Nehemia 9:10 - Wunta Mempori

¹⁰ Ipopokitaomo luwuno petondoni ka luwuno anu kinohali-haliako i arono i Pirao ka luwuno pegawaino saru luwuno palili i witano, hangano Omiu tumo'orio pompelangka-langkaido ndi ondae uempu'umami. Kanandiomo Iweweuo nee-Miu telele kana anu mengkaa oleo andio.

Nehemia 9:10 Iomraidhean Croise

Nehemia 9:16

Sine ondae, uempu'umami atuu mpompelangka-langkai, memotea ulu, ka nahi domentondao luwuno parenta-Miu.

Nehemia 9:29

Ipopoto'oriako ira kadompepokule a songka-Miu, sine mpompelangka-langkai ira ka nahi dobehe mentondao luwuno parenta-Miu saru me'ewaio luwuno atora-Miu anu moweeako ira tuwua a mia anu weweuo. Domentandeo oweado nahi domebehe, memotea ulu ira ka nahi dobehe merongeo.

Po'unde-unde 83:18

Po'ineeomo domempinokoko'ii ka ntededengke nahina tampulaano; po'ineeomo dompohawe pontetewehi ka memate,

Peluarakoa 18:11

Kanandio-andio kuto'oriomo, nine Ondae i Ue lalu langkai pabawa-Do sekonopo luwuno lahumoa, ka Doweweu ira kanatuu hangano to Masiri mpopelangka-langkai iramo ndi ondae.”

Peluarakoa 3:20

Aku pakeo pabawa-Ku humukuo wita Masiri saru luwuakoano wineweu anu kinohali-haliako, anu Aku weweuo ndi ondae. Umarino atuu, ka do'amba mpo'ineekomiu melako.

Peluarakoa 5:2

Sine ipotae i Pirao, ”isemake i Ue atuu anu asalakono aku merorongeakono pau-Do ka kupo'inee ira to Isaraeli melako? Nahi kuto'ori Ira i Ue atuu ka nahi aku umeheako ira to Isaraeli melako.”

Peluarakoa 7:1

Mepau Iramo i Ue ndi Musa, ”Kitao, Kupokogagikomo kana Ue Ala ndi Pirao, ka i Haruni akamu, ta gagi kana nabimu.

Peluarakoa 9:16

Sine tinoo-Ku ka Kupo'ineekomiu mentuwu, onaemo ka imengkitao roso mpabawa-Ku, ka itelele nee-Ku i asa wawontolino.

Yesaya 42:20

Hadio anu kinitamu, sine nahi upekokoongakono, uta'oo birimu, sine nahi poronge.

Yesaya 63:12

anu kumongkomio i Musa i koana saru kae-Do anu maramba; anu monsiao uwoi i arodo weweuo nee-Do teto'ori mpiha;

Yesaya 63:14

kana pinotuwu anu metii a laro bangano Penaa-Do i Ue wawa ira a mpo'ianga penaa-naaa. Kanatuumo Iwawa ira bawaa-Miu weweuo nee-Miu maramba.

Yeremia 32:20

Omiu anu mopokitao luwuno petondoni ka anu mengkinohali-haliako i wita Masiri, hawe oleo andio a nto Isaraeli ka luwuno mia, onaemo ka Iweweuo nee-Miu, kana a oleo andio.

Yehesikieli 20:9

Kuweweuo a nee-Ku, ka si kinokoburuti nee i arodo luwuno tongku, ba isua domekongko. I arodo luwuno tongku atuu Ongkue mepopokita ndi ondae saru wawa ira mpeluarako inso i wita Masiri.

Danieli 4:37

Gagi kanandio-andio ongkue, i Nebukanesa, mo'unde-unde, ka melangkai Ira Mokole i suruga, hangano luwuno wineweu-Do mentee ka luwuno sala-Do moleo, ka Ondae polio tumotoako ira anu mpompelangka-langkai.

Danieli 5:23

Omiu ueku mompelangka-langkai ndi Ondae Anu Pabawa i suruga. Parewa inso a Raha-Do domewawao mia ndi omiu, ka i'amba omiu ueku saru anu langkai potorono a poparentaamiu, luwuno kombiamiu ka samburuemiu mpo'inu anggoro inso a mparewa atuu; omiu ueku umunde-unde ira pinesombai inso a nsalaka ka wulaa, inso a mala, labu, keu ka watu, anu nahi pongkita, moronge ke monto'ori. Omiu ueku nahi pelangkai Ira Ue Ala, anu kumungkuo penaamiu ka tumantuio luwuno pesalaamiu ueku.

Danieli 9:15

Onaemo pu'uno, oo Ue, Ue Alamami, anu iwawaako iramo kae anu moroso bawaa-Miu mpeluarako inso i wita Masiri ka weweuo nee-Miu telele kana a oleo andio, mpoweweu kamimo hala, mpoweweu kamimo gau mosa'o.

WINEWEUDO TINENA 7:36

Onaemo anu wawa ira mpeluarako saru mompokohina anu mengkinohali-haliako ka hadio petondoni i wita Masiri, i Tahi Motaha ka i pada one, patopulu nta'u tehineno.

ROMA 9:17

Hangano Wunta Mempori mepau ndi Pirao, ”Onaemo pu'uno ka Kupontadeko, onaemo ka Kupopokitao pabawa-Ku ndi omue, ka ipinalele nee-Ku i asa wawontolino.”

Winali 4:34

Horiokoake aasa ue ala mo'arahako aiwa ta mo'ala tiano aasa tongku inso i tonga-tongano tongku anu susua a mperupa-rupa po'arahako, petondoni, wineweu kinohali-haliako, ka peteaa, ka kae anu moroso ka tokia tetande, saru luwuno mongkokongiria langkai, kana anu wineweu-Do i Ue, Ue Alamiu ndi omiu i wita Masiri, i arono matamiu?

Winali 7:19

Imengkitaakonomo matamiu luwuno po'ara-arahako langkai, luwuno petondoni ka anu mengkinohali-haliako, kae anu moroso ka tokia tetande anu pinake-Do i Ue, Ue Alamiu, wawa komiu mpeluarako. Kanatuumo mbo'u Ira weweuo i Ue, Ue Alamiu a luwuno tongku anu dinoitoakomiu.

1 PETURU 5:5

Kanandio koa mbo'u omiu, hei mia memongura, impe'urumakomo a mia anu memota'u. Ka luwumiu, imemambe'urumako, hangano, ”Ondae Ue Ala umewaio mia mompelangka-langkai, sine mehohawao mia anu me'urumako.”