Nehemia 9:17 - Wunta Mempori

¹⁷ Nahi dobehe mentondao parenta-Miu ka nahi dompewowoloo wineweu anu kinohali-haliako anu umariomo Iweweuo i olodo. Memotea ulu ira tendeano mpedada ira mpekule a ntepe'ataa i Masiri. Sine Omiumo Ue Ala anu mo'ampuni, mompehohawa, sabara, ka nahi otu-otu pompehohawa-Do. Nahi hori binta ira.

Nehemia 9:17 Iomraidhean Croise

1 Mokole 6:13

nine Aku mo'ia i olodo to Isaraeli ka nahi Aku binta ira bawaa-Ku Isaraeli.”

1 Mokole 8:57

Po'ineeomo Ondae i Ue, Ue Alato, kumongkomi kita kana Dokongkomi iramo uempu'uto. Topomperorohi nahi Dobinta kita ke maupo tumadi kita,

2 Tawarika 36:13

Onae mbo'u i'ewaio mokole Nebukanesa, anu umari tumenao ka ipesumpa ndi Ondae Ue Ala. Ipokomoteao uluno, mokomoteao aroano ka nahi behe mepokule ndi Ondae i Ue, Ue Alado to Isaraeli.

Esera 9:9

Hangano maupo megagi kami ata, a ntepe'ataa mami, nahi Dohori binta kami Ue Ala mami, Doweweuo ka dompehohawa kami luwuno mokole i wita Peresia, ranta ka kimpohawe sumanga mewanguo Raha-Do Ue Ala mami ka wali mpontadeo anu terongka, saru mpohawe po'ianga pokongkomi-Miu i Yehuda ka i Yerusale.

Nehemia 9:31

Sine hangano pompehohawa-Miu anu langkai, nahi ropu ira ka nahi binta ira. Menteeano Omiumo Ue Ala anu puu pompehohawa.

Po'unde-unde 106:13

Sine, sarai koa ka domengkolupeo luwuno wineweu-Do, ka nahi domponsikori pontiso-Do;

Po'unde-unde 106:7

Uempu'umami i Masiri nahi dompokonto'orio luwuno wineweu-Miu anu kinohali-haliako, nahi domerambeo hadio ntu'u pompehohawa-Miu, tendeano ondae me'ewa i wiwi ntahi, i wiwi Ntahi Teberau.

Po'unde-unde 130:4

Sine ndi Omiu hinao po'ampunia, ka idoito mia ndi Omiu.

Po'unde-unde 78:10

nahi dompe'ini a mpedandia-Do Ue Ala ka nahi dobehe mentuwu montonda Songka-Do.

Po'unde-unde 78:11

Domengkolupeo luwuno inangga ka wineweu-Do anu kinohali-haliako, anu Dopopokitaomo ndi ondae.

Po'unde-unde 78:38

Sine, Ondae mompehohawa, Do'ampunio salado ka nahi Doropu ira; mararu Dopeteao tekuda-Do ka nahi pokotesingkao luwuno mosa'ono aroa-Do.

Po'unde-unde 86:15

Sine Omiu, oo Ue, Ue Ala me'aroa ka mompehohawa, tedoa sabara ka hadio ntu'u pompehohawa ka pokongkomi.

Po'unde-unde 86:5

Hangano Omiu, oo Ue, moiko ka behe mo'ampuni ka hadio ntu'u pompehohawa nahi bali a luwuno mia anu mebooli ndi Omiu.

Peluarakoa 32:9

Ka Do'amba mepau i Ue ndi Musa, ”Kukita iramo tongku andio. Mentee ntu'u, ondae tongku anu me'ulu watu.

