Nehemia 8:10 - Wunta Mempori

¹⁰ Ka i'amba i Nehemia, petewawado ka sando mpesomba i Esera, anu tedoa pande a wunta atuu, saru luwudo to Lewi anu paguru ira bawaa atuu, mpotaeako ira luwu, ”Oleo andio mempori-Do Ue Alamiu, si mpopemasusa ka mpengese!” hangano luwuno bawaa mpengese, itempono domerongeo pauno Taura atuu.

Nehemia 8:10 Iomraidhean Croise

1 Mokole 8:66

A ngko'oalu oleono, itena ira tongku atuu melako. Mpo'ema ira ronso tiado mokole, ka do'amba mpekule a ngkemado saru mpo'unde ka mawongko aroado, hangano luwuno moikoa anu Doweweuomo i Ue ndi Daudi, tetenaa-Do ka a nto Isaraeli, bawaa-Do

1 Tawarika 16:27

Langkaia ka marambaa kongko i aro-Do, roso ka mawongka kongko a mpo'ianga-Do.

Nehemia 8:11

Ka i'amba motaeako ira, ”Imelakomo, impongkaamo kaanga anu mo'ahi ka impo'inumo inua anu mentowu, saru ime'oliwiomo asa ntia ndi ondae anu nahi dompopatinda hapa-hapa, hangano oleo andio mempori-Do Ueto! Si memasusa aroa, hangano mawongkoa inso ndi Ondae i Ue, onaemo dumagai komiu!”

Nehemia 8:12

Luwuno to Lewi tumena ira luwu bawaa kadompoperodo, ka dompotae, ”Impoperodomo, hangano oleo andio mempori. Siimo imemasusa aroa!”

Esetere 9:19

Onaemo pu'uno to Yahudi anu mpo'ia a inia kodei, ondaemo anu mpo'ia a inia atuu, merame-rameo oleo anu kohopulu ka opaa wula Adari atuu gagi oleo mawongko ka oleo pelimbua ka gagi oleo po'undea singge monteo kaanga.

Esetere 9:22

hangano a oleomo atuu to Yahudi mpohawe rodoa inso a iwalido ka a wulamo atuu masusaa gagi po'undea ka oleo po'inombo gagi mawongkoa, ka dompokogagio luwuno oleo atuu oleo pelimbua, mawongkoa ka oleo singe monteo kaanga ka mompowee a mia mongkokolaro.

Po'unde-unde 149:2

Po'ineeomo to Isaraeli domemawongkoakono anu mokogagi ira, po'ineeomo nana'oteno Sioni domengkokora-koraakono mokoledo!

Po'unde-unde 89:17

hangano nee-Miu ondae mengkokora-kora hawe sumoo oleo, ka hangano moleo-Miu mpo'unde ira.

Powadi 17:22

Aroa anu mawongko onaemo pakuli anu alapi, sine anu tetadi rosono mompokomokari wuku.

Puu Pontutulu 11:2

Weeako iramo tiado a opitu, maupo a oalu mia, hangano nahi kotumo'orio masolaa hapa anu ta gagi i wawontolino.

Puu Pontutulu 2:24

Nahina anu lalu moiko a mia sekonopo mongkaa mo'inu ka mesana-sanaa a laro mpine'iseino. Kupokonto'orio nine andio mbo'u inso a ngkae-Do Ue Ala.

Puu Pontutulu 3:13

Ka nine sompo mia mokompongkaa mo'inu, ka membasaio sanaa a laro luwuno pine'iseino; onaemo pompowee-Do Ue Ala.

Puu Pontutulu 5:18

Ka sompo mia anu Dopoweeakono Ue Ala pompoli ka arataa saru pinoweeako roso ka ipakeo, tumarimao tiano ka mawongko a laro mpe'iseiano. Atuu mbo'u pompowee-Do Ue Ala.

Puu Pontutulu 9:7

Hio, kaanomo rotimu temawongko, ka inuomo anggoromu saru aroa mawongko, hangano tehineomo Dopemoikoo Ue Ala wineweumu.

Penani Maramba 5:1

Aiwa aku a lereku, uai, umbungkoroiku, kupumpuo mire ka rampa-rampaku, kukaano inenano hoani ka siu hoaniku, ku'inuo anggoroku ka susuku. Impongkaamo, wali-waliku, impo'inumo, impo'inumo ranta molanguako pompehohawa!

Yesaya 49:5

Kanandio-andio, mepau Iramo i Ue anu weweu aku mompu'u inso a mpe'anakaa ka kugagi tetenaa-Do, ka mokuleo i Yako ndi Ondae, ka domepinumpu to Isaraeli ndi Ondae – mentee ntu'u, ongkue pinelangkai a pongkita-Do i Ue, ka ondae Ue Alaku gagi rosoku,

Yesaya 61:10

Mawongko aku ndi Ondae i Ue, sumangaku kokora-kora mawongko ndi Ondae Ue Alaku, hangano Dopokonaakune sangka tekaduduia ka sumoumbuakune lemba meloe menteea, kana umbungkoroi tama anu mompokona ramba-ramba ulu ka kana umbungkoroi beine anu mompake ramba-rambano.

Yoeli 2:23

Hei inuleno i Sioni, peboo-boolimo ka po'undemo hangano Ondae i Ue, Ue Alamu! Hangano Dopoweakomiumo usa a pompu'uano tempo ka Dopotiiakomiu usa, usa a pokotompaano tempo kana se'eluno.

Sakaria 14:21

Ka luwuno kawali i Yerusale ka i Yehuda ta gagi mempori ndi Ondae Ueno luwuakoano. Luwuno mia anu mompesombaako pesomba ta aiwa umalao ka numahuo i larono. Nahi ta hina mbo'u puu mpebalu-balu a raha-Do Ueno luwuakoano i tempo atuu.

I LUKASI 11:41

Sine, impeweengakonomo ihino gagi pontulungi ka menteeano luwuno ta gagi morina ndi omiu.

2 KORINTI 8:2

Kontongaado me'inara-arahakoako anu mobea a laro mperupa-rupa marasaia, tedoa ira memawongko ka maupo domemongkokolaro ntu'u, sine mengkaea ira a mpe'aroa.

PILIPI 3:4

Maupo ongkue hinao koa mbo'u pu'uno me'ala-alao mongkona tuwu ntolino. Tewala hinao mia susua anu potaeno mokompe'ala-alao mongkona tuwu ntolino, ongkue laluaopo mbo'u:

MENGKAAA 11:10

Ka ondae anu mpo'ia i wawontolino memawongko ka mpo'undeakono ondae atuu ka mpogawe ka memambe oliwi pompowee, hangano orua nabi atuu gagi bobarasaino luwuno mia anu mpo'ia i wawontolino.

1 Samueli 25:8

Isikeno ira miamiu ka ira mempauakomiu. Gagi ipehohawa iramo miaku, onaemo ka dome'aiwa tempono oleo pogawea. Ipoweeako iramo atamiu andio ka anamiu i Daudi hapa anu hina ndi omiu.”