Nehemia 5:8 - Wunta Mempori

⁸ Kupotaeako ira, ”Omami wela mpe'usaha ka kimpokotolosi ira pe'asa nto Yahudi anu inasa a luwuno tongku susua. Sine omiu tendeano me'asa ira pepaekompomiu, ka dome'inasa mbo'u ndi omami!” Mansa mengkomino hangano nahi dompoko'ewai ira.

Nehemia 5:8 Iomraidhean Croise

Nehemia 5:9

Mepau aku mbo'u, ”Nahi pototono hapa anu wineweumiu atuu! Kombake asalakono imentuwu a laro doitoako Ira Ue Alato, kai ntetempu inso a mpopepaukiakodo tongku susua, luwuno iwalito?

Ayubi 29:10

suarado mia pinemota'u tetadi, ka elodo metako a langirado.

Ayubi 32:15

Mebulalingo ira, nahi dompoko'ewaio mbo'u pinauno, nahi dompokompepau mbo'u.

Peluarakoa 21:16

Isema anu mompolaisako pe'asa miano, ke i'asaomo, ke hinawe da kongko ndi onae, manasa onae hinuku mate.

I MATIU 22:12

Ipotaeakono: Hei pepaekompo, kana'umpe ka upewinso ramai nahi upesangkaako sangka mpogawe? Sine mia atuu butu mo'ia.

I MATIU 25:15

Anu asa mia iweeakono olima talenta, anu asa mia mbo'u orua ka anu asa mia mbo'u aasa, singge mia montonda pinolino, ka i'amba melungka.

I MATIU 25:29

Hangano sompo mia anu hinao, ndi onae ta pinowee, ranta ka ihadio ntu'u. Sine isema anu nahina, maupo hapamo koa anu hina ndi onae ta inala inso ndi onae.

ROMA 14:15

Hangano tewala upokomahakio aroano pepaekompomu hangano hapa anu kinaamu, onaemo ka nami utuwu mbo'u montonda inemano pompehohawa. Si solangio pepaekompomu hangano kaangamu, hangano Domateakonomo i Kerisituu.

ROMA 3:19

Sine tomento'orio, nine luwuakoano anu teburi a Wunta Taura tiado anu mentuwu i totono songka Taura, ka ite'onso sompo nganga ka asa wawontolino ntedonta i totono pohuku-Do Ue Ala.

1 KORINTI 8:11

Nde ba kanandio mia anu molema, onaemo pepaekompomu, anu tiano koa mbo'u ka Domate i Kerisituu, gagi mate hangano ”ponto'ori” mu.

2 KORINTI 8:12

Hangano tewala inso i aroamiu mompowee, asalakono pompoweemiu ta tinarima, tewala pompoweemiu atuu me'empehiako hapa anu hina ndi omiu, komba me'empehiako hapa anu nahina ndi omiu.

GALATIA 6:10

Onaemo pu'uno, tekonai da hinao tempoto, aiwamo ka tompoweweu moiko a luwuno mia, sine tamoako lahi a wali-walito pe'asa pompe'ala-ala.

Winali 24:7

Tewala asa mia hinawe mompolaisako asa mia pepaekompono inso i olodo to Isaraeli, ka i'amba weweuo kana ata ke i'asao, asalakono anu mompolaisako atuu mate. Kanatuumo u'oninio anu mosa'o atuu inso i tonga-tongamu.