Nehemia 5:12 - Wunta Mempori

¹² Mesangki ira, ”Kami koa mempokuleo ka nahi ta tinuntu hapa-hapa inso ndi ondae. Kami koa meweweuo kana anu iparentaa kami!” Umarino atuu kupoboi ira sando mpesomba ka tumena ira mia atuudo mpesumpa ka dome'ihiio dandido.

Nehemia 5:12 Iomraidhean Croise

Esera 10:12

Ka do'amba mesangki bawaa, mpebooli meroku, ”Moiko, lano asalakono kami meweweuo kana pinaumiu atuu.

Esera 10:5

Mentadeomo i Esera ka itena ira petewawa sando mpesomba, to Lewi, ka luwudo to Isaraeli mpesumpa, nine ira meweweuo luwuno anu pinau atuu; umarino atuu mpesumpa iramo.

Nehemia 10:29

Mpe'asa ira saru luwuno pepaekompodo, luwuno mia pinemota'u atuu. Ondae mpesumpa totonaa kadomentuwu montonda songka-Do Ue Ala anu domewineeako molalo i Musa, tetenaa-Do Ue Ala atuu, ka mentondao mpiha ka meweweuo luwuno parenta-Do i Ue, Ondaemo Uemami, saru luwuno atora ka pompakosi-Do.

Nehemia 10:30

Omami mbo'u nahi kami mpeweengakono ana beinemami a luwuno tongku i wita atuu, ke maupo mo'ala ana beinedo tiado ana ntamamami.

Nehemia 10:31

Tewala luwuno tongku i wita atuu mpowawa ira sangka ka mperupa-rupa gandu ta inasa a oleo Saba, nahi kami me'olio inso ndi ondae a oleo Saba ke oleo mempori. Kami mpo'ineeo wita nahi inangga a nta'u ko'opitu ka nahi kami mposinga pasua.

Nehemia 13:25

Kutata ira ka kutotonaa ira. Ba'opia mia i olodo kutunduhio ka kubutao wuuno, ka ku'amba tumenao mesumpa a nee-Do Ue Ala, kanandio, ”Sii ntu'u impeweengako ira ana beinemiu domengkombia ira ana ntamado ke mpo'ala ana beinedo gagi kombiado ana ntamamiu ke tiano koroimiu!

Nehemia 5:11

Oleo mbo'u andio pokuleako iramo bonde, lere anggoro, lere saitu ka rahado. Pasuado mbo'u imempahihiomo, onaemo doi saru gandu, anggoro ka lana anu pinesaboakomiu ndi ondae!”

I MATIU 26:63

Sine Ondae i Yesu komino mpiha. Ka i'amba motae Sando Mpesomba Langkai atuu ndi Ondae, ”A nee-Do Ue Ala anu tuwu, pauakamimo, ba Omue i Mesia, Ana-Do Ue Ala, ke naahi.”

I LUKASI 19:8

Sine i Sakeu mentade ka ipotae ndi Ondae i Ue, ”Ue, entonga inso a arataaku aku weeako ira mia mongkokolaro ka ba mansa hinao anu rinontuku inso a mia te'asa aku mokuleo meluka pepanto.”