Nehemia 7:1 - Wunta Mempori

¹ Mansano umari winangu bente ka kupasao luwuno pewowa, mempinotoro iramo anu mpodagai tondo langkai, puu mpenani, ka luwuno to Lewi.

Nehemia 7:1 Iomraidhean Croise

2 Mokole 7:10

Melako ira, ka do'amba mpebooli a puu mpodagai pewowa langkai kota ka mentutuluako ira luwuno mia atuu, dompotae, ”Mpewinso kamimo a mpekemaado to Arami. Mengkaaomo nahina maupo te'asa mia i ra'ai ka nahi teronge pepauno mia. Butu hinao ngara ka kalide anu tetanggo. Maupo luwuno kema domansa mebintao.”

2 Tawarika 31:2

Hisikia pakosio tumia ira sando mpesomba ka to Lewi, nte'o'asa bawaa, singge montonda anggaa a mpotorono gagi sando mpesomba ke to Lewi, anu mompesombaako pesomba tinunu ka pesomba tekaduduia, anu mpowuatako po'unde-unde ka mpenani, saru pompekakaako a luwuno pewowa langkai a mpekemaa-Do i Ue.

Esera 3:8

Ko'orua nta'uno, wula ko'orua, umarido mehawe a Raha-Do Ue Ala i Yerusale, i Serubabeli anano i Sealitieli ka i Yesua anano i Yosada pu'uo anggaa atuu saru luwuno pepaekompodo anu susua, onaemo luwuno sando mpesomba ka to Lewi, saru luwuno mia anu mpekule i Yerusale inso a mpo'ianga domentinawa. To Lewi anu tinuwuno rua pulu nta'u ka torea, dotena ira mpodagai anggaano mowangu Raha-Do i Ue.

Nehemia 10:39

To Isaraeli ka to Lewi, asalakono mpowawa pesomba pinesusua, onaemo gandu, anggoro ka lana a luwuno bolongko, a mpo'iangano sangka mempori, luwuno mbo'u sando mpesomba anu mpopekakaako, luwuno anu mpodagai pewowa langkai ka puu mpenani. Nahi kami mpo'ineeo Raha-Do Ue Alamami.

Nehemia 11:3

Ndiomo luwuno petewawa poropinsi Yehuda anu mo'ia i Yerusale, sekono a luwuno kota i Yehuda to Isaraeli, luwuno sando mpesomba, to Lewi, luwuno anu mpopekakaako a Raha-Do Ue Ala ka inuledo luwuno atano i Salomo, singge mia mo'ia i wita tiano, a kotano onaeno.

Nehemia 12:24

Ndiomo luwuno petewawa i olodo to Lewi: i Hasabia, i Serebia, i Yesua anano i Kadimieli ka luwuno pepaekompodo anu mpentade i arodo mpenaniako po'unde-unde ka mawongko menunu saru parentano i Daudi, tetenaa-Do Ue Ala, nte'o'asa bawaa.

Nehemia 6:1

I Sanibala, i Tobia ka i Gesyemi to Ara atuu, saru luwuno iwalimami anu susua merongeo nine umariomo kuwali wanguo rereno bente, ranta nami hina mbo'u anu mebolo, maupo hawe i tempo atuu luwuno pewowa langkai napi kupasao tondono.

Nehemia 6:15

Bente atuu umari winangu a ntanggala rua pulu ka olima wula Eluli, lima pulu ka orua oleo tehineno.

Nehemia 6:19

Domempopauo mbo'u luwuno moikono i Tobia i aroku ka mpohaweo luwuno pinauku ndi onae. I Tobia mbo'u mo'oliwi hadio wunta anu mokodoito aku.