Nehemia 9:1 - Wunta Mempori

¹ Ia oleo korua pulu ka opaa wula atuu, to Isaraeli mpepumpu ka mempuasa saru mpopokona sawu po'inombo ka wita a ulu.

Nehemia 9:1 Iomraidhean Croise

2 Samueli 1:2

Ia oleo anu ko'otolu haweomo asa mia sorodaduno i Saulu mesangka teberi-beri ka wita a uluno. Sahaweno ndi Daudi, menggolontuomo mesomba hawe i wita.

2 Tawarika 20:3

I Yosapa gagi doito, ka i'amba putusio umungke Ira i Ue. Itena ira luwuno Yehuda ka domempuasa.

2 Tawarika 7:10

Ia oleo anu korua pulu ka otolu, wula ko'opitu, itena ira tongku atuu mpekule a luwuno kemado ka dompo'unde ka mawongko, hangano moikoa anu wineweu-Do i Ue ndi Daudi, ndi Salomo ka a nto Isaraeli, bawaa-Do.

Esera 8:21

Ka i'amba i ra'ai, i wiwi ngkorono Ahawa atuu, kupopoto'orio puasa ka kimpe'urumako i aro-Do Ue Ala mami ka mo'ema ndi Ondae ka Dokongkomi kami a pelempaa saru sombori mami ka luwuno arataa mami.

Esera 8:23

Gagi mempuasa kamimo ka mpo'emao ndi Ondae i Ue, ka Do'ihiio po'ema mami.

Nehemia 8:2

mperongaako iramo mpepumpu luwuno palili a ntanalapa i arono Pewowa Langkai Uwoi. Dome'emao ndi Esera anu tedoa pande a wunta atuu, ka iwawao wunta Taurano i Musa anu Doweeako ira i Ue a nto Isaraeli.

Esetere 4:16

”Lakomo, pumpu iramo luwu to Yahudi anu mekongko i Susani ka imempuasamo tiaku. Si mpongkaa ka si mpo'inu otolu oleo tehineno, moiko i tempono wongi, moiko i tempono meene. Ongkue saru luwuno beine puu mpopekakaakoku mbo'u, kami mempuasa kanatuu. Ka umarino atuu aku mewinso me'aro ndi ondae mokole, maupo mo'ewai atora. Tewala mansa aku mate, po'ineeomo kumate.”

Esetere 4:3

Ia sompo-sompo wita, isua petena ka atorado mokole haweomo, hinao po'inomboa anu langkai i olodo to Yahudi tinondaako puasa ka ponsabangi; hadio mia mpowile sawu po'inombo saru awu pe'empehido mpoturi.

Ayubi 2:12

Mansado mengkitao inso olai, nami domento'orio mbo'u. Ka do'amba mpengese meroku, meberio lemba meloedo ka mporawo awu a wawo uludo kontahane i langi.

Yesaya 22:12

I tempo atuu Ondae i Ue, Ueno luwuakoano tumena ira mia mpengese ka mponsabangi, mpekeru ulu ka mpebooako sawu po'inombo;

Yoeli 2:12

”Sine kanandio-andio,” kanandiomo pau-Do i Ue, ”pepokulemo ndi Ongkue tompaano aroamu, saru mepuasa, mengese ka monsabangi.”

Imama 23:34

”Pauako iramo to Isaraeli, kanandio: A oleo kohopulu ka olima wula ko'opitu onaemo oleo langkai-Do i Ue, oleo langkai Laika Lewe Ngkeu, opitu oleo tehineno.

Imama 23:39

Sine a oleo kohopulu ka olima wula ko'opitu atuu, i tempono imempumpuo hasilino witamiu, asalakono impoweweu porame-ramea ndi Ondae i Ue opitu oleo tehineno. A oleo amba-ambano asalakono hinao penaa-naaa ntu'u ka a oleo anu ko'oalu mbo'u hinao penaa-naaa ntu'u.

Yosua 7:6

Ipeberisakonomo i Yosua lembano, menggolontuomo i Yosua ra'ino hawe ia wita mesomba i arono burua-Do i Ue ranta ngkiniwia, mperonga ka mia memota'udo to Isaraeli, ka toro'uludo domerawosiakono awu wita.

MENGKAAA 11:3

Ka Aku moweeako ira anggaa a orua sakosii-Ku, ka dopompau anu ta gagi kontongaado mo'inombo, asa nsowu ka rua etu ka nomo pulu oleo tehineno.

Puu Mpobitara 20:26

Ka do'amba melako luwu to Isaraeli, onaemo luwudo tongku atuu, hawe i Beteli. I ra'ai dompo'ia mpengese i aro-Do i Ue, mempuasa hawe ngkiniwia oleo atuu, ka mpompesombaako pesomba tinunu ka pesomba tetolosia i aro-Do i Ue.

1 Samueli 4:12

Asa mia inso a nto Benami molai inso a mpeteaa ka ihawe i Silo oleo koa atuu, sangkano teberi-beri ka mewita toro'uluno.

1 Samueli 7:6

Mansado mpepumpu i Misipa, mpontambu ira uwoi ka dome'uwuo i aro-Do i Ue. I ra'ai mempuasa ira oleo atuu ka dompotae, ”Mentehala kamimo ndi Ondae i Ue.” Ka i Semueli moparenta gagi puu mpobitara a nto Isaraeli i Misipa.