Powadi 1:24

Hangano, tempono kupepoboi, nahi mebehe, ka tempono kutasiakono kaeku, nahina anu merioo;

Yeremia 18:15

Sine bawaa-Ku domengkolupe Akumo. Ondae mpotunu pesomba a mpinesombai nahina pengkonaano, ondae ntetidu ntebangku a luwuno pesalaado, a luwuno pesalaa inso a tempo i ndi'ipua, ka mpo'ala pesalaa metosi, pesalaa anu nahi wineweu,

Yeremia 19:15

”Kanandiomo pau-Do Ueno luwuakoano, Ue Alado to Isaraeli: Menteeano, Aku motiio a ngkota andio ka luwuno kota kodeino, luwuno masolaa anu Kupauomo ta umalu ira. Hangano, ondae memotea ulu ka nahi domperorongeakono luwuno pau-Ku.”

Yeremia 7:26

Sine, nahi domebehe mperorongea-Kune ke mpo'aroo birido. Tendeano motea palowe'udo, mpoweweu lalu mosa'o sekonopo uempu'udo.

Yehesikieli 5:6

Onae umewaomo a luwuno atora-Ku mosa'oopo wineweuno sekonopo luwuno tongku ka a luwuno pompakosi-Ku mosa'oopo wineweuno sekonopo luwuno wita pehori-horino. Menteeano, nahi domentarimao luwuno atora-Ku ka peleludo nahi penunu saru luwuno pompakosi-Ku.

Danieli 9:9

Ndi Ondae i Ue, Ue Alamami, hinao pompehohawa ka po'oninia hala, maupo me'ewa kamimo ndi Ondae,

Yoeli 2:13

Baliomo aroamu ka osi'i sangkamu, pepokulemo ndi Ondae i Ue, Ue Alamu, hangano Ondae me'aroa ka mompehohawa, tedoa Ira sabara ka hadio ntu'u pompehohawa. Me'o'ole Ira mingki mompotii masolaa.

Imama 26:44

Maupo kanandio, tempono domekongko i witano iwalido, nahi Aku mebungkui ira ke nahi Aku te'osaako ira, ranta Aku rumopu ira ka pedandia-Ku saru ondae nahi gagi, hangano Ongkuemo Ue, Ue Alado.

Nahumi 1:3

Ondae i Ue atuu tedoa sabara ka langkai pabawa-Do, sine tedoa ntu'u nahi Dopotola ira mia mensala inso a mpohuku. Ondae i Ue melempa a laro lompiu ka angi mokora pelempa-Do ka seru onaemo awu a pelengkaru-Do.

Podoaa 14:11

Pau-Do i Ue ndi Musa, ”Hawe te'ipia mbo'u domentata Aku tongku andio ka hawe te'ipia mbo'u nahi domebehe mpompe'ala-ala ndi Ongkue, maupo hinaomo luwuno anu kinohali-haliako anu Kuweweuo i tonga-tongado!

Podoaa 14:41

Sine motae i Musa, ”Tembio ka ime'ewaio petena-Do i Ue? Mongkona atuu nahi ta hina hasilino.

Podoaa 16:14

Mentee ntu'u, nahi uwawa kami ia wita anu hadio ntu'u susu ka siu hoanino, ke maupo moweeakami bonde ka lere anggoro gagi tia pusaka. Potaemu komokomorawuo matado mia andiodo? Nahi kami behe me'aiwa.”

WINEWEUDO TINENA 7:39

Sine uempu'uto nahi domebehe domperorongeakono, tendeano dompebungkuio. I laro aroado inehedo mpekule i wita Masiri.

ROMA 9:15

Hangano mepau Ira ndi Musa, ”Aku mehohawao ndi isema anu inehe-Ku mehohawao ka Aku me'aroa ndi isema anu inehe-Ku me'aroaakono.”

IBARANI 12:25

Impedagai ka si komba nahi impe'ala-ala Ira, anu mepau. Hangano tewala ondae, anu nahi dompe'ala-ala Ira anu mohaweo pau-Do Ue Ala i tolino, nahi domentola, tamoako ontae, tewala tompebungkui Ira anu mepau inso i suruga?

1 Samueli 12:22

A nee-Do anu langkai, Ondae i Ue nahi Ira bintao bawaa-Do, hangano Ondae i Ue Dobiniki komiumo gagi bawaa-Do.