Nehemia 8:12 - Wunta Mempori

¹² Luwuno to Lewi tumena ira luwu bawaa kadompoperodo, ka dompotae, ”Impoperodomo, hangano oleo andio mempori. Siimo imemasusa aroa!”

Nehemia 8:12 Iomraidhean Croise

1 Tawarika 29:22

Mpongkaa ka mpo'inu ira ia oleo atuu memawongko langkai i aro-Do i Ue. Ka i'amba anu kompenduano domempakosio i Salomo anano i Daudi gagi mokole ka onae inurapi ndi Ondae i Ue gagi mokole ka i Sadoki gagi sando mpesomba.

Nehemia 8:10

Ka i'amba i Nehemia, petewawado ka sando mpesomba i Esera, anu tedoa pande a wunta atuu, saru luwudo to Lewi anu paguru ira bawaa atuu, mpotaeako ira luwu, ”Oleo andio mempori-Do Ue Alamiu, si mpopemasusa ka mpengese!” hangano luwuno bawaa mpengese, itempono domerongeo pauno Taura atuu.

Nehemia 8:11

Ka i'amba motaeako ira, ”Imelakomo, impongkaamo kaanga anu mo'ahi ka impo'inumo inua anu mentowu, saru ime'oliwiomo asa ntia ndi ondae anu nahi dompopatinda hapa-hapa, hangano oleo andio mempori-Do Ueto! Si memasusa aroa, hangano mawongkoa inso ndi Ondae i Ue, onaemo dumagai komiu!”

Nehemia 8:13

Umarino atuu luwuno bawaa melako mpongkaa ka mpo'inu, mpotia-tia kaanga ka mpogawe, hangano dompokonto'orio luwuno pau-Do i Ue anu pinokomengkaa ndi ondae.

Esetere 9:22

hangano a oleomo atuu to Yahudi mpohawe rodoa inso a iwalido ka a wulamo atuu masusaa gagi po'undea ka oleo po'inombo gagi mawongkoa, ka dompokogagio luwuno oleo atuu oleo pelimbua, mawongkoa ka oleo singe monteo kaanga ka mompowee a mia mongkokolaro.

Ayubi 23:12

Parenta inso a wiwi-Do nahi kulimpaio, i laro aroaku kunaao pinau-Do.

Po'unde-unde 119:111

Luwuno pepopoto'ori-Miu onaemo tia pusakaku ranta nahina tampulaano, hangano luwuno atuu gagi pokomawongkono aroaku.

Po'unde-unde 119:127

Onaemo pu'uno ka kukekewoio luwuno parenta-Miu laluaopo sekono wulaa maupo wulaa mpena.

Po'unde-unde 119:130

Luwuno pau-Miu anu pinosaba mompokomewine, moweeako ira ponto'ori a mia anu napi hina pinembasaino.

Po'unde-unde 119:14

Mawongko aku tumondao luwuno pompakosi-Miu, laluaopo sekono mompe'ue luwuno arataa.

Po'unde-unde 119:16

Ku'ineheakono luwuno pompakosi-Miu, pau-Miu nahi aku kumolupeo.

Po'unde-unde 119:171

Po'ineeomo wiwiku ka ipompau po'unde-unde, hangano Ipaguruakunemo luwuno pompakosi-Miu.

Po'unde-unde 119:174

Kukekewoio tekaduduia inso ndi Omiu, oo Ue, ka Songka-Miu gagi ineheku ntu'u.

Po'unde-unde 119:72

Taura anu pinohawe-Miu masuliopo olino ndi ongkue sekonopo sowuno lempe wulaa ka salaka.

Po'unde-unde 119:97

Kukekewoio ntu'u Songka-Miu! Kupenootio hawe sumoo oleo.

Yeremia 15:16

Mansano hinawe luwuno pau-Miu, kumawongkoakono. Pau-Miu atuu gagi ineheku, ka mawongkono aroaku, hangano ongkue wawao nee-Miu, oo Ue, Ue Alano luwuakoano.

I LUKASI 24:32

Motae iramo pada ondaedo, ”Kombake moroso aroato, tempono Dopepauakita a nsala ka tempono Dopopoto'oriakita ihino Wunta Mempori?”

ROMA 7:18

Hangano kuto'orio, nine i laroku, onaemo i laroku kana mia, nahina maupo hapa anu moiko. Hangano po'eheno aroa lano hinao i laroku, sine komba mongkona moweweu hapa anu moiko.

MENGKAAA 11:10

Ka ondae anu mpo'ia i wawontolino memawongko ka mpo'undeakono ondae atuu ka mpogawe ka memambe oliwi pompowee, hangano orua nabi atuu gagi bobarasaino luwuno mia anu mpo'ia i wawontolino.