Nehemia 9:19 - Wunta Mempori

¹⁹ nahi Ibinta ira i pada one, hangano pompehohawa-Miu anu langkai. Seru-Miu nahi pelimba inso i wawodo tempono meene anu wawa ira a mpelempaa, kanatuu koa mbo'u api-Miu tempono wongi anu wantahio sala anu linalodo.

Nehemia 9:19 Iomraidhean Croise

Nehemia 9:12

Saru seru-Miu Iwawa ira tempono meene, ka saru api-Miu tempono wongi wantahio sala anu linalodo.

Nehemia 9:27

Ka i'amba meweengako ira a ngkaedo luwuno iwalido anu mokomasukara ira. I tempono masusaa mpebooli ira ndi Omiu ka Irongeo inso i langi. Hangano pompehohawa-Miu anu langkai, Ipoweeako ira mia anu kumadudui ira inso a ngkaeno iwalido.

Nehemia 9:31

Sine hangano pompehohawa-Miu anu langkai, nahi ropu ira ka nahi binta ira. Menteeano Omiumo Ue Ala anu puu pompehohawa.

Po'unde-unde 106:45

Dorambeo pedandia-Do saru ondae ka Dopehohawa ira menunu saru langkaino pompehohawa-Do.

Po'unde-unde 136:16

Ndi Ondae anu wawa ira bawaa-Do ntelalo a mpada one; menteeano ranta nahina tampulaano pompehohawa-Do.

Peluarakoa 40:36

Tewala seru atuu mewuatako inso i wawono Kema Mempori, mpelungka iramo to Isaraeli inso a sompo peratoado.

Peluarakoa 40:38

Hangano i tempono meene, seru-Do i Ue kongko i wawono Kema Mempori, ka i tempono wongi domengkitao luwudo to Isaraeli api a laro nseru atuu, a sompo peratoado.

Yesaya 44:21

Pewowoloomo luwuno andio, hei Yako, hangano omuemo tetenaa-Ku, hei Isaraeli. Kuweweukomo, omuemo tetenaa-Ku; hei Isaraeli, omue nahi Aku kumolupeko.

Ponsabangi 3:22

Menteeano nahi otu-otu pompehohawa-Do i Ue pompowee-Do nahi hori pingko,

Yehesikieli 20:14

Kuweweuo hangano nee-Ku, ka si kinokoburuti nee-Ku i arodo luwuno tongku, anu mengkitao Kuwawa ira mpeluarako.

Yehesikieli 20:17

Sine, Kupehohawa ira kumita ira, onaemo ka nahi Kupepate ira ka nahi Kupingko ira i pada one.

Yehesikieli 20:22

Sine, Kuwali mokuleo kae-Ku ka moweweu a nee-Ku, ka si kinokoburuti nee-Ku i arodo luwuno tongku anu mengkitao Kuwawa ira mpeluarako.

Danieli 9:18

Oo Ue Alaku, po'aroomo biri-Miu ka Irongeomo. Wileomo mata-Miu ka Ikitaomo terawomami ka kota anu pinauako nee-Miu, hangano omami mpohaweo pekakai po'emamami i aro-Miu nahi kimpe'empehiako menteemami, sine me'empehiako pompehohawa-Miu anu hadio ntu'u.

Danieli 9:9

Ndi Ondae i Ue, Ue Alamami, hinao pompehohawa ka po'oninia hala, maupo me'ewa kamimo ndi Ondae,

Maleaki 3:6

Menteeano Ongkue, Ue, nahi bali, ka omiu, inuleno i Yako, nahi ta pinokotampula.

Podoaa 14:14

ka iramo mentutuluo a mpalili i wita andio. Kahinaano luwuno mia andio domerongeomo nine Omiu Ue, kongko i tonga-tongado tongku andio, nine Omiu Ue mepopokita Komiu ndi ondae saru ntepopo'aro rupa, ka nine seru-Miu mentade i wawodo saru Omiu melempa mese'elungi ira a laro nseru i tempono meene ka a laro api i tempono wongi.

Winali 8:2

Impewowoloo koa luwuno pelempaa anu tinondamiu a mpo'ehe-Do i Ue, Ue Alamiu i pada one i larono pato pulu nta'u andio. Tinoo-Do weweukomiu mpe'urumako ka umara-arahako komiu ka Doto'orio hapa anu kongko i laro aroamiu, ba mpe'ini komiu koa a parenta-Do ke naahi.

1 Samueli 12:22

A nee-Do anu langkai, Ondae i Ue nahi Ira bintao bawaa-Do, hangano Ondae i Ue Dobiniki komiumo gagi bawaa-Do.