Nehemia 5:13 - Wunta Mempori

¹³ Ongkue mbo'u metapisakono lupino lembaku kakupotae, ”Kanatuumo sompo mia anu nahi ihiio dandi andio, Ira tumapisakono Ue Ala inso a rahano ka hinaweno a mpe'iseino. Kanandiomo i tinapisako ka gagi mongkokolaro.” Luwuno bawaa mpotae, ”Ami,” ka do'amba umunde-unde Ira i Ue. Palili mbo'u umihiio dandino atuu.

Nehemia 5:13 Iomraidhean Croise

2 Mokole 23:3

Ka i'amba mokole mentade umpeda a ngkaru raha pesombaa ka moweweu pedandia i aro-Do i Ue ta tumonda Ira i Ue, mekariao luwuno parenta-Do, atora-Do ka pompakosi-Do a tompaano aroa ka tompaano sumanga, ka umihiio pau pedandia anu teburi a wunta atuu. Luwuno palili mengkorahakono pedandia atuu.

1 Tawarika 16:36

Inunde-unde Iramo i Ue, Ue Alado i Isaraeli, inso i ndi'ipua hawe nahina tampulaano. Ka i'amba luwuno bawaa mpotae, ”Ami! Unde-unde Iramo i Ue!”

Nehemia 8:6

I Esera wileo wunta atuu domengkitao luwuno bawaa, hangano onae mentade lalu mantande inso a luwuno mia atuu. Tempono iwileo, luwuno mia mpentade.

Po'unde-unde 119:106

Mesumpa akumo ka aku umihiio, aku me'ini a luwuno songka-Miu anu moleo.

Po'unde-unde 50:14

Pesombaakonomo pesomba po'ude-unde ndi ondae Ue Ala ka owahiomo tinangamu ndi ondae Anu Tedoa Mantande!

Po'unde-unde 76:11

Menteeano mokulano aroano mia ta mepokule gagi umakui Komiu, ka toreano mokula aroa atuu Komiu umontoo.

Powadi 28:4

Mia anu nahi perioo songka umunde-undeo mia mosa'o gauno, sine mia anu me'ini a songka umewai ira.

Puu Pontutulu 5:5

Ngangamu ka siwawako a laro hala, ka sipepau i arodo tinena-Do Ue Ala nine nahi upe'inungakono. Nde laluopoke Ondae Ue Ala tekuda a luwuno pinaumu ka sumolangio hapa anu inanggano kaemu?

Podoaa 5:22

Hangano uwoi anu mowawa totonaa andio ta mewinso a laro ngkoroimu mokokambao pe'anakaamu ka mokongkodeio pu'u mpa'amu. Ka i'amba beine atuu asalakono motae: Ami, ami.

I MATIU 10:14

Ka tewala asa mia nahi tarima komiu ka nahi perorongeakono pinaumiu, impeluarakomo ka bintao raha ke kota atuu ka imetantamio pampawu inso a mpele ngkarumiu.

WINEWEUDO TINENA 13:51

Sine i Paulu ka i Baranaba dotapisio pampawu a ngkarudo gagi pepopoto'ori a mia atuudo, ka do'amba lumako i Ikoniu.

WINEWEUDO TINENA 18:6

Sine mansado mpe'iwaliakono mia ka mpepaukiakono, itantamio pampawu inso a sangkano ka ipotaeako ira, ”Po'ineeomo ka ite'uwu reamiu a wawo ulumiu omiu-miu; ongkue morina, nahina salaku. Mompu'u kanandio-andio aku lumako a tongku susua.”

1 KORINTI 14:16

Hangano, tewala omue butu montarimakasiako penaamu, kana'umpeke mia anu mehawe mporonge mpokompotae ”ami” a mpontarimakasimu? Kombake onae nahi to'orio hapa anu pinaumu?

1 Samueli 15:28

Ka i'amba motae i Semueli ndi onae, ”Oleo andio Dokansao i Ue poparentaa Isaraeli inso ndi omue ka Doweeakono mia susua anu moikoopo sekono omue.