luwuno tongku i wita andio, ka luwuno beinedo mia mehawe atuudo.”

Esera 6:21

To Isaraeli anu mpekule inso a mpo'ianga domentinadi mengkaano pesomba atuu ka meronga saru ondae sompo mia anu meliahako inso a mokoburuado luwuno tongku i wita atuu anu umungke Ira Ue Alado to Isaraeli.

Esera 9:1

Umarino wineweu luwuno atuu, mehawe iramo mia mpinemota'u ndi ongkue, dompotae, ”Palili i Isaraeli, sando mpesomba, ka to Lewi nahi dotemponsia inso luwuno tongku i wita atuu, saru luwuno wineweudo anu mokoburu, onaemo inso to Kana'a, to Heti, to Perisi, to Yebusi, to Amoni, to Moabi, to Masiri ka to Amori.

Esera 9:15

Oo Ue, Ue Alado to Isaraeli, Omiu tedoa mentee, hangano da ipo'inee kami mentuwu gagi mia tepotola, kana anu gagi kanandio-andio. Kitaomo, omami mpe'aro ndi Omiu saru sala mami, kahinaano a laro nteweweu kanandio nahina mia mokompentade i aro-Miu.”

Esera 9:2

Hangano ondaedo ka anado, mpokombia iramo ana beinedo mia atuudo, ranta mpesaloomo inuleno anu mempori saru luwuno tongku i wita atuu, ka luwuno anu pinemota'u ka anu pabawa tese'elu mpoweweuo anu nahi penunu.”

Nehemia 1:6

po'ineeono biri-Miu moronge, mata-Miu mongkita ka Irongeomo pekakai anu winuatakono tetenaa-Miu i aro-Miu meene ka wongi tiado to Isaraeli, luwuno tetenaa-Miu atuu, saru mangakuakono luwuno hala anu kimeweweuomo omami to Isaraeli ndi Omiu. Ongkue ka pe'etuku mpoweweu kamimo mbo'u hala.

Nehemia 10:28

Umarino atuu luwuno mia anu susua, onaemo luwuno sando mpesomba ka luwuno to Lewi, luwuno anu mpodagai pewowa langkai, luwuno puu mpenani, luwuno anu mompekakaako a Raha-Do Ue Ala ka luwuno mia anu monsiao koroino inso a luwuno tongku i wita atuu ka dompontonda songka-Do Ue Ala, saru kombiado, luwuno anado tama ka beine, luwuno mbo'u mia anu sompoomo tinuwuno ka monto'ori;

Nehemia 10:29

Mpe'asa ira saru luwuno pepaekompodo, luwuno mia pinemota'u atuu. Ondae mpesumpa totonaa kadomentuwu montonda songka-Do Ue Ala anu domewineeako molalo i Musa, tetenaa-Do Ue Ala atuu, ka mentondao mpiha ka meweweuo luwuno parenta-Do i Ue, Ondaemo Uemami, saru luwuno atora ka pompakosi-Do.

Nehemia 13:3

Mansado merongeo Taura atuu binasa, domponsia ira luwu anu komba to Isaraeli ntu'u.

Nehemia 13:30

Kupokomempori ira inso a luwuakoano anu wo'ohu napi tino'ori ka pakosio luwuno anggaado sando mpesomba ka to Lewi, singge mia a mpo'anggaano.

Po'unde-unde 144:11

Ipotola akumo inso a mponai masolaa ka Ipotola akumo inso a pokungkuno mia hawe. Ngangado mpompau pegaupi ka kae ngkoanado mpesumpa nahi mentee.

Po'unde-unde 144:7

Itasiomo kae-Miu inso a mantandeano, Ipokomalua akumo ka Ipotola aku inso a moowo anu mongkokongiri, inso a pokungkuno mia hawe.

Powadi 28:13

Isema wunio halano nahi ta me'ura, sine isema mangakuakono ka bintao ta pinehohawa.

Yesaya 2:6

Mentee ntu'u, itadi iramo ntu'u bawaa-Miu, inuleno i Yako, hangano witado bukeako anu mpompau nahi manasa ta gagi inso i sabaano oleo ka sihiri kana a nto Pelisiti, ondae mpesangkalima saru mia mehawe.

Yeremia 14:20

Oo Ue, omami mpokonto'orio gaumami anu mosa'o ka salado uempu'umami; mentee ntu'u, mentehala kamimo ndi Omiu.

Yeremia 3:13

Polomo koa akuiomo salamu, nine u'ewai Iramo i Ue, Ue Alamu. Utia-tiaomo pongkekewoimu a luwuno pinesombaido mia mehawe a ntoto sompo keu anu marombo, ka nahi perorongeakono pau-Ku, kanandiomo pau-Do i Ue.”

Danieli 9:20

Kontongaaku mepau, mekakai ka mangakuakono halaku ka halado tongkuku, tongku Isaraeli, ka mohaweo po'emaku i aro-Do i Ue, Ue Alaku tiano torukuno mempori-Do Ue Alaku,

Hosea 5:7

Nahi dompetenunu ndi Ondae i Ue, hangano dompe'anaako iramo ana anu komba anado ntu'u; kanandio-andio ondae ka leredo ta rinawo-rawo a mporame-ramea wula wo'ohu.