Nehemia 5:7 - Wunta Mempori

⁷ Mansano kupewowoloo moi-moiko, kukuahako ira mia memota'u ka anu mempabawa. Kupotaeako ira: ”Omiumo isa'a mpo'ala riba inso a luwuno pepaekompomiu!” Umarino atuu kuweweuo terisoa langkai a bawaa ndi ondae.

Nehemia 5:7 Iomraidhean Croise

Po'unde-unde 109:11

Po'ineeomo anu monsinga pasua ka i'alangkorao luwuno anu pine'ueno, ka mia susua mpomuruo hasilino pe'iseino.

Po'unde-unde 15:1

Penani po'unde-undeno i Daudi. Ue, isema anu moiko tetoro a laro ngkema-Miu? Isema anu moiko ipo'ia a ntorukuno-Miu anu mempori?

Po'unde-unde 15:5

anu nahi pompesaboako doino saru mongkaa tiangino ka nahi pontarima pompowee nahi pototono umewaio mia anu nahina salano. Isema moweweu kanatuu, nahi ta telelu ranta nahina tampulaano.

Po'unde-unde 27:8

Mongkona Omiu ipotae aroaku, ”Ungkeomo rupa-Ku” ka rupa-Miu ku'ungkeo, oo Ue.

Po'unde-unde 4:4

To'oriomo, Ondae i Ue Dobinikiomo tia-Do asa mia anu pinehohawa-Do; Ondae i Ue merorongeakono tewala mebooli aku ndi Ondae.

Po'unde-unde 94:16

Isemake anu ta mentade umala-alaakune i arodo mia melambaha, isemake anu ta aiwa mokowali aku i arodo anu mpoweweu mosa'o?

Peluarakoa 22:24

Tekuda-Ku ta tensila ka Aku mepateakomiu ponai, gagi beinemiu ira megagi tuwua beine ka luwudo anamiu gagi nahina amado.

Peluarakoa 22:25

Tewala omue mompesaboako doi a asa mia inso a bawaa-Ku, mia mongkokolaro i olomiu, si poweweu kana mia mpopebungaako doi ndi onae, si mpo'ema bungano ndi onae.

Powadi 27:5

Moikoopo pekuahako i arono sekonopo pompehohawa anu tewuni.

Powadi 28:4

Mia anu nahi perioo songka umunde-undeo mia mosa'o gauno, sine mia anu me'ini a songka umewai ira.

Yehesikieli 22:12

I olomu hinawe mia anu montarima pompowee anu nahi pototono ka ipo'uwu rea. Omue mo'ala tiangino ke bungano doi ka mokorugio pe'asa miamu mo'ala anu komba tiamu. Mentee ntu'u, ukolupe Akumo, kanandiomo pau-Do Ue Ala.

Yehesikieli 45:9

Kanandiomo pau-Do Ue Ala, ”Sompoomo, hei luwuno mokoledo to Isaraeli, impoko'olaiomo pobobarasaia ka pompokonsiia, sine weweuomo moleoa ka menteea. Impenaa-naamo mporontu wita tiado bawaa-Ku, kanandiomo pau-Do Ue Ala.

Imama 19:15

Si memolengku a mpopaua kara-kara: si mpo'alaako mia mongkokolaro ke mentondao po'ehedo mia langkai potorono, sine asalakono impopau mentee kara-karado pe'asa miamiu.

Imama 25:36

Si mpo'ala bungano doi ke untu inso ndi onae, tendeano omiu asalakono medoitoako Ira Ue Alamiu, kai pokotuwu pepaekompomiu i olomiu.

I MATIU 18:17

Tewala nahi perorongeako ira, pauomo teweweuno a bawaa. Ka tewala nahi perorongeako ira mbo'u bawaa, kitaomo kana mia anu nahi to'ori Ira Ue Ala ke asa mia puu popumpu sima'ulu.

2 KORINTI 5:16

Onaemo pu'uno nahi kimengkitao maupo te'asa mia montonda pompewowolono mia. Ka tewala hori kami kumita Ira i Kerisituu montonda pompewowolono mia, kanandio-andio nami kimengkita Ira mbo'u kanatuu.

GALATIA 2:11

Sine tempono hawe i Kepa i Antiokia, kupauakono ntu'u i arono umewaio, hangano onae saala.

1 TIMOTIU 5:20

Ondae anu mpoweweu hala asalakono kuahako ira i arodo luwuno mia ka domedoito koa anu susua.

TITU 2:15

Paleleomo luwuno atuu, patudu iramo ka pokomanasaako ira a luwuno poweweumu anu tekona domentondao. Si hina mia anu me'uru-uruko.