Nehemia 9:15 - Wunta Mempori

¹⁵ Iweeako iramo roti inso i langi kai tetadi mokoninggo ka Ipoluarakoako ira uwoi inso a nturukuno watu kai tetadi mokoranga. Itena ira mbo'u mpewinso ka mpetorokio wita anu saru sumpa Komiu weeako ira.

Nehemia 9:15 Iomraidhean Croise

Tegagia 14:22

Sine motae i Burama ndi mokoleno Sodomo atuu, ”Mesumpa aku ndi Ondae i Ue, Ue Ala Anu Tedoa Mantande, Anu Mokogagio langi ka tolino,

Nehemia 9:20

Iweeako ira penaa-Miu anu moiko ka paguru ira. Ka mana-Miu mbo'u nahi ontoo domengkaano ka Ipoweeako ira uwoi kai tetadi mokoranga.

Po'unde-unde 114:8

anu balio torukuno watu gagi limbo me'uwoi, ka watu anu motea gagi mata uwoi!

Peluarakoa 16:4

Ka Do'amba mepau i Ue ndi Musa, ”Aku mompotiiakomiu usa roti te'inso i langi; gagi sompo oleo tongku atuu ira mpeluarako mpobini kaangado sompo tiano asa oleo, ka Ku'arahako ira, ba ira koa mentuwu menunu songka-Ku ke naahi.

Peluarakoa 17:3

I ra'ai tongku atuu memokoranga. Tongku atuu mpewuruki iramo ndi Musa ka dompotae, ”Tembio kau wawa kami mpeluarako inso i wita Masiri? Nde komepate kami ke, luwuno ana mami ka pinotuwu mami ka kimemateako mokoranga?”

Peluarakoa 17:6

I ra'ai aku mentade i aromu a wawo watu i torukuno Hore. Wombakio watu i torukuno atuu ka inso i larono ta meluarako uwoi, ka dompo'inu tongku atuu.” Kanatuumo iweweuo i Musa i arono matado mia memota'u to Isaraeli.

Peluarakoa 6:8

Ka i'amba i Musa pauako ira to Isaraeli, sine nahi domperorongeakono, hangano tedungkuomo aroado ka tedoa dompemobeao tepe'atado.

Yesaya 48:21

Ondae nahi domemarasai mokoranga, tempono Dowawa ira lumaloo luwuno po'ianga anu londa. Ondae moluarakoako ira uwoi inso a ntorukuno watu; Dobansio torukuno watu, ka mombusi-mbusiomo uwoi.

Yeremia 32:23

Ka do'amba mpewinsokio ka mpetorokio, sine nahi domperorongeakono pau-Miu ka nahi domentuwu montonda Songka-Miu. Luwuno anu Iparentaako ira ka domeweweuo, nahi domeweweuo. Onaemo pu'uno ka Ipotiiako ira luwuno masolaa andio.

Yehesikieli 20:15

Ongkue mbo'u mesumpa ndi ondae i pada one, nine nahi Aku wawa ira mpewinso i wita anu Kuweeako iramo, anu hadio ntu'u susu ka siu hoanino, wita anu tekosi i olono luwuno wita.

Podoaa 14:30

Mentee ntu'u nahi komiu mpewinso a wita anu Kudandiakomiu saru sumpa ka impo'iangario, sangkadio i Kalebi anano i Yepune ka i Yosua anano i Nuni!

Winali 1:21

Kitaomo, Ondae i Ue, Ue Alamiu mopokitao wita atuu i aromiu. Imelako ka impetorokiomo, kana anu Dopauakomiu i Ue, Ue Alado uempu'umiu. Si medoito ka si ntelusa aroa.”

Winali 1:8

Kitaomo, Kupopokitaakomiu wita atuu i aromiu. Impewinsokio ka impetorokiomo wita anu dinandi-Do i Ue saru sumpa ndi ondae i Burahima, i Saki ka i Yako, uempu'umiu ta wineeako ndi ondae ka inuledo.”

Winali 8:3

Gagi Doweweu komiu mpe'urumako, mo'inee komiu memokoninggo ka Dopakaa komiu mana anu nahi imento'orio ka anu nahi domento'orio mbo'u uempu'umiu, Ira weweu komiu kai mento'orio, nine mia mentuwu komba butu inso a roti, sine mia mentuwu inso a luwuno anu pinau-Do i Ue.