Nehemia 6:6 - Wunta Mempori

⁶ A wunta atuu teburi, ”Hinao lele angi i olodo tongku ka ipokomenteeo i Gasimu nine omue saru luwuno to Yahudi mpotoo ira me'ewa ka onaemo pu'uno kauwali wanguo bente. Ndio mbo'u montonda lele atuu inehemu gagi mokoledo.

Nehemia 6:6 Iomraidhean Croise

Esera 4:12

Moikoano kai to'orio mokole, nine luwudo to Yahudi, anu mpelungka inso a mpo'iangamiu ueku aiwa a mpo'ianga mami, mehawe iramo i Yerusale. Ondae kontongaado wali mpowangu kota anu inehedo mpe'ewa ka mosa'o gaudo atuu. Ondae kontongaado mpopoko'umari powangua rere watu ka mpokomoikoo pondasino.

Esera 4:15

ka ihina pomparesaa a wunta teweweudo uempu'umiu, ueku. I larono wunta teweweu atuu, komiu humaweo ka tumo'orio ueku, nine kota atuu, kota anu ineheno umewa, anu wela mokorugi ira mokole ka luwuno wita, ka nine mia wela me'ewa i larono mompu'u ndi'ipua. Onaemo pu'uno kota atuu ka ikinale-kale.

Nehemia 2:19

Rumongeo mongkona atuu, i Sanibala to Horoni, ka i Tobia to Amoni puu mpopekakaakodo mokole, saru i Gisiemi to Ara, mempasinggiri kami ka mpokongkodei kami. Dompotae, ”Hapa anu wineweumiu atuu? Nde komiu umewai ira mokole?”

Nehemia 6:13

Onae inowahi kakugagi doito ka ku'amba moweweu kanandio, ranta kakutehala. Hangano kanandio hinaomo pesalaado mpokomosaoo neeku ranta kadompokotata aku.

Nehemia 6:5

Ka i'amba anu kopelimano, i Sanibala montena asa miano ndi ongkue saru pe'oliwi anu mengkena a laro wunta nahi tinongo a ngkaeno.

Nehemia 6:7

Tamoako utiso iramo nabi kadomempaleleo mongkona omue i Yerusale, kanandio, ’Hinao asa mokole i Yehuda!’ Kanandio-andio lele kanatuu ira rumongeo mokole. Onaemo pu'uno, aiwamo tonteriso mperonga!”

Yeremia 20:10

Mentee ntu'u, Kurongeomo petanga-tangado hadio mia, ”Doitoa inso a luwuno lakoa! Kalakio! Tomengkalakio!” Luwuno sambe'e morosoku mposikori tedontaaku, ”Bara'ura ta koa tepopandei, ka tompokonangio saru mpombalo ndi onae!”

I MATIU 5:11

Meme'ura komiumo, ba hangano Ongkue ka imentinata ka binobarasai ka imempinosebeako luwuno anu mosa'o.

I LUKASI 23:2

I tu'ai mpompu'u iramo tumuluri Ira, dompotae, ”Kimehaweomo, nine mia andio mokontesaa ira tongkumami, ka umonto ira mpo'owahi sima'ulu a Datu, ka mongkona koroi-Do Dopotae, nine Ondaemo i Kerisituu, anu Mokole.”

I YOHANE 19:13

Mansano rumongeo i Pilatu pau atuu, metenaomo ka Dolinuarako i Yesu, ka ipentoro a ngkadera pobitaraa, a mpo'ianga anu meneeako Litosotoroto, a mpau Ibarani Gabata.

ROMA 3:8

Kombake nahi mentee pomposebedo mia anu motae, nine mpotae kita, ”Aiwamo ka tompoweweu anu mosa'o, ka ipesabaako anu moiko inso ndi onae.” Mia kanatuu tekonaomo ipohawe pohuku.

2 KORINTI 6:8

tempono pinelangkai ka tempono pinokongkodei; tempono pinepaukiako ke tempono inunde-unde; tempono tinuluri mompopo'oo, sine pine'ala-ala,

1 PETURU 3:16

ka saru ponto'orino aroa anu moiko, ka domegagi mokoko'iiakono pomposebedo atuu anu mposebe komiu hangano tuwumiu anu moleo ndi Ondae i Kerisituu.