Nehemia 8:17 - Wunta Mempori

¹⁷ Umarino atuu melako iramo mia me'alao luwuno lewe atuu ka meweweuo luwuno laika, singge mia a wawo ato rahano, a kintalado, ka mbo'u a luwuno kintalano Raha-Do Ue Ala, a ntanalapano Pewowa Langkai Uwoi ka a ntanalapano Pewowa Langkai Eparai.

Nehemia 8:17 Iomraidhean Croise

1 Tawarika 29:22

Mpongkaa ka mpo'inu ira ia oleo atuu memawongko langkai i aro-Do i Ue. Ka i'amba anu kompenduano domempakosio i Salomo anano i Daudi gagi mokole ka onae inurapi ndi Ondae i Ue gagi mokole ka i Sadoki gagi sando mpesomba.

2 Tawarika 30:26

Langkai ntu'u mawongkoa i Yerusale, hangano mompu'u i Salomo anano i Daudi mokole i Isaraeli, nahi hori tegagi wineweu kanatuu i Yerusale.

2 Tawarika 35:18

Oleo Pasa kanatuu nami riname-rame mbo'u i Isaraeli mompu'u i nabi Semueli. Nahina maupo te'asa mia inso a luwuno mokole i Isaraeli anu hori rumame-rameo Pasa kana riname-rameno i Yosia saru luwuno sando mpesomba ka to Lewi, luwuno to Yehuda ka Isaraeli anu mehawe saru palilino i Yerusale.

2 Tawarika 8:13

menunu saru hapa anu pinakosi gagi pesomba a sompo oleo, montonda parentano i Musa, onaemo ia oleo Saba, ia wula wo'ohu, ka pentolu asa nta'u a luwuno oleo langkai andio: oleo langkai Roti Nahi Peragi, oleo langkai Opitu Minggu, ka oleo langkai Laika Lewe Ngkeu.

Esera 3:4

Domeweweuo mbo'u rame-rame oleo langkai Laika Lewe Ngkeu, menunu saru anu teburi, ka sompo oleo mpopesombaako ira pesomba tinunu, montonda hadiono anu pinakosi tiano sompo oleo.

I YOHANE 1:14

Pau atuu gagiomo mia, ka mo'ia i oloto, ka tomengkitaomo maramba-Do, onaemo marambaa anu Dowineeako gagi Ana-Do i Ama Anu Asa-asa, buke pompehohawa ka menteea.

Winali 16:15

Ilarono opitu oleo asalakono impoweweu rame-rame melangkai Ira i Ue, Ue Alamiu, a mpo'ianga anu Ira binikio i Ue. Hangano Ondae i Ue, Ue Alamiu, Ira rumonso komiu a luwuno sinowimiu, ka luwuno anu inanggano kaemiu, ranta kai polio memawongko ntu'u.

IBARANI 11:13

Luwudo andio memate iramo a pompe'ala-ala gagi mia anu nahi dompohawe hapa anu dinandi atuu, sine butu domengkitao inso olai ka mengkawe-kaweo ka memangakuakono, nine ondae mia hawe ka mehawe i tolino andio.

IBARANI 11:9

Hangano pompe'ala-ala onae mo'ia i wita anu idinandiako atuu kana i asa wita susua ka i tu'ai ipo'ia a ngkema saru i Saki ka i Yako, anu saru ondae me'umbuo dandi anu aasa atuu.

IBARANI 4:8

Hangano, bakanaano iwawa iramo i Yosua mpewinso a mpo'ianga penaa-naaa, manasa Ondae Ue Ala nahi Ira mepau lembuino mongkona aasa oleo susua.

Yosua 1:1

Mansano mate i Musa tetenaado i Ue, mepau Iramo i Ue ndi Yosua anano i Nunu, tetenaado i Musa atuu, kanandio,